好耐無打日記喇 .. 打咩日記好呢 ... 

新竹真係好死大風 ... 吹到癲雞咁 ...

開始有進入冬天既跡像喇 ... 個個都著長袖衫 ...

澳門呢 ?! ......

不過好憎落雨 .. 根本擔吾到遮 , 前幾日自己一個行, 反左遮呀 ..

好瘀皮 ..

知吾知大學點上堂架呢 ...

見吾見到有d 好奇怪既野 ?!

之後睇下我宿舍個奇景啦。

中秋節自己一個宅係宿舍過 ...

夜媽媽自己一個驚到震' ,,,, 仲要有驚喜, 個地又係度震 ... =.='

好多謝d 同學仔 送月餅俾我食 ...

呢兩隻野 好得意 .. ..  僑生就有得送 ..

上星期同左大二、大三、大四既學姐去家聚。

感覺間日本野 吾太好食 ,,, 可能吾岩口味啦 ,,,,

多謝大四惠學姐 ,, 送既禮物。

最左邊係大三、中間大二、最右邊係我 ,,,

大四係隻兔仔 ,,, 戈日無黎到 ,,,

上星期六去左逛交大 ,,,, 影左張陰深恐佈既相 ,,,,

望下個盡頭 ,,,,

呢排仲同左好多其他學校既人抽學伴 ,,,,

抽到, 有d 亂 ....

 最後多謝，多謝夜晚冒住大風, 花左$1400NT/$350mop  ,,,  送宵夜過黎既交大大二電機系同學 ,,,, 

雖然吹風 吹左30mins 先等到你地黎 ,,, =.=' ,,,

如果第日有多d 宵夜就好喇 ,,,,

一陣就要去迎新宿營喇 ,,,,

星期日先番黎 ,,,,

識吾識到朋友 ,, 就係睇呢次喇 ~'

番黎我再 post 相上黎啦 ,,,, 撇!

2009-9-12 [ Saturday ]

今晚幫阿珊同珠姐慶祝生日 ... 去左任食打邊爐 ....

食左$528 ... 都頗貴... 不過好多肥牛食.. 我應該食左40卷啦 .. 卷卷都好長 

貴過澳門.. 但好食過澳門... 澳門d 成日偷功減料既 ....

一直食 .. 一直聽住學姐講說講笑 ....

我點插嘴呢.. 佢地講既野 我都吾岩... 佢地識既朋友 我都吾識 ....

唯有靜靜咁 聽 ... 靜靜咁 聽 .....

「我夠竟有無後悔去左台灣？」

我好驚答.. 我後悔 ......

2009-9-13 [ Sunday ]

無進展 ... 我諗吾到話題 ....

我覺得我同學姐之間已經越來越遠 .....

佢地個個都好錫阿米 ... 阿勝又有大二學姐錫 ... 唉 ...

只怪 .. 點解偏心從來都吾會係我身上出現 ?! 

今日食飯 .. 我喊左出黎 ...

我諗起尋日個問題 ... 我好驚....

我點同澳門d 同學交待？我花左父母咁多錢.. 我吾想白白浪費佢地辛苦賺番黎既錢 .....

2009-9-14 [ Monday ]

上大學課既第一堂 .... 都okay la .. 聽得明75% ..

不過班入面無乜人同我傾計 .. 我講吾到d乜.. 佢地講我又吾太明 ...

夠竟係我自己問題.. 還是已經一早設好...

我心好淡.. 顧慮越黎越多.. 我可以係呢度讀完四年嗎?!

主任同梅如都好關心我.. 好感動 ><"

我吾想另到佢地失望 ....

2009-9-15 [ Tuesday ]

今朝同宛芩一齊去上課 ... 途中撞到個學姐...

我同佢say hi.. 可惜佢一眼都無望過我...

問左宛芩幾句說話.. 就同佢講 byebye 走左... 我呢?!

係我自己feel 錯?! 呢一刻.. 我心淡了 ....

下午.. 又受人白眼 ....

我只係講出我既意見姐 ....

吾岩聽.. 我以後都吾出聲囉 ..

好采下午還有阿珠同阿勝陪我上選修課.. 吾洗寂寞了...

多謝。

好驚.. 好擔心.. 好多顧慮 ....

但我吾想要好後悔 ....

我已經好努力，好努力咁改緊喇 ....

學識獨立.. 係無曬朋友嗎？我吾要呢種獨立...

