| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2018 年 11 月 12 日 星期一  |
| 2018-11-12 | 分類: 未分類 | 昨晚睇了一場令我深思很久的《奧利安娜》
深思唔係因為該劇的劇情，而係佢帶出的訊息以及給我的領悟
最近和同事有些爭執
其實已經不是第一次了，應該是第十次吧
問題在於我真係唔覺得自己有錯
但，人地意見就係同我唔同
點算，我真係吾覺自己有錯，我說服唔到自己
到底係邊度出左問題
係別人，定係自己
話劇入面講到，社會處處存在著階級觀念、權力
用花言巧語去令「下層」的人覺得這是理所當然
所以呢，就算我明知這不是理所當然
咁我又可以點，我可以去改變？
我以前會諗，呢啲係佢地努力儲下來的優勢
自己多年後也會升職、年資變深
到時候我也可以擁有這是優勢
但現在想，這些優勢是對嗎？是好嗎？
還有很多很多的分叉點
唔識，到底要問，定係唔問？講，定係唔講？
我已經感受到越來越多同事的「不耐心回答」
可能係我問的問題太低智
但返到辦公室，我問其他新同事
「你冇遇到呢個問題咩？」
佢地好天真答「有啊，不過你衝出黎問，見你俾人鬧，我地咪吾出聲囉。」
然後我爭取到了，佢地都有份受益
或者我最後自己做了，佢地又要攞去影印，攞隻USB 黎COPY
咁我可以點，我吾介意分享
我只係希望如果你同我有一樣的諗法
可以勇於同我一齊表達出黎
而唔係係旁邊食花生，然後享受成果
今日就係第二段的開始
第一樣學習的就係釋懷
但我驚我一世都學吾識釋懷
| | 發表時間：2018-11-12 12:53 AM [ 訪客留言(0) ] [ 編輯日誌 ] [ 分享至FACEBOOK ] |
| 2018 年 8 月 11 日 星期六 |
| 2018-08-11 | 分類: 未分類 | 賭場體驗 第一天
我以為自己可以控制一切，
經過今日，我發覺有啲人、有啲事係你無辦法控制
不能理解的無法控制
先係提早15分鐘到了指定地點
打了給聯絡人，對方語氣很差
叫我地自己上來
我根本唔知道由邊度上來
因為等人來接
結果上到去已經遲了10分鐘
錯過了集體講話的環節
當住50人面前俾佢鬧到一臉屁
之後帶我們去換衣服
東西放在哪、甚麼時候在哪裡吃飯都沒有講
只係用鬧的語氣叫我紥好啲頭髮
不知鬧了多少句了
被她趕到去四區
場上大多都是姨姨，只有幾個年輕人和幾個男人
有些姨姨好好，教我如何做
有些則是不聞不問
到了午膳時間，自己一個人摸索飯堂在哪
幸好我幫了一位小姐推門
她帶我行飯堂的路
到了飯堂，站在門口沒有卡拍進去
後來還發現原來企錯了門 = =
飯菜沒有 CLARK 講的那麼難食
因為人生路不熟
我連手機都沒有，自己一個人吃
還提早了7-8分鐘離開
怕迷路
返回場，隔了15分鐘便被召走
要去 TOA 即 FOOD COURT 清理桌面
真係想喊 ! 幾辛苦我都吾怕
但可否不要拋頭露臉？
有一位年輕女仔因為駁嘴，所以即刻炒了
幸好兩個小時，都沒有撞到熟悉的人
而且，這兩個小時係過得最快樂
有一位姐姐笑容好好，見到我幫她笑過不停
有一位哥哥也是被踢出來，當住客面前不停鬧經理
有一位年輕男士，無論我講咩佢都吾出聲，
只係默默地做，最後終於感化到佢，佢細細聲講左一聲「唔該」
因為太早食飯關係
食完飯要企五個半小時
真係太攞命了
去到11點，手痛腳痛
但都堅持住
終於到12點了
一天的地獄生活結束了
如果唔係已經答應做五日
我真係覺得一日就夠
今日領悟到好多野
1) 賭場員工壓力係員工俾員工
今日俾人鬧的次數係比最近十年加起來仲要多
起初我唔明白點解乜野都要鬧鬧鬧
但後來諗，或者咁樣係最快、最見效、對大多數人都有的方式吧
2) 大多數客人都好好
