SUISSE PROGRAMME

我本身係混合性皮膚,好怕好油既護膚品,因為好怕生暗瘡,而SUISSE PROGRAMME呢個
牌子既產品好似比較滋潤,所以我都冇買過黎用。
但之前去sasa買野,sales俾左一套3件試用裝俾我試用,當時係夏天,我怕自己皮膚受
唔住,所以最近天氣凍先至拎出黎用。釜釜
cellular ceansing milk質地係cream狀,同一般洗面奶一樣,唔會有泡,顏色係奶白
色,用起黎感覺比預期清爽,有別於一般對於洗面奶既感覺,但當然清潔力度唔會好似
起泡既潔面產品咁強,所以早上用就岩岩好喇。
cellular revitalizing toner係透明狀,倒係棉花上有淡淡既花香味,用係面既時候
都好清爽,唔會油膩,而且吸收得好快,用完之後就可以即刻搽埋cream,唔使等,岩曬
早上趕時間出門口時用。
celluar aqua day cream係一盒奶白色既面霜,有好淡既清香,質地都幾杰身,摸上手
都幾滋潤,但推開既時候又好快吸收,用完之後皮膚既繃緊既感覺冇曬,而且皮膚變得
好有光澤,細紋同毛孔都得到平伏同收細,仲有意外驚起係,我有鼻敏感,因為經常卒
鼻,所以成日脫皮,用完呢個cream脫皮現象改善左好多,好開心呀。
其實呢set野都好細支,因為係試用裝,我估我用完之後會買返貨裝黎用,因為真係幾
好用,用左2星期我冇出粒粒,皮膚又滋潤左,真係好意外,因為我真係好小用sasa買
到既護膚品,平時都係專櫃度入貨。

以上都係個人分享,人人皮膚都唔同,耍試清楚先好買。