最近發生左一件慘案,菲律賓槍手挾持香港遊客既事件,相信有睇新聞既人都大致目睹事情經過...
雖然發生尼D事大家都唔想,但係我地都冇能力做得D咩,唔通變D死者番生咩!?(如果我有咁既能力我都會做!)
我地只好希望死者,一路好走;生存既,好好生活;手術中既,快D好番...特別係梁頌學,你媽媽仲等緊你,佢得番你一粒仔,
要快D好番!其實我真係嬲嬲地,我想知,究竟特首Call阿基諾三世個時佢去左邊?又話咩微笑代表憤怒???
咁我而家唔只微笑啦,我大笑,係咪代表好憤怒- -???又話:傳媒直播累事...你唔做我地又點播???咁你都知d傳媒直播緊,仲唔做好d!?
仲有,個d「所謂既特種部隊」有d仲有一個星期先畢業(聽電台講好似係)
又未預料過有尼d事發生會點,工具又冇,鮏條繩黎拔河咩/_\???用車拉都拉唔開個車門...我只可以講一句:康泰個車門係堅- -
點都好,事情都算係告一段落,再話菲律賓無能都冇用...