一段時間冇打日記喇
俾老婆豬催稿tim>.<
其實我咁耐冇打日記既原因
唔係因為我懶(雖然都有少少成份)
最主要原因係因為番工
放工同放假都陪老婆豬
不過因為老婆豬極力催稿下
我決定好概括咁打番晒d野出黎
o係呢段時間裡面 好多日都係
訓醒>番工>放工>陪老婆>番屋企>訓覺
對於好多人黎講可能好乏味
但係我就樂在其中
因為只要可以同到老婆豬一齊
那怕過著在別人眼中的機械化生活呢
對於我黎講 每一天都好開心 好幸福
上星期五番左盛東銀龍幫手炒飯市
兩點收左工之後去左八樓打左陣機
三點零就番左盛東接老婆豬放學lu
陪佢番屋企換完衫就落左葵芳食日本野
醫知班既呢XD食完之後就去左睇愛出貓
笑到我呢....一個字"爆"
九萬幾對pushbra都推到妳咁既樣丫
睇完之後陪完老婆番屋企拎鎖匙
拎完就一齊去光輝圍同fd食宵夜
老婆豬抱住我契媽個孫果陣真係好似媽咪
我地坐埋一齊真係好似一家三口 哈哈^^"
食到一點幾鐘就番左老婆屋企訓lu
第二日同未來外母飲完茶就同老婆豬入東涌
老婆豬一落車行左幾步就整爛左一隻拖鞋
行唔到>.<孭到老婆豬去巴士站之後我就叫佢o係果度等我
我去左惠康買左對沙灘拖俾老婆豬著 佢見到即刻好開心
過左無耐就有車 咁就齊齊搭車番東涌去也
最後仲可以o係我屋企過夜 果一晚真係好開心
第二日晏晝同佢番佢屋企 o係葵芳買左支紅酒
買黎做咩?買黎送俾佢老豆囉
因為果一晚佢老豆果邊d親戚黎晒
成廿人有多= ="搞到我好緊張囉=口=
後尾佢其中一個表哥讚我好 又靚仔
我咪就係欣賞表哥你份人夠晒老實囉^^"哈哈
食完反坐多陣就同左老婆落葵芳行街
老婆豬好犀利 知道我o係佢屋企食唔飽
就同左我去食車仔面 食完同老婆上左新都會遊樂場打千秋
正確d黎講應該係偷偷地走入去
因為果陣都十點幾 已經封左唔俾入
原來老婆豬覺得好無家庭溫暖ka
雖然家庭溫暖我冇辦法俾妳
但我會給妳愛情的溫暖及甜蜜
雖然同家庭溫暖性質唔同
但起碼會令妳感到多一點的幸福 對嗎?
星期三放假 但係由於想同老婆豬食晏既關係
十二點幾一點就出到葵涌村同老婆&佢d同學食椰林閣
食到一點半佢地就飛的番學校 我就又去左八樓打機
打到三點幾番上盛東接老婆豬放學
老婆豬對唔住丫 陪妳食晏同接妳放學都遲到
唔好嬲老公啦 下次唔敢喇>.<
接完老婆放學陪佢番屋企換完衫就去左我屋企lu
玩到十點幾就送老婆豬番屋企
因為老婆驚我太夜先番到屋企 送到葵芳就唔俾我送喇>.<
終於打到今日喇 呼
雖然今日要番工 但係有一樣野好特別 一定要打出黎
話說今日晏晝老婆豬打黎同我講話佢部電話一個信息都收唔到
而我又咁岩腥極都腥唔到d信息出去 係咁發送失敗
到左夜晚佢收得番晒d信息 而我又腥得番信息出去
可能萬眾嫌我地兩個煩 停我地信息幾個鐘頭
哈哈 夜晚雖然同老婆豬有d小爭執
但好快又冇事lu
好驚同老婆豬嗌交丫>.<個感覺好失落T_T
陪老婆陪到一點幾就去左搭車番屋企lu
o係搭車既期間諗左好多野
由我地相識到現在已經一年半有多喇
發夢都估唔到當天妳的一個下午茶
我的一個不問自取(妳電話號碼)
竟然就為今天的這段情埋下了一條開始的伏線
這段期間我地彼此錯失過 到最終走在一起
甚至乎大家在彼此心目中都想是對方的最後一個
真係好微妙
老婆 讓我們努力為這段擁有動人過去的情
加上一個大團圓結局吧
無論多少年後 這段情仍然是此情不變 可以嗎?
可以從此只牽著彼此的手 一起走到生命的盡頭嗎?
吻妳是我每天習慣 寵妳是我最大使命
愛妳是我生存意義 娶妳是我奮鬥目標 | 
