有野想同你講
突然間好想打ｄ野比黎，好想比你知我宜家既諗法，今日我好得閒咁，成日都係屋企，冇出街呀，係度整網頁，整番一個自己既新網頁，整既時候，覺得好孤獨呀，其實一個人既日子真係唔呃我，雖然我真係一個比到我溫暖既屋企，有一幾個感情極深既特權密友，不過我欠缺左一個比到我愛既另一半，每一日，我都會同自己講，準備好自己，迎接你黎來臨，係咪好傻呢？雖然，到宜家呢一刻為止，我仲未知道你係邊度，你係邊個，你到底係一個咩人，不過我真係有ｄ野想同你講架，希望你真係會睇到我想講既野啦．
我呢，雖然唔算係一個好男仔呀，不過我仍然好天真咁相信，我同你既戀愛會係我最後既一次，因為我唔鍾意玩玩下．同我一齊，我知你一定會好開心架，點解？因為得閒戈陣我會為你去寫下歌詞，行下街，去下玩，係啦仲有呀，我仲有班Remind係度，到時你就可以做Remind既 "鋒嫂" or "阿嫂" 咁上下輩份喎，係咪好犀利呢？呢ｄ都係講下笑架je，做唔做呢d我又唔會迫你做既，不過真係可以同你講，係我地Remind既身上，你一定會感覺到我地實在既力量架啦．話時話呢，你係長頭髮定短頭髮架？一定唔可以食煙呀知嘛！

==================================
我係咪好傻呀?咁快打定一篇野出黎,到時你係邊呀?掛住我嘛?
 

[Remind] 最強
今個暑假，我地Remind終於要出衫啦，呢樣野係我期待以久既事，點解要出衫？簡單黎講因為我想，哈哈，係咪我好自主呢？冇錯，有陣時會諗Remind冇左我，邊有咁強勁呢．其實諗深一層又唔算既，因為我地係一環扣一環架，遲d先詳細介紹下Remind比大家識啦．我地今次出衫，雖然唔多呀，每人一至兩件度啦，我地Remind宜家就有4個人，一出就出8件，點解出8件，因為出埋 老鼠 阿龜 兩件，再加上出多兩件特別小小既比兩位女士，一個就係德高望重既阿嫂啦，另一件比邊個？遲d先開估啦，kee''
尋晚，哥哥放１０點，之後就同左佢　仲有　老鼠 阿龜　一齊去左小泉傾計，開心就冇特別開心啦，不過都幾輕鬆．傾左唔係好耐啦，一點鍾就番屋企啦．雖然屋企人宜家管得我冇咁嚴，不過我都唔可以放縱自己架嘛．

========
尋日我冇打blog 係因為我一直係度整 xanga 呀,因為諗住遲d 同埋 xanga ,大家溝通易d呀嘛, kee''

改頭不換面 最新形象ME
今日做左D咁大個仔都未做過既野，將個頭某D野分開左58份.哈哈.. 真係架..我逐一咁數有少冇多，分時痛，合時都痛，估唔估到係搞咩呢？好啦，開估啦．
今日我去左電頭髮，咁大個仔第一次電，個剪髮師傅一小扎咁同我用錫紙包起，包戈陣唔係咁簡單，要落D藥水，仲要好咁力咁捲呀捲，一小扎一小扎咁，我個頭就變左刺蝟啦......經過個幾兩個鍾之後，就要折開D頭髮啦，將佢地整番好，咁咪又一次洗頭囉．兜兜轉轉，都兩個鍾有多啦，我D頭髮由以前多而鬆散，變左宜家既多而捲，不過我覺得好睇好多．
點解會有咁既沖動？每次人生有唔同既轉捩點點，我都希望換換形象，今次冇睇唔開唔係剃光頭已經好好架啦，KEE''　鋒仔今個暑假唔要再好似以前咁！！　記住啦，今日既我唔係以前既我！！
 

愛的宣言 (父親節快樂)

每一年父親節，我都會買d野送比我既BABA，BABA係屋企主要既經濟支柱，為左呢個家冇任何人比佢付出得多，我既BABA雖然讀書唔算多，不過係佢身上我真係學到好多將來要面對既野，例如；面對社會，乜野都係以錢開頭，BABA成日講架，想人地睇得起你，你就要有學識，如果唔係將來就會做牛，咩都聽人地講．呢個社會現實我知，我都知BABA講呢番說話既用意，叫我同細佬比心機d讀書呀嘛，鋒仔應該有負baba架啦，對唔住呀，希望你個細仔會聽你話啦．
其實我都唔想你做野做到咁辛苦呀，不過我又唔知應該點幫你喎，始終能力有限呀，baba比d時間我，鋒仔真係唔願意你再辛苦，呢個家，呢個重擔遲d交比我啦.等我黎撐住佢!!

