如果不能正常顯示 可到以下網址收看

http://www.niciam.com/niciam/NCMemory/NCMemory.swf

【作品名稱】：回憶中的我愛妳
【創 作 人】：Niciam@Remind
【完成時間】：2007-05-20
【作品格式】：wmv
【作品大小】：9.60 Mb
【作品相關】：歌曲 (老鼠愛大米) 圖片(2006年4月8日 漁人碼頭)
【作品介紹】：整呢個MV都算係自己2007年既生日禮物,同自己保留一段回憶,回憶雖然已過去,但係回憶仍然係個心入面,仍然記得,"老鼠愛大米" 係我同你感情最深時成日聽到既其中一首歌,希望藉住呢首歌,藉住D相,你同我都會記得呢一份短暫而值得回味既回憶啦.

聽不到的說話 只要有感覺仍然能聽到
愛一個字 仍需合時
仲有唔夠一個月 就到 6月12日啦
呢一日，相信又係我人生點要既轉捩點
鋒仔好驚　好驚呢一既來臨

＝＝＝＝＝＝＝＝＝＝＝＝＝＝

今日　體育堂　帶左拍呀
第一次打羽毛球　打到整親隻姆指，應該束親下
我諗　兩個星期　應該冇事掛

晏就放學去左做實驗　銀鏡反應
第三次做啦
做得幾成功　幾好咁
做完就落好大雨
好彩有摭．．好叻仔呀．哈哈
走左之後就去左補習
補埋今個月就唔補lu

係時候比心機溫習啦．
希望第４後段平平安安啦

農曆生日

細細聲講你知，今日係我既農曆生日生日，你一定唔記得架啦，不過最愛我既人都記得，尋日我已經同黃小姐講左唔想番補習啦，１０日左右　最遲今個月我就唔會再做補習啦
今日我生日嘛，所以都搵人代我而冇番補習，放學戈陣搭車時覺得番到屋企會好悶，點知真係喎，番到屋企冇幾耐，就訓左啦，可能係連日既測驗啦，好耐冇試過戈個時間訓教，訓左一陣就同屋企人，仲有ｄ親戚一齊出街食飯啦，就係咁，最我愛既人我都記得呢一日，仲同我一齊食飯添．

係呀．講少左一個人，呢個人雖然唔算係最愛我既人，就係mama啦，呢個mama同屋企既媽唔同，點解會咁講，成匹布喎，遲ｄ先介紹番呢個人啦，今日中午同左佢去食飯呀，好耐冇同mama食飯啦.

=============================

每一日都同自己倒數緊一個日子，就係６月１２日啦
呢一日相信　永遠　每一年　每一個月　我都會記得
仍然會記得　612愛人

又一個十二號，岩岩send左條message比car.佢應該訓左架啦，今個十二號好特別，我冇好似平時十二號咁有強烈既感覺，係咪因為我放低左？呢個其實已經一早放低左啦，雖然間唔中係會掛住下佢，不過都冇左咩特別感覺啦．
呢幾日我冇同佢傾計．係因為佢成日都唔聽我講，比張野比佢，叫佢唔好帶番學校睇，點知佢帶番學校不單只，仲要比人睇添，我既用意係點呢？唔通真係唔知咩，我唔想學校出現張野係因為唔想咁揚，要比人睇，我一早upload左上網，睇得戈ｄ人都係信得過既．嘿．點解，點解會為呢件事而咁呢？每一次佢都冇將我ｄ話把係個心度咁，唔通我講既野唔重要．
係度諗，我係咪係度做緊傻仔，係咪人地有野先搵我冇野就唔洗理我咁，到底係唔係，問下良心呀！我都唔想講咁多啦．話曬今日５１２，點都好啦，希望大家會有自己既生活，你會開開心心啦

今日去拔左隻牙呀，好痛呀．要打麻醉針，流左好多血，連我宜家打緊日記都唔可以講野，都要咬住一舊棉花，真係好辛苦呀，睇牙醫係最殘忍架啦，宜家隻牙都唔知點算好，不過好彩係大牙咋，係唔會睇到既，總算可以笑番下　嘻嘻．

