每一年開學，我都會打一篇對自己戈個有咩感覺既日記，今日夏令終於開學啦，冇遲亦都冇早咁番到學校，入到左班感覺陌生囉，成班唔知六十幾人，五分三唔識，你話好唔好受呢？雖然我唔知自己補考之後得唔得，不過生存係呢個班，呢個夏令算係我既過度期，呢個班有好多曾經熟悉過既人，有熟悉既面孔，不過係一D熟悉既感覺都冇．
上年入左高二B係我在培道最唔開心既一年，同樣地今日入到高三C完全沒有快樂既感覺，點解呢？點解會咁呢？係因為邊個呢？
我唔知將來九月會唔會繼續出現係呢個班，不過我知道即使將來我會係呢個班出現，我都唔會開心，因為今日係呢個班生存真係感覺到痛苦．算啦，都唔緊要啦，將來如果真係留係度，再辛苦都有哥哥幫我撐住，希望以後自我開心，便已足夠．

要同大家講聲，我有兩個BLOG，由尋日開始以後兩個BLOG都會繼續用,不過大家留意啦,兩個BLOG既發表既內容係唔同架，大家有時間就多Ｄ參觀啦

http://www.xanga.com/niciam