因為把剪頭髮既剪刀唔見左,尋日用把普通剪刀(小學做美勞果d)剪頭髮,覺得自己有進步,

唔敢再剪短d,驚愈呀愈衰,唔遮眼就得啦,遲d都去髮型屋剪.

近排d數又唔識...

今日都唔係好開心,直至放學練波,殺波好似強左,一時時啦..

開波好穩定,開game都可以接受,

後來練殺波,呀sir話我可以試下做fighter.

下年,,都唔知點..仲諗緊,觀察下先.

我決定唔理邵家浩(我個好細佬)d野.話我唔負責任?佢聽我講先得架.

目中無人,你地都寵壞哂佢啦,我無能為力..

玩重男輕女呀?咩年代呀!?

你咪靠佢養你lo,睇下點~!

人地就有得補習,我呢?靠自己咋,你地幫到我咩?

唔搵姑姐,邵家浩會做功課咩?

你地以為佢好叻仔呀?可能啦,但懶果下衰呢..

琴晚,係難以入睡既一晚,眼都腫啦,突然間好想長大.

我諗,琴晚都瞓左3,4粒中..

~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.

今日上堂好眼瞓,聽日應該唔會.

Daddy話唔再煮中午飯,今日返屋企食,買飯盒.

好大風,鬼咁凍,換左件長冷返學校,

以為自己好醒,返到課室坐低,好鬼熱..

放學小柑陪我搵老師,之後返屋企睇小泓借比我既

'愛鬥大',終於了結左個心願.

原本小妹細膽過我,睇墳場果part,佢彈起左 x2次,呵~

小肥好慘,12歲開始單戀Janice,但都冇好結果,

世界上有冇d長情成咁既人?不過點都冇用啦,唔中意就係唔中意..

JaniceMan d戲仲好過若Ling^^