2/12同3/12去camp

皆因童軍旅慶..

-------------------------------

2/12 2:00係中心等,

2:15出發,

約3:00到目的地..

個營地影真麻麻啦~~(非常簡陋)

擺低d行李後我地出發去東涌砲台,

果到幾好玩..(玩捉迷藏就正~~~~)

之後去個所謂沙灘既地方..

(其實石既比例比沙多好多好多)

我地成班響個度玩"片"石,

果次係我第一次"片"石,

試左好耐先試到,

最高記錄4下..

返到去食完晚飯又有遊戲玩,

個遊戲叫「綠野仙蹤」,

要響夜晚周圍搵數字,

(我本人十分怕黑,果晚差d攞我命..)

返到營地就響度整湯圓,

又要搓糯米粉,

又要整材料(有黑芝麻同花生),

d材料要自己弄碎..

整整下已經2點幾,

食左d湯圓..

呵呵~~~~

跟住我地成班係度玩糯米粉,

把成隻手整哂糯米粉,

then整落人度..

我地連gordon sir同辛辛都玩埋..(哈哈..)

但辛辛要報復,

我地就走哂上天台..

(真係蠢..居然走上天台,走都冇得走)

下場係點就唔駛講啦......>3<

最後成4點先瞓左陣,

跟住又玩陣,又瞓陣,

之後又唔知發咩癲,

走去睇日出,但凍到死,

於是未睇完就走返去瞓..zzzz

總之最後就瞓左2個幾鐘..

--------------------------------------------

到第二日,

我地幾個隨便食左d好難食既炒飯同飯左杯朱古力後,

就好團結咁攤哂係張桌子度瞓..(強調係攤..)

之後係做個什麼儀式..

今年真係幾多驚喜:

攞左個癡線(慈善)童軍獎、

大躍進獎(上年叫飛躍進步童軍獎)

仲調左去Wolf隊做副隊長(APL)..

-------------------------------------------

坐車返中心時全車人都幾乎瞓哂覺,

非常安靜,

我一覺瞓到返中心..

========================================

打打下打左咁多野出黎,

係我打日誌有史而黎最長的..

而家諗返旅慶都仲係咁好笑..(HAHA~~~~)