其實都咁耐囉，今日我突然間又有野想講，係一個msn fd既space度睇到d野，令我有感而發，曾經我聽過一段好有意思既說話：當你看著目標一直跑時，有時會忽視身邊一些美麗的事物。但當你想去回頭去找回你已經失去的，可能已經再沒有了。
係同你講呢句野既同時亦係同緊我自己講．
對於友情你好似有自己一套既相處方式，朋友你唔會嫌多，似乎都唔會嫌亂，我都係一樣，我唔會嫌多，但我嫌亂，朋友對於我黎講，我都係同愛情差唔多，寧少莫濫；
至於愛情，楊晴鋒覺得你係一個大騙徒，呢個名詞我都唔知幾時開始由心而生，可能我覺得你係有目標，但係你真係忽略左好多好多身邊既一d美麗事物，將來我真係唔希望你會有遺憾，你好多人講既野都可以唔信，不過我講既野，你一定要信，因為你要記住我講過既07願望；
至於親情，你就似乎冇咩特別問題，不過我講到呢度有點兒覺得自己好失敗，雖然自己識諗，但係世事難以操控於掌中，我但求全家人身體健康便已足夠．
在向目標出發既同時，我唔會忽略任何一個身邊出現既美麗的事物．唔會忽略屋企人，唔會忽略remind，唔會忽略自己，反問一句呀，到底睇緊呢篇日記既你又會唔會忽略左我呢？