今日我去左兩個畢業禮，雖然我唔係畢業，但係都為d fd高興，等我講下今日既見聞先啦，一早起身落雨喎，好失望呀，換左件校服，諗諗下又換番便服喎，去到塔石睇個畢業禮啦，坐我後面有個家長係咁爆粗，點解？佢係度好大聲咁講，話學校唔關事都頒獎，係咪都頒獎，同畢業禮好似冇咩關係喎，其實我去左咁多年培道畢業禮，覺得學校真係好唔掂當，個家長都講得幾岩，係佢既身上已經反應左家長既一面，就以頒獎為例，我都睇到眼訓，好多嘉賓都走曬，呢一點培道係咪應該改下好呢？真係太苦悶啦！！
培道畢業禮，我冇同過任何人影相，呵呵，算啦．同你地應該冇緣啦．我知道好多知都炙緊張呢一日，因為佢地終於都接到張畢業證書啦，鋒仔恭喜曬你呀．
好啦，到講下第二個畢業禮啦喎，去左邊呢？哈哈，唔講咩學校，大家自己估啦，今日原來阿嫂讀戈間學校都搞畢業禮喎，我同哥哥，龜龜都去左呀，夜晚七點當半先開始，去到仲見到好多識既人添，阿嫂喎當然有同佢影相啦，參加左佢戈個畢業禮，覺得同培道好唔同既係，人地學校真係一個 大型頒"獎"禮，佢比培道短，但係真係令我刨目雙看，點解，因為只要你係高三畢業前三名，你一定可以攞到好多唔同既獎，如果你考第一，相信獎學金過計計埋過兩萬，係一件唔難既事，因為人地學校真係好多錢送，同培道相比，差天共地．算啦．唔講到咁啦，因為仲有其他野講．
今日見到阿嫂好開心呀，係發自內心既開心，係咪因為我地去睇佢呢？畢業禮之後，佢就話請我地去食野喎，行行下阿嫂就好似張相咁啦．

哈哈．隻感覺好開心，我同佢咁樣，相信呢個任何一個fd都唔會真係覺得我地有野，第一哥哥唔會，第二R唔會，第三好多好多人都唔會，話曬話呀．鋒仔真係好耐未咁近接觸過女仔啦．哈哈．見到阿嫂咁開心，我都好開心．唔知幾時鋒仔先會同將來既你有呢一日呢?今日仲見到好多人架．我唔係度講啦，因為驚人地唔想我講埋佢出黎，總之鋒仔就好多謝你地，恭喜你地啦．

再整幾張相先.
哥哥同阿嫂

 龜龜同阿嫂

鋒仔同阿嫂

我地三個呀