今朝一早就起左身

因為男朋友約左佢舊同事去迪士尼附近釣魚

10點左右我地已經到左目的地

佢2位朋友好好人幫我搵埋個正位比我釣魚仔

而我都冇枉費佢地既幫助釣到好多魚仔

(不過都有d大少少架^^)玩左2,3個鐘,

正當我玩得好開心既時候...

男朋友話冇魚釣要搬竇

去到碼頭戈邊得番d好細好細既魚仔....好唔開心

最嬲就係男朋友都係釣唔到魚=.=

激鬼死我啦!!!!!

玩到6點散場....雖然已經戴左帽

但都曬黑左...依家對手同腳好似朱古力^^"

回程時心情突然回落到低點...

原因好簡單,因為聽日又要返工啦

唉~真係冇諗過咁抗拒呢份工

重諗住點都做埋呢個月先...真係唔知點算好