『你識得改歌詞好叻咩？我想做夠得囉』
『係咪你都會改歌詞架啦，鍾意寫邊個就寫邊個架啦，唔一定要係為邊個而改架je』
『其實你都唔係好叻je』

以上三段話，係我自己同自己講既，不經不覺改歌詞已經改左六年啦，好多人一諗去起我，就會聯想到改編歌詞，有人會認為呢個係我既特徵，係我既嗜好，係我既興趣，但係事實上又係咪真係咁呢？

冇錯，我係鍾意改歌詞，我鍾意改歌詞 過程中的[回憶][反省][期望]以及[虛構]，個過程對於我黎講的確係辛苦既，但係每一次改完一首歌詞，得到既係[滿足][成功][目標]以及[快樂]．凡事都有兩面，辛苦付出一定會有回報，當自己辛苦既時候諗下將來，你自然會感覺到幸福，快樂．

在我改既咁多首歌詞中
按時間劃分 為3個時期:
起步期，當時改歌詞好無知，係為左展露自己所謂既才華而改；
進取期，上網見到一班改編歌詞兄弟既作品，再睇番自己d詞，先知咩叫坐井觀天，之後就拎起人肝，改進自己；　　隨心期，即係宜家，想寫d自己想寫既，寫d有含意既，值得回憶既，貴精不貴多．

按代表人物可分4個時期:
[因為愛]，作品佔 25%左右, 顧名思義,主要為 xx恩 而改，戈陣改歌詞的確係為左佢先至去改；
[自戀期],作品佔 15%左右，內容寫自己為主；
[鋒暴戀人]，佔60%左右，鋒暴戀人既時代係我最值得開心既時代，因為當中有好多作品都特別鍾意，同時亦係靈感最旺盛之時，歌詞內容主要寫 同 xx雯 之間既事；
[隨心期]冇特別定邊個而寫，不過呢個時期既作品的確值得深思．

講左咁多呢d野,其實想講咩？好簡單我只係想講，大家唔好以為改一首歌詞係一件好易既事，如果有一個男仔為左你而寫歌詞，我覺得你應該開心囉，雖然你冇叫佢寫呀，但係你試下自己改下歌詞呀，睇下易唔易，睇下係咪真係冇難度．
我，鍾意改歌詞，係因為我想對你付出小小，而呢小小可以比到自己一個值得回味既回憶，小小＋小小．．．．之後係點？你問下自啦．

　調換角色，如果有一個為我改歌詞既女仔，一首都已經夠，我相信我一定會感動．一定會感覺到歌詞既真諦．