人大了　方知天有幾高
停下了　方知找了彎路
從晚間等清早 等青春不蒼老
還尚有多久等我虛耗

時日太快 無知的小孩一晚長大
有些愛身邊擦過 無奈眼光未放大
才明白能活於一分一秒 當下仍愉快
咬緊拳頭不怕捱 青蔥歲月會跑得很快

留下了不懂把你當寶 離別了方清楚你的好
還要等數十年 雙手觸摸不到
才驟覺很想跟你擁抱

時日太快 無知的小孩一晚長大
太多愛斤斤計較　還未算清便分解
才明白能活於一分一秒 當下仍愉快
咬緊拳頭不怕捱 青蔥歲月會跑得很快

用你心來盡加一生一世 未來才愉快
哪管無聊的安排 不可教夢與想被活埋
昨天那無知小孩 珍惜你尚有這份情懷

兄弟 估唔到一轉眼就九年

估唔到當日咁多個之中會係你最快行呢段路

九年黎既事都仲歷歷在目 每一件事 我都仲好記得

你亦係咁多個之中唯一一個睇住我一路既轉變

十月三號既呢段路 由我黎送你

無論以後點變都好 兄弟始終都係兄弟

做兄弟有今生冇來世 好榮幸有你呢個兄弟

衰仔樂園存在於任何時間同地點 呢個樂園其實係我地一班兄弟既心靈世界

只要兩兄弟或者幾個兄弟一齊

可以放肆咁玩 放肆咁訴苦 放肆咁大笑

咁就身處o係衰仔樂園入面 有兩個兄弟明白左呢個樂園既真正意義

咁你呢個兄弟又幾時會明 只要你肯入 我地三個隨時歡迎

番左葵盛個幾禮拜 傷心既回憶有時會諗番起

但係已經唔再覺得心酸 可能真係睇開晒

班同事好輪騎呢怪= ="

弱智 精神有問題 二奶樣樣齊= ="

我覺得自己完全超晒班囉= ="

有機會成個身番入水吧

呢半個月變化好大 但係點都好

唔好破壞或者奢望我會改變得來不易既寧靜生活

錯 一次就夠 我唔會再錯 即使妳真唔知定假唔知

我無諗過話妳知

葵盛東銀龍呢個傷心地

唔知係咪整定我要番去面對自己既痛楚

定係個天想我o係邊度跌低就o係邊度起番身

咁我呢次番去 係好事定壞事呢?

今次我會再上高峰嗎?定係黯然離開?

或者好似上次咁 先上高峰再黯然離開?

肯定既係景物依舊 人面全非

那隊凝聚力極強 工作氣氛極好既團隊早就散o左

亦都唔會o係度出現 一路做一路笑既情景唔會再發生

但係每一樣野都有著以前種種既回憶 我有冇力去忍痛奮發呢?

感覺上自己今次番黎係歷盡滄桑 心高氣傲早已消聲匿跡

自信心早已被時間消磨得一乾二淨 今次番黎係為咩?

為左搵番迷失左既自己?唔服輸要玩多舖?

為左過去既回憶?究竟係為咩?

呢一晚諗左好多野 訓唔著><(你做咩諗野丫) 過去既戰友 一個都冇留低

感覺上好孤軍作戰 期望可以同新同事夾得埋

未返工已經咁百感交扎/_\ 番到去會點真係不敢想像

尋晚又發果個惡夢.......唉/_\

夢醒左又係照舊望去左邊 照舊空無一人

感覺好空虛 好失落

每一次都係咁 但係每一次都好空虛失落

呢個惡夢發左半年有多 幾時先可以唔再發

好多謝AK陪我傾電話傾天光

妳同我講既野我唔係唔明

但係 明白同做到係兩回事

我都好想可以做到 可惜時與願違

我曾經有幾次以為自己真係放低左 但係其實唔係

不過點都好 多謝妳陪我

朝早十二點幾起左身 o係魔獸開左隻聖騎玩

希望可以70到 坦騎就係型爆>w<

夜晚同阿諾,平面,家璇,家欣,家欣條仔同埋佢條仔個fd

去左尖咀食日式料理自助餐 抵食!!!好食!!!

突然間有一個念頭 如果阿包仲同我一齊既話

佢一定會好開心(為食妹麻XD)

家璇開始踏足社會 家欣都搵到佢既幸福

不經不覺間 以前既小妹妹 今時今日真係成長左

家璇 有d咩事真係處理唔到既話可以搵我同阿諾幫手(家事除外)

雖則未到長輩咁高lv 但至少見既野比妳多

真係幫到手ka我地(阿諾:做咩拖埋我落水\"/[講笑])

成班hehe哈哈o係度食飯 感覺上好似好耐未試過

臨尾同阿諾o係度想當年 講到個個勁留心聽 勁留心笑

呢三年我地兩兄弟真係一齊經歷左好多野

尤其係對上個十零個月 風雨中真係感覺到彼此扶持

一世人兩兄弟 真係冇識錯你

之後走左去篤波 屈機既 下次約踢波丫\"/

最後例牌下半場 同阿諾兩個人走左去八樓打機等天光

這半年用盡氣力去力爭上游 難道最後也只能原地踏步嗎?

以下這一段是獻給曾經深愛過我的那個她

妳現在得到了幸福 我發自內心的替妳開心

或者對自己殘酷一點來說 妳終於捱得到這天

因為妳在跟我一起的日子 我實在太傷妳心

即使我一次又一次傷妳 妳都仍是默默耕耘

希望自己的願望能夠實現 可惜跟我在一起時根本沒有實現

妳的願望 這一刻真真確確地實現了 可惜妳看不到

應該反過來說 不是妳的殘酷 可能這個願望到這一刻也不能實現

令到我改進了這麼多都是因為妳的殘酷 由心的感謝妳 真是發自內心的

仍記得跟妳相識的最初妳仍是一個小妹妹 面上仍是天真的笑容

誰想到一年半後給我迎頭痛擊 當頭棒喝的人正正就是妳

就是妳這一擊令到我明白安定的可貴 曾想過回到相識最初

好好再去愛 好好再去珍惜妳

但是 誰能擔保我不會再重蹈覆轍?

再說可見將來不會出現能時光倒流的方法

所以 只好將這無比沉痛的經驗

去提醒自己別再去重複犯錯

將這個改進了的我

去對後來的女朋友好

簡單一點來說 我只可以這樣做

才能答謝妳在這些日子的苦心

雖然妳未必是我一生中的最愛(仍是到目前為止的最愛)

但肯定是我這一生最深刻的戀情之一

衷心感激妳為我所做的一切