開始入冬了

開始成形了

開始迷茫了

一切一切都變得有心無力了

妳為何又再重新出現我的夢?

明明消失了為何又再出現 像冤魂般

經歷重返06黯然又淡出後

對工作像灰掉了一樣 無心無力了

愈來愈搞不懂自己需要什麼

但每天都感覺到自己很頺癈

球隊開始成形的同時 如何建立核心

成了當前最需要解決的問題

呢排忙緊組隊足球隊

亦都証明左我會完全復出

之前同佢一齊果陣真係波皮都冇掂過

散左之後果半年都係斷斷續續

但係呢次咁決心組隊波既原因有兩個

一 我好鍾意踢波 二 呢隊波係成班老死組成

可以話係多左好多聚首一堂既機會

急聘:中堅 後備後衛(最好可以踢中堅/右閘呢兩個位) 工兵型中場(可能係後備)各一

就係差呢三個就組得成喇

隊名又係令人傷腦根 但係又彈左好多怪名出黎=.="

荃灣藍翼(件波衫咪一定要係藍色,好行)路德圍飛馬(gap爆)荃灣普高(等俾人大炒)

新沙咀道革命(可能會俾政府告叛國罪)沙咀道地震(球場都爛埋,點踢)

沙咀道機員(飛機?)荃灣戴那模(戴那模點解)沙咀道流浪(個個冇屋企要訓街?)

沙咀道星隊(吊那星?)沙咀道公鹿(打籃球咩)荃灣FYM(搵人地媽媽做隊名,過份)

同成仔諗左成日都係得一堆硬膠名= =不如叫荃灣硬膠聯好冇= =v

開始對"妳"感到氣餒

"維繫錯的一番友情　無奈已經不可糾正"

可能妳由頭到尾都唔知我係鍾意妳 如果妳唔知既話

全因為我收得太密又或者 我來來回回想忘記妳

但最後卻不由自主咁搵妳 怪自己太失敗

其實我有同妳表白過 唔知係妳真係get唔到定係扮get唔到

以下呢一段就係我俾過妳既暗示

"白雪公主不多 認命扮矮人的有太多個 早有六個"

一次又一次既氣餒 一次又一次既回頭

以上呢一段講中晒我地兩個既心

唔同既我係因為妳而氣餒再回頭

而妳卻為他這樣 我係好唔願承認

但係呢個的而且確係一個事實

我對妳呢一份堅持捱唔捱到出年係一個問題

可能未到出年我已經作出一個不再回頭既氣餒

今日炒完飯市諗住煲番支煙啦

支煙煲左一半 個鼻好似濕濕地咁

之後就見到地下有血

搞事咩= =食支煙o者 唔駛流鼻血丫= =

初頭以為流少少 點知愈流愈多= =

我會唔會死ka....XD

夜晚本身諗住訓果陣 又流= =

我而家都係塞住舊紙巾打blog= =

爭取時間丫麻XD

發覺到自己原來識到阿諾呢個好兄弟係超好彩

好彩既原因係我同佢好多方面原來都係互補長短

呢種兄弟真係可遇不可求 成世仔最好彩既事^^v

今日睇番以前成班同事唱k果陣影既短片

果陣真係好開心 唔知幾時又再可以聚首一堂呢

苦等半年 了無進展 真係好想好想同妳講一句

佢唔識珍惜妳 不如由我黎

唉...流年...忍住先 過埋今年我明溝妳 我話既

原來公司條新仔踢過南華U17 睇唔出@@

近排愛上左睇少年四大名捕

冷血無情 鐵手追命

對上兩次秋天都跟妳過 今年要自己過

真係好唔慣 風吹埋黎同以往一樣

都係咁舒服 只不過會令我諗起我地一齊既果兩個秋天

妳到目前係同我經歷得最多果個亦都係我到目前為止最愛果個

"往日共妳追憶永遠是好 怎能預計似這般難共妳同諧共老"

生活開始愈黎愈平靜 總算為我呢一年拎番個安慰獎

年頭目標幾乎全部都實現唔到 想生活平靜d都係年中先定出黎

嗯...呢一年真係好流年 流爆 剩番果兩個幾月 守埋佢啦

發圍等下年 追我想追既人又等下年

咩都等下年 好彩死唔係下年o者XD

出黎做野咁耐 年年入秋既時候個運都總會唔錯

今年就.............. 好狠死差丫= =

一定係今年冇去車公廟 一定係

下年有冇人做好心提下我= =出年都係流年既話

我趴地俾你地睇= =(嘩∼趴地狐丫)

日日同唱歌鬥心計鬥到有d累

好厭好倦 好唔慣咩事都要計過先做

好掛住昔日既一班同事 番工真係番得好開心

冇咩算唔算住 大家都拎個心出黎

相比而家個個都心機算盡 做野又唔係叻過人

仲有兩日就要做兄弟 仲有兩日就要送個兄弟入虎口

好行喇T_T唔夠用話聲我知丫XD

從此身邊咁又多左個老襯A"A

明知佢對妳唔好 但係我又幫唔到妳 開解唔到妳

感覺好難受 有一種衝動想同妳表白 不過

算啦 妳都夠煩 無謂再增添妳既煩惱

保持而家呢種關係至少仲保得住個機會

表白後個後果係點唔想去諗 唔想去試

保持機會 但求一擊即中

大前提係 我仲有機會可言 可能從未有過機會

又或者 機會已經冇左