呢個blog 我暫時唔用住啦

以釉只會寫 xanga , 所以 大家如果想知我d野 睇我既日記

就上 http://www.xanga.com/niciam   啦

ps 要係xanga 會員 先睇到  所以大家得閒注冊番個啦.

kee" 大家唔好以為我只係識得上網 打下blog,同人msn咁.
我仲有好比心機咁 默默地耕耘 做乜野?
就係寫歌詞啦,

今次呢隻歌 [夏天] ,歌名係人地幫我諗架,內容就由自己發揮,想寫咩就寫咩,經過我手寫出黎既 夏天 , 我諗應該冇 夏天既味道 啦,不過冬天就可能會感覺到,點解我會咁講?因為呢隻歌保留左我一向既作風?到底係點,大家自己睇睇啦,自己感受下啦.

============
歌詞中提既[你]，只係一個我虛構出黎既角色，大家唔好去諗係邊個啦，如果真係要諗，咁我同你講啦，呢個[你]就係你．kee''  記住啦,   [我講過 會憎你] kee''
============

夏天(粵語)
作詞：楊晴鋒＠Remind
創作意念：呢隻歌自己想試下一d新既挑戰，悲中帶怒，怒中又要有番自己既作風喎，kee''．

大家未睇歌詞前幻想下，到底我所指既夏天到底會係一個點既夏天啦．
原曲：不能哭了　
創作日期：2007年8月18日

夏天的感覺如幻影　那一天一個無謂的
感應　即使毫無重要　也心跳
記憶總失去如夢消　是否想憎我誰願笑
下次　擔心有過她重要

若再會面　又要悼念　其實過去　我亦未會笑　
不要笑看著亦需要　像最初　仇人見面

＃我講過會憎你　其實我心間積怨氣
似愛像恨　過去亦曾經心跳　跳不出煩繁囂
你講過會走了　還讓我精彩的生命結束了
令我　怪你待我太遭　像一個大氣旋
其實愛情門票　不再重要　被吹走一刻　雖痛亦笑　＃

那一天一句還認許　記憶中洗去如廢墟
不對　假使能存活去　我心碎
記得當天我全為她　是否分開也仍為她
別怕　失戀也要撐住嗎　才是勇吧

Repeat：＃

看　昨天的風雨　才知　夏天的故事　
暴雨暴漲定有新天　為何怕苦短

我講過會憎你　其實我心間積怨氣
似愛像恨　過去亦曾經心跳　回望不可笑
你講過你會走了　還讓我精彩的生命結束了
令我　怪你待我太遭　甚麼亦變緊要
其實愛情門票　不再重要　被吹走一刻　雖痛亦笑

尋日好夜訓呀，今日估唔到會比個學車師傅打電話比我尋人，搞到我好早醒左，一心諗住唔去學車，輕鬆下架啦，不過起左身，去就去啦，就係咁又去左學車啦，離考車既時間越來越近，心情好緊張，不過點都好，我已經作左最壞打算架啦，不過我會盡力，大家都係唔好為我咁咁擔心啦．特別係ｄ明明係關心我，但係又唔認戈ｄ人呀，你唔好擔心我啦．我識得點處理架啦．

今日，終於完成左又一新作啦，[奇蹟愛]，今次ｄ詞算係幾開心架啦，你地唔好再話我寫埋曬ｄ唔開心野啦，有開心野，我一定會寫，呢隻歌歌詞似幻似真既，到底我係咪真係遇上 奇蹟 呢？

 

背景音樂　已經更換左　播緊既就係原曲時間囊啦

 

奇蹟愛(粵語)
作詞：楊晴鋒＠Remind
創作意念：好希望呢隻歌會比到預言中一ｄ野．人地話希望越大，失望就會越大．但係唔比希望比自己，咁咪連小小期望都冇埋囉，縱使最後係會失敗，但過程先係重要呀，所以決定寫呢隻奇蹟愛．祈求真係最後奇蹟真係會降臨．
原曲：時間囊　傅穎
創作日期：2007年8月14日

當晚夜　是你共我如孩子
無聊玩意　我都想試多次
能尋覓你　讓我帶來愛意
喜愛著你亦會堅持

當晚夜　共你猶如傻孩子
明明是愛　那天感覺想多一次
如今願意　愛你　也靠恩賜
作一首愛慕你的詩

＃如我想一起歸家　挽手再發展
如何簡單的愛你　無間斷
期望你今天跟我說　做我的家眷　
這一種愛成了經典

如我想這種簡單愛可以發展
從前曾幾多幾次愛情未發現
還待你講一聲愛我　愛也可展翅
說一聲我們也可以　＃

相信是　是你令我能重生
重頭覓愛　有方向已經想一試　
如今是我　我有　愛你可以
昨天的戲情再開始

Repeat：＃＃

如若有一日得到了　我會珍惜了
記得心裡是你緊要

 

