今日落左元朗幫阿媽買6合彩

之後去數碼通開番張sim咭

再行過去幫只茄買狗糧

本身約左阿詩帶蕃薯落公園玩

後尾阿恩打黎先記起尋晚約左打羽毛球

就係咁最後推左阿詩去搵阿恩食tea

其間醒起佢尋日整親只腳

所以我都冇再問係咪打波

跟住打比阿詩睇下佢帶唔帶蕃薯過黎公園玩

點知佢同詩媽喺新屋油緊油

佢叫我唔介意就過去幫佢睇住個女

咁我就好唔客氣地帶左只蕃薯過阿恩戈邊個大公園玩

好彩佢都肯跟我冇扭到計

而見佢都玩得好開心,我地重幫佢拍左唔少短片留比佢雙親睇

玩左成粒鐘再帶佢上阿恩屋企等佢玩多陣就返歸lu

而阿詩同詩媽就上埋黎一齊食埋飯先走

今次真係比舊蕃薯激死

問佢我係邊個,竟然話"蕃薯"

今次真係變左"蕃薯契媽"=.=