終於到手了 !!

雖然吾係自己親口問番黎

不過八到番黎都已經夠了

原來遠在天邊，近在眼前

仲要咁多共同朋友

真係搵既就死都吾出黎

吾搵既，就會自己彈出黎

呢排開始有妄想症

不過千萬估吾到既係

個妄想竟然實現左 !!!

YES !! 超開心

但自己衰輪盡

竟然跌左個電話係車上面

第一次就要出洋相

唉，SORRY  LO

我吾係特登架

都係老媽子吾好

一話準備掛八號風球就走都走吾切

搞到要我自己一個番屋企

多謝 M 哥

好吾想D 時間過得咁快

如果可以延長多一頭半個月就好

因為，好喜歡依家的日子

今日真係做咩都異常緊張

死啦死啦

又上曬腦喇

尋日發夢

竟然夢見同佢一齊訓覺

不過後來被佢踢落床定係點

都無訓著就走開了

我都知日有所思

下一步就係夜有所夢

但我都係諗下姐

吾洗真係發夢下

搞到今日做乜都好吾自然

仲要成日博上鏡咁

繼上一次夢見阿San 想錫我之後

今次又夢見一大班人影相

佢無啦啦搭實我膊頭

將我扯佢埋身邊

好啦好啦，我遷就下你啦

畀你尷尬攬完

抽完水就算

咩夢黎架

吾係有D 咩預意掛

不過我就係好鍾意呢種FEELING

想念一個人是最幸福的

Tweeti Hen

你想點啫

尋日喊下喊下

就訓著了

真係覺得自己係咪痴左線

我真係好似上曬腦咁

不過提早體會一下

都好既

今日放工上六樓搵阿媽

傾左半個鐘

平時都吾覺得自己咁孝順

放左工即刻閃架嘛

但呢排都自動自覺上六樓

同老媽子講聲再見先

吾知道同阿媽係同一間公司做的情境

可以持續幾耐了

如無意外

應該都會進入倒數階段

真係約會未完便掛念

好怕以後無勇氣走上六樓

好怕回憶一次沖曬上腦

甚麼都好怕 ...

我頓時間呆了

有一種想哭的感覺

有一種離我不遠的感覺

我知道終有一天媽子會離開我

但真係無想過

可能係明年，可能係明日

如果係明日，下個月

呢個打擊我負吾負擔得起

我仲好想佢睇到我搵到工作

睇住我結婚

生孫仔畀佢抱

報答番二十年來的養育之恩

上天

就算你拿走我的一切

請懇求你把親情留給我

我不能失去媽媽

這個打擊，我不能承受

到底係一個深愛的伴侶死了打擊大 D

還是一個拍了十年拖，結了婚

卻意外發現伴侶有一個拍了四年拖的第三者

導致離婚收場的人打擊大D ?

人外有人，天外有天

是真的

愛情永遠都不會順利

也是真的

愛情不會有100%的完美，100%的順心

總會有衝突、分歧的時候

兩個人成功解決到問題

這才是愛情 

無人知道將來會有甚麼突發事件

或者會意外懷孕

或者會發現有癌症

或者出了車禍

或者突然間朋友去逝

既然將來是那麼不確定

為何還不珍惜現在

要勇敢，愛自己所愛的