愚人節快樂！

我覺得自己存在於世界上，就係最大的笑話。

莫說身邊的人很討厭自己，

連我自己都好討厭自己，不想面對自己，

雖然30歲的年紀對於現代人來說仍然是年輕，

仍然有很大的發揮，

但點解我覺得自己的前境與一位80歲的老人無異，

完全睇唔到將來人生仲有咩意義可言。

原來我對上一次睇真菌感染，已經係2018年的事，

2022年3月5日，我竟然唔知那來的衝動，再次去面對困擾自己多年的問題，

食左兩次藥，用澳門最強的治療方法，仍然治唔好，

可唔可以俾我選擇生，或者死

呢種半生不死的狀態真係難受過想死。

好諷刺既係，

我論文主題選擇左探討年輕人結束生命的原因，

探討現時社會工作者如何幫助徘迴在生死邊緣的人，

唔知道呢份論文完左，

我會唔會對生命有新的意義？

回望過去五年，

我經歷人生事業最開心的時期，

現在也經歷最痛苦的時期，

捱得好辛苦，每一晚都安慰自己離死亡近了一步，才能入眠，

我的終於到底在哪裡。

Lumos,

以下是我的內心說話。

好多謝你放下驕傲的性格，

去服侍我呢個橫蠻無理既人，

你記唔記得你之前問我「你有咩優點」，

其中一個只有係你身上出現的優點，

就係你會堅持自己的堅持。

我呢，我都在堅持自己的堅持。

曾經有一個人講過，「相似的兩個人走在一起注定會受傷。」

我到今日仲細味著呢句說話，

或者我地兩個人其中一個人唔堅持，

就可以過返以往開心的日子。

我堅持甚麼呢，

我堅持住不屬於你的，就不要拿走，

食物再精緻，如果不想吃，拿到座位裡最後還是浪費掉，

咁為何不在出手前思考清楚呢，

現在堅持，總比將來要爭扎放棄來得舒適吧。

我都好想給你一個抱抱，

雖然唔知你經歷左啲乜野，

但知道你以往、你現在都不好受，

可惜我唔適合伸手去幫你，

希望你能明白。

你話，

「如果以後有人係你面前提起你，

請你就當作唔認識我一樣。」

我好唔想答應，

我都好想擁有一個時時刻刻都掛在嘴邊，

傾到佢就會好雀躍的人，

可惜，我同你認識錯時間，

認識錯場合，

我會慢慢退出，

希望你快點找到適合的生活，

既然我錯過左20201年第一日

不如就係牛年第一日打一篇日記吧

本來識到 Lumos，我人生應該多左好多節目先岩

可惜開心總係會伴隨著好多爭吵、眼淚

累得我自己都覺得不是屬於自己的

新一年我要踏入30歲了

每一年的願望都是希望快些結識另一半

快些定好自己的將來

可能越急就越唔成事

眼見自己鍾意的人都鍾意左其他人了

眼見比自己細的人都結婚了

雖然我唔知自己人生過了多少

但總有一種大局已定旳感覺

最近隻眼模糊了不少

唔知係近視深了，眼睛累了，還是內裡的細胞又老化了

成日話要去檢查檢查，拖拖拉拉都未檢查到

好怕自己一檢查就得知甚麼大病

我成日都話隨時 ready

吾知當死亡係我面前時，我又係咪真係 ready 好？

「你到底想要甚麼？」

「我想要一個可以陪住我的人，我可以放心對佢講出任何的心聲，

我可以帶住佢出席朋友的聚會，佢都願意帶住我去認識佢身邊既人，

我地去邊度都可以一齊，吾需要有咩隱瞞，

天氣凍時仲可以一齊睡覺。」

30歲的自己，

應該只係走左人生一半沒有的路程，

但一日比一日迷茫，仍然搵唔到自己定向，

每日都做錯事，滿腦子都係內疚，委屈，

健康都一直走下坡，

如果有咩病痛，不如快點話我知，

等我可以早一點收拾心情了結自己。

我唔明白點解要強迫我做第三者，

點解我拒絕仲係我既錯，

你既自私迫到我精神崩潰，

每日既責怪令我都覺得係自己既錯，

可惜我即使將所有責任扛上身都得唔到你一點認同，

除左係你身上，其他人可嘗不是，

一切都是錯，有我的就是錯，

存在就係一個錯。

我最近心情有好咗

至少消極既念頭係少咗

前陣子我不斷同人講

如果我消失左就好了，消失左就好了

我以為會換到人地的同理和安慰

但原來人地都係Get 唔到

只會同你講，冇事既，振作下啦

我又諗起戈篇同個傷殘既人講：

「好簡單之嘛，你企係身啦」

篇野睇落去好諷刺，但原來身邊每一個人都係咁對你

好啦，我放棄了，預期靠人，都係靠自己

我諗起新年時，我媽好擔心我拍唔到拖

我隨口講，你屋企擺棵咁大的假桃花，梗係唔得啦

我媽第二日換左真桃花，然後叫我圍住佢轉三個圈

好啦，其實我桃花一直都唔少

依家多到覺得自己都誇張咗

仲有好懊惱的感覺

可惜我咁多心事，都只能夠同 Olivia 一個人講

今日同 Clark 慶祝生日

又令我回憶返起某次見到佢手機封面係我張相

唔知咩玩法

今日又承承機講句：你坐唔穩搵野攬住咪得囉

走時候又摸下我個頭

想點呢

Circle 又想點呢，係我多疑定係你有企圖

點解我覺得你啲行為咁古怪

不過點都好啦，都多謝你約班 Friend 同我慶祝生日

Charles 呢，同你一齊既時間我覺得係幾開心

不過我更開心你搵到一個好好的對象

如果我都有一個對我咁好的人就好了

你真係要珍惜啊

準備踏入29歲了，我人生除左多咗 Adobe

好似都仲係咁，一事無成，真係好似等死咁款

不過我都有默默增值自己既

同自己講，每日努力啲，365日就可以累積好多

加油啊！