Dad, I Love You, Thank You!

今日終於考曬試啦，怪就怪自己前三段唔努力啦，考出黎既結果都已經心裡有數啦，今日６月１２號，我要做既野都做曬啦，整體黎講今日算係幾開心既，起碼都永遠記得呢日，記得過去擁有過既福氣．不過，我今日真正咁感覺到孤獨啦，好似咩都冇曬咁，雖然心情冇咩特別低落，不過真係覺得寂寞，斷六親咁制，我同好多人講唔再番培道架啦，算啦，等埋miss iong 個電話，我就宣佈死亡架啦，冇曬同學，冇學習，冇事業，幾慘．．話就話有Remind，不過哥哥成日番工，阿陳同死左冇咩分別，林哥又住得遠，嘿，剩番鋒仔一個人咁悶，我唔想又自閉呀．
有冇邊個可以關心下我呀？以前就話做話苦命主，做埋孤獨情人，今次一次過黎曬兩樣，你都咪話唔慘，help...如果真係冇人理我　等我就日日早ｄ訓，晏ｄ起身，哼，我唔會比自己咁悶架，得閒仲要多ｄ行去來來買野食，做到肥仔就好啦．

=========
睇呢篇可能覺得我都唔係好慘
不過今日我真係成日覺得 極悶 極無奈
你知道嗎?

我關心你，又如何呢？
尋日考完試，生物．中文，考完走戈陣行過car考試間課室，好似唔見佢，出門口戈陣見到hichew一個人走左，car仲未出黎，我係巴士站等車，有幾個同car同班考既同學同我講，話car中文戈陣比地理陳捉左，好似話出貓喎，我聽左之後有ｄ擔心，不過我只回應左一句[捉到都唔緊要啦，中文一定拉到既]，ｄ人上曬車啦．我只係個巴士站度等，等咩？等車囉．係等car，我等左好耐佢都冇出黎，我係度諗，如果佢真係比人捉左，佢一個女仔一定會好驚，可能會喊，如果冇人關心佢，佢一定會好慘好慘．．諗到呢度我就即使沖左番學校啦，見到校長室冇人，德育處冇人．　戈陣我先放心左ｄ，覺得佢應該唔會有咩事，出左校門之後，我就即刻打比佢啦
nic [你係邊呀?]
car [新苗囉]
nic [你考試唔係比人捉左咩?]
car [你又知既?]
nic [你宜家冇事啦嘛? 你一個人走呀?]
car [唔係呀,有人車我呀]
nic [邊個呀?]
car [..]
nic [咁冇野啦 拜拜]

同佢傾電話既過程中我已經見到佢一個人行緊上電梯啦，我就好快咁行過左，我唔知佢見唔見到我，不過之後見到一幕，一幕我永遠都會記得既一幕，無奈地，想關心人，咁樣又點je?　唔到我過問啦嘛，我咪係個過路人囉，做咁多，又何必呢？

================
誰得到過 願放心 曾精彩過 願挽留
宜家已經係6月12日啦，今日係我最後最後關心你既一日嗎？
忘記過去 其實比 回到過去 更加殘忍
原諒我吧 祝你幸福!

愛你卻令你帶來負累
當走進大社會，奉獻少．罵戰多．
人，總是不歇息地每日成長，一日比一日大，學到既亦都逐漸增多，同時欲望亦會隨住成長而增多，細細個朋友仔之間既愛係最純潔最簡單既愛，戈陣時，大家都只係知道每日都要開開心心，咁樣就已經心滿意足，最簡單既要求，最快樂既享受，但係到左宜家呢一個年紀又有邊個可以做到簡單愛呢？
我，係一個大男人主義者，我唔願意輸，但係我輸過，失敗過，就讀書黎講，我係一個成績差既學生，就愛情黎講，我曾經係一個大衰人，我知我既缺點係邊，同時我亦都知應該去點改變呢ｄ缺點，但係我欠缺既係原動力．唔係我唔想讀書，而係要讀既書呢一本書已經被你畫花，我既將來就好似突然之間冇左咁，尋根究底，導致呢一日發生唔關你事，係我當初在愛情既角度上對你實上太衰．
我有今日，並唔關你事．我呢個大男人失敗就由得佢失敗啦，不過　你要同我聽住！楊晴鋒唔會比自己重滔覆切，從今以後，我要令到係我身邊出現既每一個女仔都感覺到呢個 風暴 既威力，同時更要佢見識到我地 REMIND 大家庭既溫暖．
愛你卻會令你帶來負累？邊個講架，我就唔係好信啦，不過都要睇下發生係邊個身上啦．
TO CAR,愛你卻會令你帶來負累，呢個冇錯呀，不過唔係我愛你，我講既你記住啦，如果你同一個唔鍾意藍色既人一齊，佢一定會帶比你負累，唔信你咪試下囉，至於鍾意藍色戈個人話，佢已唔祈望呢段感情有結果既一日啦，因為好多野都已經睇化啦，你鍾意自由，你鍾意新鮮，你去闖個夠啦，鋒仔唔會再騷擾啦．
TO 我愛的人,愛你卻會令你帶來負累？你話呢，雖然我係大男人，但係我好尊重自己另一半架喎，我唔追求新鮮，唔追求刺激，唔係因為我悶，我覺得自己勝在話題多，夠幽默，KEE''其實我唔追求呢D，係因為我比較鍾意細水長流多D囉，希望將來你會同我開開心心，同時同自己講句，希望你會快D出現,會快D黎到我身邊啦.鋒仔等你 REMIND等你
愛你，我唔會代自己走進大社會，奉獻少．罵戰多；我要做到既係奉獻多．罵戰少，快樂更多，希望睇完我呢咁特別既　感受生活　類型日記之後，你會睇得更多，同時當然希望你會欣賞我地　REMIND 多D啦.

