今日又到同二佬2公婆去釣魚

原本打算去黃金,不過我唔想再出雀斑

所以佢地就我去左"青龍頭"

去到戈度,唔知D魚係咪唔熟唔食呢

我地用咩魚餌都引唔到D魚

最後我地都走返去馬灣^^"

雖然都係冇乜魚,但起碼都坐得舒服D

玩到2點幾要開始執野返去接2只嘩鬼放學時

阿恩終於釣到條"老抽"上黎

都叫做唔駛3個齊齊食白果啦

返到黎接完2只野就一齊食左個TEA先上二佬屋企

今晚喺我要求下二佬整左個蒜蓉開邊蝦比我食

好味好味,差唔多成斤蝦都係我一個食哂 haha............

次次上二佬屋企食飯都會食得好開心

而今晚都冇例外,一樣食得好愉快

食完之後我就坐定定等謠謠做埋功課先同佢溫數

都唔知呢間咩學校,測驗都重要上堂同做功課

加上謠謠做得慢,成10點先可以開始同佢溫數

溫到12點先走,走之前我重同謠謠講

我教佢教到口水都乾哂,

如果佢唔係用我教佢既方法,就要買一箱檸檬茶比我

回程返屋企時先醒起今朝起身見凍

搵長袖衫時順便拎哂所有衫出黎重未執

返到屋企見到成半張床都係冬天衫

真係有個衝動唔想執走去阿媽房訓就算

不過最後都係死死地換埋季先訓......

講番今日幫謠謠溫數既報酬先

就係外賣勁辣咖哩雞亦^^好味好味