2007年8月13日　晴
眼前人，身邊人，陌生人

又一個十二號過左，鋒仔就好似生日咁又大一個月啦，呢個月入面，鋒仔由白色變成黑色，由愛她變成愛你，由一個人變成繼續一個人(哈哈..)，由瘦變成更瘦，不過有一樣冇咩點變，就係我仲好冇信心，對於愛情冇咩信心，對於考車冇咩信心，自己真係比左好多壓力比自己呀，嘿，好辛苦，我好想係宜家我最需要人地幫我既時候，可以伸出隻手出黎，扶住我走過呢段辛苦路．
今日學左４個鍾車，係因為自己緊張？50%係啦,仲有50%係因為233，呢個係邊個，算啦，唔好提233呢個人啦，佢聽日考車啦，希望佢叻ｄ啦，考到啦．
今日我好開心，點解？因為我一陣會出去，出去見一個sell野既人，女仔黎架，呢個係邊個呢？唔講比你地知　等你地 心思思，鋒仔識左呢個女仔唔係好耐咋，不過佢好傻，佢成日都令到我好開心，仲好擔心添，呢隻感覺好耐冇出現過啦，相信睇緊呢篇既你，一定會覺得〔你一定係拍拖啦〕，哈哈，比個叻你，你估錯左啦，拍拖？未有咁快．呢個令到我開心，有時令到我擔心既人，如果有機會同佢一齊，呢個我都想，不過似乎天公不造美啦，21 22號呢兩日，哥哥話想去玩水架，我有叫過戈個女仔去呀，不過佢話唔得喎，咁我當然係有ｄ失望啦，不過唔緊要啦，點都好啦，佢比到快樂既感覺我，我已經好開心啦，真係好多謝佢呀．Suki.^^
眼前人，往往令我緊張你，我會掛住你，估唔到尋日收到一條ｍessage，你同我講，你都為我而心痛喎，真係成年冇收到呢ｄ咁快樂既message啦．你話如果唔係電話費爆，我會再收到ｄ咩message呢？如果有人話比我做番大男人，而佢願意做我身後既小女人，咁我咪開心死囉．^^
身邊人，呢排，我既身邊人，睇黎就係部5540啦，考車戈陣，我就要揸住你啦，希望１６號你同我合作愉快啦，成功左，鋒仔會永遠記住你，記住你幫過我．
陌生人，估唔到我會叫你做陌生人呢？因為你已經唔同左啦，你鍾意食提子呀嘛，食飽佢啦，鋒仔唔想再理你啦，早排整左一隻好特別既電話鈴聲比你，估唔到今日你打黎，我聽到電話響，係一ｄ興奮都冇囉，你要好好記住，曾經楊晴鋒死心塌地咁愛你，係邊個唔好好珍惜我？係邊個係我最需要人關心既時候同左第２個男仔一齊？呢ｄ我都知道好清楚，鋒仔講過架啦唔會再鍾意你，你得閒都唔好搵我啦！

============
呢幾日 除左緊張 考車之外
我有改緊歌詞架. 時間囊　傅穎
大家聽定隻歌啦. kee''
 

補考pass左，大家放心啦，唔洗擔心我啦，呢個世界上好人係有好報架，記住啦咁多位．
今日去買左個袋仔，諗住遲ｄ去學車可以裝野，折左151，算唔錯啦．
呢兩日，好忙咁．聽日就番大陸啦，一年一度既GSA聚會，有D緊張，番黎戈陣應該會有好多相下，到時整D上黎同大家分享下啦．

(呢排懶左,唔想打太多野)

我愛你
今日唔係父親節，亦唔係Family Day，呢兩日我成日都[無端心痛]，可能係太擔心自己既將來會係點，驚對唔住某D企左係我後面幾十年既人，叫得幾十年，呢個人當然稱得上，配得起．
爸爸，係我心目中係一個好叻好叻既人，因為佢算稱得上白手興家，自爺爺過身之後，爸爸冇攞過任何爺爺留下的產業，一個人咁靠自己雙手挨過左唔少風風雨雨，當時我相信爸爸已經希望自己個仔，將來會有前途，會係一個孝順，叻，聰明既仔．今年我都十幾二十歲啦，我未出世時爸爸已經對我充滿期望，我係咪將會令佢失望呢？
我係一個幾鍾意影相既人，今日睇番以前Ｄ相，發覺對上一次同爸爸單獨影相既事，應該都有差唔多十年前啦，我知我自己忽略重視呢個人，以為佢對我好係應分既，其實我知我對你好先係應份既．
呢個男人，朝朝早好早咁番工，到左夜晚又好晏先番，出面受老細氣，番到屋企個仔又唔聽話，如果我係呢個男人，我會好失望．宜家我覺得自己好對唔住呢個人呀，日後我要為左佢，為左媽媽．要努力向住目標奮鬥．
但願家中兩老，幸福快樂．但願至親身體健康，但願我地一家人可以愛多八十年．

