尊嚴
我，唔係一件工具
我，唔係一個任人安置既物件
因為我有意見，我有野講
好多都希望有人幫安排曬所有
到時佢叫你做咩．你照做就係
不過　我唔想，因為我有意見
任何事　可能要做到既方法好多
但係　我會提出我既意見
我有意見　唔係要你一定接受
但係我接受唔到你地唔尊重我！！

我唔鍾意係日記度講我番學既野
不過有陣時．　真係"訴""訴"無門
我冇打錯字　係"訴""訴"無門
想投訴冇得講　想傾訴冇對象
大佬　如果我比人睇得咁唔重要就唔好到時叫我做戈樣做戈樣
我真係唔係一件工具囉

＠公民堂
下個星期就做啦，到宜家呢一刻為止我都唔知我戈組以咩形式做出黎
冇任何人同我商量過　講過，　我想知我可以點囉
原本　我係諗住　最後一堂　公民堂　應該　好好咁尋找一個突破既結果
但係　我想問，宜家係邊個一個人負責，有商量過嗎？
倒番轉問你，我之前做既野　冇同大家商量過咩？
如果係成組做既野，我都會徵求大家意見
但係　宜家　我就唔知邊個咁鍾意一個人負責
咁鍾意負責，就咩都做曬佢　唔好問我任何野
反正　最後一段，我冇咩所謂
我唔知你咁做想為咩呀？
不過我宜家可以同你講　如果　星期一我仲未知我地組要做ｄ咩
我仲未得到一個合理理由時
到時無端端　比ｄ野我做，我一定唔會做
因為我需要　尊嚴