好啦　今日打咁少．　得閒再打．　聽日小測化學　一定冇問題　ｋｅｅ

原來幾日冇打日記啦,呢幾日,嘿，好懶呀，隔住咁放假，係咁訓教，好彩番學冇訓咋，因為要聽書囉，哈哈．．第４段，又係創奇蹟既時候，離唔離開培道，我都唔知呀，間學校咁唔掂，嘿，都唔知留係度有咩意思啦，呢排番學　學校門口隻狗都冇咩講吠，乖左啦，我唔犯佢　佢唔犯我，算啦呢個人唔值得一提，估唔到，咁快第４段啦，時間真係好快呀，不過我戈班，我始終覺得唔係咁得，可能同往年既唔同啦，冇左種歸屬感，完了吧．如無意外
尋日ｈｉｃｈｅｗ考車　佢話唔得呀．真係好替佢唔抵，希望鋒仔快ｄ考到啦，到時車埋佢啦，同埋車埋你．邊個你？睇緊我呢篇日記戈個你囉，係咪好開心呢？講多個秘密你知，其實我宜家鍾意既係你呀，不過唔知點同你講好，你係女仔，我知，不過我都希望你如果想ｄ想同我一齊，你都主動小小，等我多ｄ機啦，知嘛．
問自己一個問題先，＜鋒的呼喚，誰聽得到？＞　到底點解呢？睇字眼都知啦．呵呵．　你咪傻啦，我講野邊有咁易明呀．我話曬都一個"詞"人喎．．ｋｅｅ""　　好啦講我講解下啦，鋒的呼喚，只會由個心講出黎，行動上可能都會感覺到，不過係咪個個人都感覺到呢？咁就未必啦，我都好希望你會感覺到架，到時感覺到既時間，希望我地有機會啦．．


===================
第一次係度講d 比較難明既野，到底上面提到既你，係指邊個呢？呢個問題我相信只有一個人知
戈個人就係你啦　我唔知你到底係邊個架．ｓｏ．唔明戈ｄ人問下自己會唔會係你啦，如果你問我係邊個我都只會講係你架咋

楊晴鋒　傻左啦．

早兩日電視重播 這個夏季有異性 我聽番呢隻歌，有ｄ覺得似寫照，[愛不起]
楊晴鋒係一個好傻既男仔，佢收到禮物會喊，會感動，係度問自己，到底點解會咁，係咪因為自己放唔低？我覺得呢個已經唔係問題啦，放唔放低其實並唔重要，重要既係自己開唔開心，宜家同你既關係．．應該可以話我地已經冇咩關係啦，因為我愛不起你，我知道你宜家發生好多野都唔會同我講，因為你覺得同我講左之後，我會對你冇咁好，你好傻呀．其實呢ｄ野呃得一時唔呃得一世，同你講埋囉．我同你可以見面既時間我知道已經唔多啦，將來如果我地唔再見面，代表ｄ咩知唔知呀？　就係代表　楊晴鋒　已經唔再需要任何回憶啦，回憶中雖然係有你呀，不過回憶好可怕，我好多野都唔敢面對，係因為我的回憶往往令我落淚，既然你已經離開，我亦冇咩好講，唯有祝你　幸福快樂　啦
我，我愛不起你，是因為我錯，是因為我並不完美，是因為我大男人，是因為我太顧尊嚴．

生日
今天係４月２６日，係我既生日，我收左一份唔敢收既禮物，其實今日唔諗住會收到ｄ咩，不過收到飯團比我既戈份禮物，我真係好驚，未拆開之前，我有估過係咩，估唔估中呢？估中一半掛，即使估唔中，我都會話估中一半，點解？因為唔想比ｄ人今次叻曬囉