尋日星期六，本黎就冇街去架啦，點知夜媽媽，欣欣打電話黎喎，叫我去唱ｋ喎．真係覺得搞笑，算啦，去就去啦，帶埋龜龜去，去到之後，嘩．．(kee''係點呢? 比你估)，佢地未唱完，我同龜龜就走先啦．因為太累，唱ｋ戈陣呀，食左ｄ野，完完全全冇飲過半點酒架，kee'' 因為我乖囉．仲有呀，唱k戈陣，又有個人話我似鄧健泓啦，到底係咪真係似我就唔知啦．

今日，一個老朋友同佢男朋友落左黎澳門玩，點解叫老朋友？因為識左佢..... 10幾年架啦，佢就係阿露啦，大家唔識佢架啦，今日佢男朋友去左賭錢，我就陪佢行左一陣新馬路啦，我知有唔少人見到我同佢一齊行街，不過想同大家講，佢並唔係鋒仔新女朋友，鋒仔冇拍拖好耐架啦．同佢行左好多間化妝品店，佢仲買左唔少野添．而佢男朋友就自己一個係新葡京．結果係點？大敗．．

奉獻大家一句！千奇唔好賭，即使今日贏，第二日一定會輸番，唔好因為贏左而開心，你記住你一定會輸番架，呢個真係個事實，大家千奇唔好試！

尋日，終於寫好左王子既心聲，公主到底會唔會聽到弦外之音呢？
中午放學，差唔多到屋企戈巴士站戈陣見到阿妹，kee''鋒哥哥好耐冇見佢啦，所以就即落車走左過去啦，之後就帶左阿妹去來來，記得第一次見阿妹戈陣，佢好驚我架，不過同佢行來來戈陣，講過請佢食野架嘛，咪買ｄ野佢食囉，佢問左我一個問題 [鋒哥哥，點解你宜家冇咩點搵家姐既？] 阿妹咁問我喎，我都唔知點講比阿妹聽好，好是旦咁答左佢就算數啦．
尋日夜晚，阿龜叫曬我地出黎，因為佢補考ｏｋ左啦，畢到業，好開心，哥哥，我，丁丁，老鼠，阿龜，仲有佢個ｆｄ，一齊出左黎食飯，阿龜比錢，餐算唔錯，不過樣樣野都辣，食完再同陪地打下機，搞到３點先番屋企，４點就話番啦，６點幾又起身啦，搞到朝早好早辛苦，晏就就訓飽囉，呵呵．
今日，係學校發覺左好唔鍾意個班呀，因為有人係度食早餐，搞到好大侵味，完全唔理其他人感受，又有人係度聽歌喎，好心ｄ人聽時聽啦，唔好搞到咁大聲，影響到人啦，真係好鬼激氣，希望補考合格，跟番個嚴ｄ既班主任，個班會好番ｄ啦．

p.s. 阿妹係邊個? 阿妹咪就係我個妹囉,真架,呢個妹唔係一般既戈d,而係好似自己人戈d.明啦嘛

  對上一隻 [受夠] 距離宜家呢隻 [暗地裡愛] ，只係幾日時間，點解今次自己要咁趕住出歌詞呢？其實今次呢隻 [暗地裡愛] ，係自己一隻唔敢改既歌，因為入面既詞，唔似出自自己手筆，應該都有一年啦，呢一年黎自己既歌詞都係講，唔想失去某個人，仍然鍾意某個人．永遠都比唔到任何希望比自己．

至於今次隻　[暗地裡愛]　，雖然內容唔算係一首開心既歌詞，但最起碼自己可以寫番d希望既野係度，王子與公主既故事，童話中既王子公主總係可以避過巫婆既毒害而好幸福地一齊，到底現實中王子最後係咪會公主一齊呢？

暗地裡愛，可能一直都會暗地裡進行，好多謝比靈感我既公主．

暗地裡愛(粵語)
作詞：楊晴鋒
創作意念：第一次好自大咁以王子既身份寫一首改編歌詞比公主，希望公主明白，到底我呢個唔知屬於邊個既王子，個心到底向住邊個，暗地裡愛，我真係會甘心？
原曲：如何離開你
創作日期：2007年7月19日

天主可否救我　這感覺有負荷
在心間的愛是痛楚　嫌棄眼光沖積灑遍那銀河　
似星閃過發夢見過也不錯

公主今天教我　講出愛要唱和
但我又為何如當初
如若感情若誕生　不能埋沒信心靠援助

日夜擔心公主你會　說放棄我
原來傷心加上欲絕情形更堪坷
想像過　埋怨過
倘若錯過也不愛為何　像惡果　

＃為何迷戀你　到下世紀
原來憑福氣　小小年紀
並沒什麼不願拋棄　暗地裡應該爭氣
我愛的人今天不可以死

從來憑憶記　創造轉機
再期待你　來年跟我飛
明瞭自己長相不美但我願創新機
前文後理公主渴望遊戲
只恐怕沒福氣　＃

日夜擔心公主你會　說放棄我
原來傷心加上欲絕情形太不坷
想像過　埋怨過
倘若錯過太多我怕消磨　惡夢多

Repeat：＃

猶如王子說　愛在世紀
浪漫是福氣　完全因你起
明明自己一直慘過難過遇上生機
神能護陰好比故事遊戲
公主我迷戀你