 

時間永遠都唔會等人，路遙知馬力，日久見人心，呢一段時間入面我似乎睇清楚一個人，曾經做過既傻事令我今日諗番覺得有ｄ後悔，記得曾經同自己講過唔會做ｄ後悔既野，我既改變　到底係因為ｄ乜野呢？
呢段時間入面，我試過想得到一樣野，點知一次又一次失敗，到左宜家我反而覺得呢樣野唔適合我，係咪因為當時我既衝動呢？好彩呢樣野冇比我得到，如果唔係既話呢樣野一定會覺得好傷心因為佢跟錯主人．
曾經我相信，愛係不了解而開始，由了解而結束，戈陣既我仲一直相信[如相愛．怕甚麼]，但係宜家諗番好多野都係冇定規既，有邊個可以肯定講句　不了解　一定會開始，同樣了解一定會分開嗎？係度我想提幾個女仔，而呢幾個女仔睇到我打既呢ｄ野相信佢知我講緊佢，點解要講呢幾個女仔，因為覺得我既改變同佢地可能有關．不過可以同大家講句呢幾個女仔我都冇同佢地一齊過，想知邊個就自己估啦

★第一個要講既就係佢，我同佢識係因為一個人，我同熟都係因為呢個人，兜兜轉轉同你識左都應該有三年啦，呢三年入面，相信你從來都唔會諗過自己會同我有發展既機會，同樣地我亦都唔會諗呢樣野，因為你知我同carman一齊，仲記得有一次我地上堂，我見到你隻手有ｄ字定係乜野，我就話睇下咁啦，你就捉住左我隻手，戈陣時我唔知點解，覺得好唔好意思，戈陣你當我只係一個普通ｆｄ，而我都唔會諗多左咩，因為戈陣我仲同緊carman一齊，直到同carman分開左之後，我幻想過我地之間既機會，機率接近於０，點解就唔想講啦，不過我知你係一個女仔，就以我識你呢段時間黎講，你只係拍過一次拖仲好努力咁搵錢，讀書又比心機，可惜同你始終冇緣啦，不如你幻想下，如果三年前我同左你一齊，我同你會點呢？

★到第二個女仔，唔應該係呢度講佢，應該第一個講佢先岩，因為同佢識左好耐架啦，鋒哥哥妻係有ｄ野唔明，點解你要鍾意一個咁既男仔呢？你同佢一齊我一開始聽到呢個消息我真係以為人地講笑，點知係真架喎，鋒哥哥好想正面同你講呢件事，不過又覺得似乎咁做做多左野，話曬同你又唔係咩關係，講咁多盞個男仔以為我唔鍾意佢，不過點都要講架啦，我真係想問點解要鍾意佢？唔通佢真係咁好咩？定係冇人同你講話鍾意你　得佢同你講話鍾意你　你先同佢一齊呀？如果係　鋒哥哥唔再做鋒哥哥啦，等我同你講話鍾意你囉！真係講起激氣．　佢係一個咩男仔，你聽下身邊ｄ人點講，我覺得佢係ｄ鍾意逞強，鍾意出去玩既人，　細心．好仔．安全感．呢ｄ我全部都感覺唔到，點解要咁樣ｊｅ，你同佢明明就係點都搵唔埋既人，點解呀，唔通真係　愛係不了解而開始，由了解而結束？　如果真係我希望你快ｄ了解呢個人啦，最好係了結先岩，嘿，講起就把幾火，仲話佢食煙架添，真係想知你點睇人架！！好激氣呀！！

本黎想講多幾個人既．嘿到冇機心啦　唔講啦．　訓教算啦