成個幾月冇打blog啦

個暑假又就黎放完啦..

今日原來係7月14 鬼節呀..

夜晚仲約左婷同佢條仔去游水

同呀媽講..無啦啦又話叫我唔好去喎

話今日係鬼節  去游水會比鬼捉喎

真係煩到嘔..

唔理佢 今晚照游

今朝同大姐去YAHOO!拍賣度諗住買d野

用左成朝電腦

下午 訓個午覺

好鬼眼訓呀

今日終於都黎啦

約左敏佢地1點

去到粉嶺果陣

見到敏玩緊NDS

同佢講遲左囉..

一開始見到佢都唔知講咩好

跟住catherine都黎埋

場面好似有d唔知點咁

敏又好斯文喎

搞到我有d唔習慣...

搭火車去沙田果陣

敏就玩NDS

catherine就玩緊我部手機果d遊戲

我間中都有走過去睇下敏玩緊d咩

佢都問我玩唔玩呀..

但我又唔中2打機

所以冇玩囉

到左沙田

去左影貼紙相先

影$60果部

每人數$20  唔係好貴

影完  陪catherine去*city super買野

因為佢有$50優惠券

買左糖糖同大包薯片

諗住去睇戲果陣食

點知敏又買左盒三文治

話一齊食

我都買左檸檬茶

齊齊飲

去到UA果邊

冇咩戲睇

見到有史力加3

好似有d低b

唔係好想睇

諗住睇虎膽龍威架

但係又唔知做咩架喎

所以都係睇史力加3啦

最早都係4點果場

我地買完"飛"就四圍行

超悶呀...

我地行到3點9

就行返去UA

敏買左coke同hot dog

我同catherine都冇買野呀..

因為d野實在太貴啦

入到戲院

唔係太多人

一開始又係睇d無聊廣告囉

有段廣告講哈利波特

跟住係敏隔離果個細路

無啦啦話"好驚呀..媽咪"

搞到我同敏都O晒嘴囉

一陣之後..

又聽到有個BB係度喊喎

唉....

等左一陣

終於開始啦..

我真係覺得好悶呀...

d劇情真係out到冇得再out啦

睇完..搭車返屋企

敏話想打排球喎

我又唔想去...屋企6點半就食飯啦

所以冇去到

返到屋企...好攰呀

真係好好好好耐冇打啦..

有時又唔得閒

有時又唔想打喎

今朝6點幾就起身啦..

要返學校綵排呀..

一番去又要練口琴啦

平時都係扮下野吹咋..

開始綵排果陣

因為d老師唔係好得..

所以成日要*NG

坐係度超悶呀..

又無聊喎..

我地口琴表演排第4呀..

係劇社後面

睇唔到佢地表演呀...

原本諗住今日同catherine去沙田

但我地果陣又唔係好想去喎

所以冇去到

夜晚大概8點果陣

敏佢無啦啦hi我

原來佢想問我個blog係咩

我話佢知我好耐都冇打lu..

冇野睇囉

我知佢嬲左catherine同我去游水

我就問佢係唔係仲好憎我囉

佢又話唔係喎

咁我同佢講唔想同佢攪成咁

於是我地就再做返普通朋友啦

我仲問佢聽日去唔去沙田影貼紙相添

佢話去喎

我打比catherine

佢話敏都同佢講左好多野...

但係又唔似佢喎(所以有少少懷疑佢係唔係真係敏囉)

跟住我問敏可唔可以打比佢

原來果個真係佢黎架...

真係有d期待聽日嘅來臨呀...