今日好好好慘呀~

上爺爺家食飯,

兩個表妹都有去,

阿媽就叫我帶副棋去同佢地玩,

我就緊係揀我最鐘意又覺得最好玩既棋過去啦~

點知我姑姑(表妹們的媽)就誤會以為我送比佢地玩......(天啊!!點會有d咁既誤會嫁?!)

唔通同佢講:「其實我唔係送比你地嫁..只係想帶過黎同佢地玩咋~記住比返我bo!!」咩?

(仲要係長輩..)

唯有眼白白見住自己最心愛(千真萬確)既棋比人攞走啦~

係佢地面前又唔可以表露不滿bo..

真係兩張床:two bed(too bad)..＞＜

－－－－－－－－－－－－－－－－－－－－－－－－－－

不如講講點解我咁鐘意副棋

果時間公司係又一城擺攤位，

我地咁橋經過買既，

好似係咩英國or美國......(總之係外國啦~)

未必再有機會買過..

而且,我次次玩都係win咁濟,

連我老爸都唔夠我玩,

所以我特別鐘意

但...但而家......要同佢講88啦~(含淚揮著手帕＞＜)

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

之後仲要比老爸老媽話，

都係副棋姐,唔駛咁小氣掛?!

呢下先激氣,好似係傷口度灑鹽咁..＞＜

唉~而家傷心欲絕,唔打啦~~~