2009-10-30 [ Friday ]
我留夜睇左一套好耐之前曾經興起過的一套戲
雖然捱住眼訓睇，但覺得佢真係好有意思
「沒有對我不好的朋友，只有想通不了的自己」
其實朋友、學姐、同學己經對我好好，點解我成日都咁吾知足？
我成日都要去諗d 壞既方面，覺得佢地點吾幫我
但係佢地幫左我既時候，我又有冇記係個腦入面呢？
我最鍾意就係將心事複雜化，明明都己經過左去，
都要諗都要諗，睇缺點吾睇優點，吾開心，喊，喊完又吾開心，又繼續喊
呢一刻我諗通左了，只不過吾知可以keep 幾耐呢。
今日仲影左張相，係自己個枱面
七國咁亂，簡直烏煙障氣。地下仲有好多垃圾都未影咋 
前幾日，我見到亭萱部計數機超靚呀
係我至愛既 Sanrio 
 
今晚要多謝大三學姐送俾我既夜點 〔 夜點即係宵夜〕
上面係凍，下面係熱。撈埋一齊食，好正 
2009-11-1 [ Sunday ]
為左 LALA 隊首歌，我吾知係 QOOS 搵左幾多人幫我手
又吾知煩到幾多個人，要幾多個人聆聽我心聲
但每一次都係事與願違，算啦，只希望個結局靚D 姐
個過程辛苦，又有咩所謂
如果我成日都識咁諗，我就吾洗自怨自爻
呢個係大二送俾我既夜點，多謝河豚學姐
2009-11-3 [ Tuesday ]
好吾開心，好吾開心呀 ！！
休閒心理學個老師，竟然當住全班面前，鬧我恰眼訓
我真係辛苦左好多日喇，晚晚為左整歌，幾乎無一晚訓多於5hours
點解好似無人明解我咁... 
仲要有好多其他班既學姐一齊上堂，我真係好瘀皮囉
Skymomo 話「其實朋友可以幫得你幾多？佢地只係聆聽你，但吾可以幫你解決問題，
最終都係靠你自己架咋。同朋友訴說咁多，其實係無用，預期係咁，不如乜都吾好講。」
係囉，我每一日花左幾多時間去搵人同我傾計，聽我訴苦？
到頭來，咪又係咩都無改變過 .....
2009-11-4 [ Wednesday ]
今日睇到一個消息，我真係成個人呆曬，好震好驚 .....
「清大取消與竹教大合併」 .....
我真係接受吾到，你叫我將點算 。
我點同屋企人、朋友交待？當初黎台灣讀，都係因為同 mami 講「有清大呢個名函好好多架」
我仲未有勇氣同 mami 解釋 ，我驚佢吾會原諒我
我既前途呢，頓時一片黑暗。
今日好多謝各位關心我既朋友，我真係好吾開心，咩聲都吾想出。
2009-11-5 [ Thursday ]
數學一向以黎都係我最擅長既科目，今日派左上星期測既數學
59分，我竟然吾合格
測驗內容我覺得好簡單，只係份卷有d 屈機，但未至於吾合格
英文知道左個成績，我得40分，不過已經好滿意
唔知幾時開始，我連英文 40 分都覺得自己成績好好
如果40分係出現係高中任何一張卷，由其係英文、數學，我諗我一定 跳樓死
點解我依家會變曬？連我自己都察覺到變左，我係咪已經吾同左 ....
一星期一次既夜晚美勞堂，我越黎越鍾意喇，我份勞作靚唔靚呢 ... 
梗係要多謝舜子啦 ..
2009-11-6 [ Friday ]
收到 Skymomo 寄俾我既包果喇
真係多謝你，不過都係要鬧你，問極你都吾肯講幾多錢 
激死我
尋日吾知係咪太大打擊，我成晚都吾想訓
結果同人吹水，成晚無訓過
8:00a.m. 直接番學，超難頂呀，中文堂簡直不醒人仕
尋日搵左咁耐習，都係為左個英文考試
點知原來係下星期先考，係咪玩野呀
不過當然要多謝驕驕啦，借份功課俾我去考試
2009-11-7 [ Saturday ]
今日開心，因為我終於無吾開心lu
LALA 隊首歌基本上整好。雖然中間有好多困難，不過還OKAY LA
呢幾個星期真係忙到冇朋友 ,, 希望大家見諒啦 ,,,
近排好多朋友陪我傾心事、幫左好多喎，等我回顧下先
BrokenArthur [下面留言戈位] .. Pkkick .. Skymomo .. Teo .. Tounev .. 嘉欣 .. 楓葉 .. 驕驕 ..
真係多謝曬你地陪我
最後送碗海鮮面俾大家，我覺得佢真係靚到有d 假
$15 mop 咋 ,,, 超抵食 ,, 又好味 ,, 又多料 ,, 下面全部滿曬架 ,,,
| 