有 2/3 的人即使要或不要飲料，都會同你講多謝
3) 我係有市場，只係冇機會 (笑)
今日有俾人問攞WECHAT，有俾人撩，有兩個同事話等埋我放工 .. (笑)
真係好特別的體驗
第二日自然醒時已經 1:48PM 了，真係攰到好誇張
希望接下來的四日
吾洗俾人鬧咁多啦
第四、五日好緊張，要自己一個人去面對了
路係自己揀，點辛苦都要撐落去 | | 發表時間：2018-08-13 12:29 AM [ 訪客留言(0) ] [ 編輯日誌 ] [ 分享至FACEBOOK ] |
| 2018 年 8 月 5 日 星期日 |
| 2018-08-05 | 分類: 未分類 | 一直以來都覺得你好勇敢，
至少換著發生係我身上，
我都可以彼為肯定的答你，
我捱唔到落去。
兩年了，真的非常漫長，
希望在世上的你可以繼續努力生活下去，
希望在天上的你保佑他們繼續幸福地生活下去。 | | 發表時間：2018-08-05 12:50 AM [ 訪客留言(0) ] [ 編輯日誌 ] [ 分享至FACEBOOK ] |
| 2018 年 7 月 11 日 星期三 |
| 2018-07-11 | 分類: 未分類 | 四年的輔導生涯，今天畫上句號了。
如果要用等級來評價這四年的工作，
無可置疑地，一個「差」字，
唔單單只係自己要求高，
而且有好多基本的要求都未做到，
亦自問沒有係每一個學生上都用盡全力。
諗起當初入職，
全因為 ROY AO 的一句「請緊人」就應徵了，
亦好大膽又慶幸的，只寄一份 CV 就錄取了。
四色人格講過，我最唔適合就係做社工 / 輔導，
但偏偏不適合又捱過一年又一年。
最美好的，
係和可愛的小朋友相處，
既係我返工的動力，亦都係我開心的回憶；
最成功的，
係幫到一個又一個的小朋友，一個又一個的家長，
成功感是其次，能幫助他們才是最重要；
最傷感的，
莫過於看見不可彌補的失去，
離開的，分道揚鏣的，死亡的；
最落寞的，
係沒有把握好機會，
讓事情永永遠遠遠留下遺憾；
最失敗的，
係有能力而自己準備不足，
又或者胡言亂語下傷害了人；
最恩惠的，
係還有一班好同事，
永遠都會體恤和諒解我。
四年，不長又不短，
係時候離別了，
要捉都捉不住，
但我，真係好唔捨得，好唔捨得你地呢。
 | | 發表時間：2018-07-11 09:19 PM [ 訪客留言(1) ] [ 編輯日誌 ] [ 分享至FACEBOOK ] |
| 2018 年 4 月 1 日 星期日 |
| 2018-04-01 | 分類: 未分類 | 新屋入伙，執屋之際
看到了那些這些年來被我收藏的櫃裡的信
原來，就算屋內只剩我一人
我也會沒有勇氣打開這些信…
其中一封信寫道
一年前你已經開始注視我
只是愚鈍的我從來都沒有在留意自己已活在幸福之中
直至離開一天，我仍然給你傷感的答案
實在，對不起您
若果再問多我一次，有沒有鍾意過你
我只能告訴你，我忘記了
對不起我真的忘記了 ...
在告白之前，我是沒有喜歡你的，因為我感受不到
告白之後，我覺得很混亂，現實與情感出現了極大的差距
當時理性的我選擇了向現實低頭
現在回望，我有很多位置都可以感性些，大家都會開心些
但若果再給我一次機會
我還是會選擇原來的答案
因為，我對異地戀真的沒有把握
事實也證明了我是失敗的
有一句歌詞說「得不到的永遠是最好」
真的，你留在我心裡的回憶，只要定期翻出來看看，就很窩心了
你說過你會看我的日誌
默默在背後支持我
你現在還有看嗎？ | | 發表時間：2018-04-02 12:27 AM [ 訪客留言(0) ] [ 編輯日誌 ] [ 分享至FACEBOOK ] |
« | 2 | 3 | 4 | 5 | 6 | 7 | 8 | 9 | 10 | 11 | ... | 110 | »
|
