今日呢篇日記有d特別，一個好似作文題目既標題，點解我要一篇咁既日記出黎，係因為你地囉，因為我知道有比時間同心機睇既人可能唔係好明我到底想講咩冇計啦，我筆下既歌詞，永遠都脫離唔到我既陰影，以關於我既事代入自己，真係未必明架，所以呢，今次我就黎個詳細解釋啦，希望睇完會明我想講咩，不過講明先呀，如果睇完唔開心，記得唔好收收埋呀，過左去既野大家都要敢於面對架．

========================================
●歌名叫　[忘記了愛]
點解會叫呢個名，呢個係一個好殘酷既事實，因為明明有d野的的確確咁存在過，發生過．但係到失去戈陣自己又唔知點樣去再次面對．雖然同自己講，唔好忘記，但係事實同自己講人地已經忘記左．你話囉，你話可以點，雖然強迫住自己同自己講 - 忘記過去，忘記愛．

●不敢多講那說話怕裂痕　原來我得到的愛帶傷痕　依稀的戀愛似夢中的人　原來我一早失去那段光陰
"那說話"其實心入面一直都有句說話想講，可惜再講出黎都冇意思啦，分開左講亦無謂，過去發生過所謂既開心同唔開心就當發左一場夢算囉．

●總不可親眼正視我將來　徘徊到一切只有放心內　消失的戀愛痛恨不可再　迴腸有孤掌怎會被叫精彩
一個人演繹既愛情故事會好睇嗎? "過去"只希望永遠咁會放係心入面，將來再出唔出現已經唔再重要啦．

●在世間最苦一個　就算風趣仍欠愛當初　讓這十年草木　花花草草都應該清楚　我有幾次好過
呢幾句係我最唔甘心既幾句，原來一直以黎我過得點樣，局外人係知架，但係就冇人同我講過，我只係想知，過去我係有邊一次好過囉

★過去你若不再信任　怎可叫放心　當失去愛時我有胸襟　
呃呃騙騙既愛情，一齊把鬼咩，失去咪失去囉，我有既係胸襟，kee''

★怕你以後講你情人　心中有怨恨　太悲慘孤單恐怕你又欠一吻
如果將來有機會你同我提起你戈d情人　千奇千奇唔好同我講你點睇錯人，點愛錯人

★放棄又怎會過問　相擁更痛心　恍然仍不甘心
我放低左以後，對你既野唔會再過問，即使唔甘心，我都要對自己狠心

★消失以後將這顆愛心　埋沒了不要再有那些惻隱　不要興奮
放低之後　我就會將愛過你呢個心　活埋左佢，唔比佢再出現，唔要再從你身上得到任何開心

●今天分開卻發現你愛人　為何會驅使到你與他行　都甘心失去我受苦一人　明瞭到一生總會寄望身份
呢句，用意好大架，相信呢句好多人都唔明，睇得明呢句，我相信呢個人一定好了解我，我都係度賣個關子啦，因為將來我會為左呢句再詳細咁寫多隻歌出黎既，簡單黎講 [我輸得徹底]

●孤單的感覺也萬丈悲沉　無人會給半點愛我不幸 即使不懂你愛著他的人 猶如我講出一句沒有身份
冇身份地位，呢個咁現實既社會，搵鬼鍾意我咩?

●就算失去不好過　我記得愛情亦有花火　問你十年之後　可否通通都憶起所愛　最怕不記得我
失去唔開心，唔緊要，最驚係將來你會記得你愛過既人，但係偏偏唔記得我．

◎簡單的戀愛也亦有裂痕　何時會得到所愛的批文　終於可飾演愛後的等待　無聊到苦苦等被誰愛　又苦苦一個忘記　善哉
簡單愛，明明就好似ｄ細佬仔細佬女拍拖咁係開心既，可惜遇到你簡單愛從此不再簡單，到左失去你啦，原來係好慘架，重新學習一個人，重新學習放棄人，又要苦苦地等，等下一次既出現，[善哉]係送比林夕既，因為睇完(志雲飯局－林夕)篇，比左好多啟示比我．

========================================
打以上內容，比我未打之前講得少左野，不過算啦，唔緊要啦，今次寫左呢隻歌詞真係幾開心下，因為見你舊大石上到山頂，dom一聲，跌番去峽谷，極度唔開心時，其實係有野睇化左架，kee''