違久了的電腦!!
我已經4日冇玩過啦
今日一定要玩盡佢!!
講番星期日d野先啦~
星期日返教會
之後去左個個少年人小組查經
本來諗住11點半去水浸
但係ivy又唔比人地走
結果搞到我地遲左dd
不過都未開始 算啦
冇幾耐 大家一齊唱詩歌同埋玩game
之後先知原來再分過組
好彩唔係同之前個d八婆一組
如果唔係就真係好慘
去到個camp site
個site真係超靚
我開始後悔我冇帶相機
都算啦 我八月尾要跟學校個個f.1迎新營去返西貢呢度..
到時一定要帶返部相機去影個夠
第一日都冇咩好重要ge事
但係我地個晚響間房度就玩到癲左
我地響度尖叫啦,,枕頭大戰啦,,細聲講大聲笑咁...
個晚就1點幾先訓
第2朝比陳姑個勁響ge電話鈴聲嘈醒左..
結果搞到我早左幾個字起身..
食完早餐同靈修之後就開始玩戶外game
我地成組人跑黎跑去
跑到變左隻落湯菇....
食完lunch之後就玩水戰啦!!!
我好好彩 冇全身濕晒
只係濕左半邊身
但係d game需要ge時間太多啦
結果個2個鐘ge自由時間就咁就冇左..
我地仲成個人散晒..
夜晚ge晚會 有2個姊妹分享見証
其中一個仲分享到喊
當時我都覺得佢好慘
但係我冇喊到
分享完左之後
陳姑做左3次ge呼召
雖然我已經決左志
但係我覺得個一次ge決志只係跟埋d fd去
而唔係我自己個人ge志願
但係我響個3次ge呼召都冇舉手
可能我唔係好夠勇氣..
但係我都有跟陳姑祈禱
我真係覺得自己有一d陋習唔係一個基督徒應該要做ge野
所以我要立志我自己要改左佢...
返返入房 我同d同房一齊響度尖叫
因為實在係太開心啦..
個晚我地搵埋呀傑過我地間房度鋤dee
結果佢連贏左10盤
真係唔据
玩定鋤dee就玩truth or dare
d同房係咁針對我同呀傑黎玩
可能我地2個熟d啦
結果我地玩到2點幾
再傾下同房ge愛情史..之後betsy同祈祈先後訓左
我同另外2個傾到3點15分..我頂唔住啦
結果3點半就訓左...佢地都仲傾左一陣先訓
第3日lu~即係今日
我地交換左msn同電話,,影相
諗住遲d約佢地出黎玩
或者係飲下午茶
走個陣真係唔係好捨得
原來只係識左3日都唔夠ge女孩們都可以係咁fd ge....
真係好開心呀呢3日
但係我把聲就沙晒啦
我要養好把聲
21號仲要去另外一個camp嫁..
最後要感恩啦
呢個camp令我可以得到改變,,識到多d朋友,,屬靈生命上得到成長..
多謝祢呀!! |