俾次機會我好無呀..

2009-9-5 [ Saturday ]

走喇.. 終於要離開屋企喇...

第一次離開屋企咁遠 ... 咁耐 ... 吾捨得反而沒有 ... 只係擔心屋企會有d 咩事 ...

屋企隻小白呀... 我雖然知道無可能可以等到我大學畢業..

不過捱得一日得一日.. 希望下年寒假番黎見到你啦..

坐左1個鐘頭零9個字飛機 .. 落到機場喇.. ~'

之後坐巴士由桃園去新竹...

返到學校 .. 幾個人 續個續個行李箱搬上去..

出曬汗.. 走五層樓走左幾轉.. 不過吾係太辛苦姐..

夜晚全部僑生一齊出去食飯....

第一次見到馬來西亞and 印尼既僑生... 仲有個靚女添..

點解係我腦海中.. 東南亞既人吾靚呢 ?! 佢地都幾靚呀...

2009-9-6 [ Sunday ]

咁早黎到台灣.. 就係為左今日呢個「新生指導會」...

望住我地班d 人.. 要點相處呢 ?! 廣東話佢地明幾多呢 ?! 我可以溝通都幾多野呢 ?!

佢地會吾會吾鍾意我呢 ?! 係咪我要主動d 同佢地傾計呢 ?!

原來我地班.. 得四個男仔... 佔1/10 ..

突然間覺得高三丁.. 好多男仔.... =.=

不過我黎讀書姐.. 又吾係黎相體 ... haha

2009-9-7 [Monday]

7:45a.m. 爬左起身.. 去體育館繼續「新生指導會」...

導師講既野.. 我都吾知有幾多係聽得入耳...

又眼訓.. 又普通話.. 又遠乜都望吾到...  乾脆訓覺....

不停係度中下中下... 無所謂啦.. 我坐最後排... 無人見到 haha~'

未開學已經係度恰眼訓

下午繼續... 不過我好精神... 因為同前面兩個台生好好傾...

隔離又有個馬來西亞...好似一隻雞.. 一隻鴨.. 兩隻鵝... 不停咁傾囉.. 其實都吾知傾緊乜...

之後參觀課室... 都吾錯呀.. 雖然我呢個系 無得獨佔全橦樓 ..

不過對比澳門.. 澳門真係太少太少喇....

其中有一環叫「自我介紹」... 我排尾三 ...

一聽到我係澳門黎... 成班係度 WOW....

我心諗... 「你地收到戈張班上名單.. 吾知有僑生架咩.. 有咩好驚奇」=.=

澳門生都係人呀..  我好似外星人咁囉...

然後選班幹事 .... 邊條友仔 陷害我 ?!

選我做副班長 ?!

你地班人... 睇住黎啦.. 我做班長你地會死得好快... 

2009-9-8 [ Tuesday ]

7:30a.m. 爬起身.. 去醫院做體檢..

個個都話驚抽血.... 我都吾明有咩好怕....

人地個身斷開兩截... 都未叫痛... 吉支針叫痛?!

下午有防火演習...

用滅火桶.. 防煙袋.. 逃生繩.. 心肺復甦.. 消防喉 等等....

全部澳門都無接觸過.... 不過無心機聽.. 反正都聽吾明啦...

夜晚發生左d 吾開心既野....

係我自己諗得太多 ?! 還是我想像中.. 一切都太美好 ?!

2009-9-9 [ Wednesday ]

呢一日... 好痛苦 ...

去醫院做第二次體檢....  澳門從來都無呢d 野.... 乜經驗都無...

最痛苦.. 係驗大便... 係無就無啦... 點俾你丫？

過程吾講喇.. 好嘔.. 諗起都嘔....

2009-9-10 [ Thursday ]

今日無乜特別野好講.... 但我有一個新發現....

我竟然搵到一個坐廁 !!!!

你知吾知 坐廁對我黎講有幾重要 ?!

你試下諗下.. 你無左坐廁... 會幾痛苦 ?!

我見到坐廁... 比執到$1000 仲要開心...

2009-9-11 [ Friday ]

終於成功上到網喇~'

開始我呢四年既網絡日子.... 

9-14 先開學.. 仲有幾日俾我發呆....

如果多d 時間就好喇... 我上free 多幾個月先 ....

澳門各位同學.. 要俾心機呀...

想要台灣d 乜就出聲啦... 因為我應該會頻頻寄信 .. 寄包果番去....