好多謝你份禮物呀，相信呢份禮物係我收過咁多份禮物當中最有意思既一份，我好驚收到，不過我又好想收到，我想驚睇到入面既內容，不過我又好想去睇，點解？因為入面有我既回憶，呢幾年入面，我身邊出現過既人，都係入面，入面仲有隨書附送的相，而相中戈個人亦都係我最愛既一個，入面既內容令我睇清楚自己，我係個咩人？對我真係有興趣既，我可以借比你睇下，睇下我到底係個咩人，我知我性格唔好，我知我成日大條道理，我知我過去有錯，我亦知我愛邊個，係你．係你令我更加了解自己，更加清楚自己做緊ｄ咩，楊晴鋒係度向呢個人講聲[好多謝你]　將來我會未回成既完成　[楊晴鋒回憶錄] 為左咩都好，點樣都要好好咁留住．

今日中午同左car 阿龜 邦邦 & Remind(冇左阿陳) 6個人一齊去左利澳，食到好飽，都幾開心，成班人食野，真係唔錯，今日真係　”死了都要食”食到好飽．搞到好眼訓，今日真係好開心，要多謝既人實在太多，鋒仔暫時都唔想逐一多謝，等遲ｄ啦，我會將我想講既野　演繹出黎．

好開心有一個令我落淚既生日

時間不等我

時間總是不停地流，一年一年，我在這個世界上已經差不多二十個年頭了
這段日子以來，總在站在我身邊的有我的爸媽，雖然他會到現在仍然覺得我是一個小孩，但是我知道

他們這樣做都是為了我看將來，害怕我的路走歪了，我的成績雖然不好，但是我的品德，我相信不比誰差

，我有我發脾氣的時候，可是現在每一次發完脾氣，我都會很後悔，時間不等人，我不想讓自己再錯下去

．
　除了爸媽，陪伴我時間最多的就是我的弟弟，雖然平時和他沒什麼兩句，學爸爸說　[你和弟弟也是同

一個地方來的，做什麼也不要鉤心鬥角]　所以對於我和弟弟，我現在也只希望兩個人孝順爸媽，好好珍惜

這兩位為我們為這個家奮鬥的老人家．

家人以外，陪伴我十多年的就是這幾個男孩子，哥哥，林哥，阿陳， R-是我們相處的秘訣，十多年的

感情，有可能是假的嗎？這十多年以來，我們曾經在同一間學校讀書，分開過，又一次走在一齊，這是緣

份這麼簡單嗎？我覺得並不是因為緣份這一點，還需要我們的默契，[知己不會隨便分手，只會隨便的享有

，特權密友拖不到手，也會幫手]　Remind　我會時常記得這一句，因為我知道我們之間的"愛"有可能無限

期的延長，同時我們將來我也知道，不單只只有我們四個，到了我們都有了自己的家庭，我們仍然會一齊

出來．八年前的照片，八年後的現在我們，仍然是那麼友好，相信再一個八年，我們的名字仍然會纏繞在

一齊組成remind這一個英文單字．

到現在以來，我試了兩次戀愛，每一次都令我有難忘的事，從來也沒有後悔，至於"你"的名字，我相信

我不會忘記，同時我也知道將來我的另一半也會知道"你"的名字，為甚麼？因為有"你"的出現，有"你"的消

失，才有我將來的另一半，在她沒出現之前，允許我對"你"說一句"我愛你"，希望你會欣然接受吧，至於將

來這句話，我只會將家人和我的另一半說，與"你"就無緣了．


==========================================
時間不等我，不知不覺，來臨４月２６日時間就快又到了，在這裡，我要祝自己一句"生日快樂"，希望自己

這一年來　身體健康，生活愉快，心想事成，
時間雖然不等我，雖然時間有可能已經走左我的前面，不過我一定努力地追，把失去的追回來．
 

害怕426

今日朝早，突然之間醒左，有一隻好無奈既感覺，好似乜野都冇曬咁，呢隻感覺令我覺得做人冇任何意義，呢隻覺得好耐冇試過啦，我唔知點解會咁，戈陣時仲好想喊，我唔知點做好呀，嘿，有咁既感覺都係因為自己既錯，呢一個同時係我人生既遺憾．
今日同哥哥講過呢件事，我唔知我係咪正如佢咁講，不過我知有ｄ野叫做過去，鋒仔真係好失敗，426，二十，人生既遺憾．


不喜歡獨自快樂，不忍心見到你離開我