還有12個小時，我又要回台灣了

真係講得無錯，除左第一次同最後一次之外，每次番台灣都係吾開心

並吾係台灣生活吾好，而係無左阿媽既照顧

加上好多繁複既學業，令到我好吾想面對

好想快D 過完大二，可以輕鬆點

都準備走了，雖然無上次戈種恐俱

但即係上次走得吾開心，都有好多人陪住

如今，得番自己一個，對住日記，MSN 長期OFFLINE

我已經搵吾到乜野可以再講閒事

我記得

我有一個朋友，不計日夜教我玩扭計骰

我有一個朋友，經常捱眼訓陪我傾電話

我有一個朋友，有事無事都會搵我傾 MSN

我有一個朋友，夜晚會搵我食宵夜打機

我有一個朋友，係我跌傷腳時帶我睇醫生

我有一個朋友，知道我有乜困難都會無聲無色幫我

我有一個朋友，知道我有煩惱而主動為我解圍

我有一個朋友，願意吾訓覺聽我囉嗦一大論

講朋友，我沒有咩？

我有，只係曾經為佢地做既野感動過一刻

然後拋諸腦後，遠離佢地

但我明明無資格去遠離，最怕寂寞戈個係我

其實有邊一次，我需要幫忙時係無人幫我？

諗番轉頭，幾乎每次都有人幫我

為乜野，我明明有咁多好好既朋友，最後卻無曬

初中某一年，我行到去運順新邨

結果落起傾盤大雨，我同朋友趕住沖番屋企

係過馬路之制，有個少女話︰「我遮埋你啦」

就係呢句陌生說話，我好感動

今日傾盤大雨，我同樣對住準備沖過馬路既人講︰「我遮埋你啦」

「吾洗 !!」粗魯責罵性既回答，我好尷尬咁企左係斑馬線位

報恩都未必有人領情，但至少我有盡力去報過

我好傻係度諗，夠竟以前既我，同依家既我

說話方式有咩改變左？

以前只要同人傾一次計，就可以好投契

然後滔滔不絕咁傾足半年、一年、兩年

依家講野現實了，反而無左以前既樂趣，但我又搵吾到分別

還是分別在於我性格變固執了

太多野都為自己、為未來打算

用戈D 超級心理道理去說服人，令人覺得厭倦？

文信話，以前積分得300幾分，已經好開心了

依家3000幾分，都搵吾番以前既開心

我諗起，我的第一個威望，係 K___ 版主加俾我

我求左佢好耐，先肯同我交換條件，加第一個威望俾我

戈一晚我記得我超級開心 ! 我拎到 Qoos 第一個威望

戈陣2008年，加分仲好嚴格，根本無可能加到分

我見到人地有2威望2貢獻幾羨慕

我終於有1威望! 我追近了一步，還差三步 !

到依家，贏左一個遊戲，加5威望5貢獻

有一個精華，加15威望10貢獻，已經 1480分了

但始終搵吾番第一次戈種感覺

係變了，麻目了，習慣了，吾在乎了，哪一樣？

今日整日落住雨，我拖拖拉拉都吾肯出去飲涼茶

結果我最後話出去，mami 話已經買左番黎了

唉，我自覺太無人性了

好快就番台灣了，好奇怪

係台灣，我會吾想番澳門；係澳門，我會吾想返台灣

我好想快d 到1月15日，好想快d 畢業

留番係mami身邊

明日又係辛水辛汗，搬行李既日子