尋日我同男朋友諗住釣通宵魚

本身打算夜少少先出門口

點知班釣友好早已經到左

所以我地9點左右都出到去同佢地會合

去到見ERIC買左我飲開既檸檬茶比我飲

真係有我心,所以我決定唔詛咒佢釣毒魚一晚咁多^^

其實成晚都好靜,等到好耐只係釣到一條"火點"

而男朋友就釣到2條魚

不過唔知點解同ERIC嫂咁夾

次次都會一齊釣到魚,,

攪到佢地成日話我地係2姊妹

釣到12點左右佢地就走先

而我同男朋友就繼續釣,但D魚唔知去哂邊

連毒魚都唔多條,成晚流流長好淒涼

到今朝差唔多10點,

ERIC嫂同DICKY買埋早餐黎比我地

過左陣我地決定轉去麗都灣釣

點知我地去錯左汀九灣=.=

幾經辛苦先去到目的地

唔知係咪去慣馬灣釣魚

黎到呢度覺得D人好似唔多友善咁

釣到差唔多3點我就要走先

因為應承左阿恩個朋友幫佢個女溫數

而佢地就繼續釣,男朋友最後重釣到條斑仔

聽佢講DICKY佢地收穫都唔錯tim.................