我發覺我SHARE親果D都唔係會令人開心既野....
尤其係呢排....
其實呢個世界邊有咁多歡樂?呃人的!
可能我鬼仔性格啦(絕對誤)其實我一早好肯定自己係九型人格中的4W5
4同5夾埋就係陰暗第一代表 噢賣葛=0=
坦白說我真係唔知雨傘呢壇野會搞到幾時....
如果金鐘銅鑼灣旺角被清場 下一次可能係西環九龍灣尖沙咀(我吹姐,純粹作地名)
其實我真係唔覺得中共會被我地打動到...
不過唔係話冇效果就唔使抗爭!!如果抱住功利心態去行動 咁同藍屍又有咩分別??
靠外國勢力? 好話唔好聽,美國日本英國都自身難保= =
呢幾年我深有體會的是
創造出烏托邦的人 是那些根本不相信烏托邦存在的人
聽起來好似好矛盾 但其實呢樣先係真相
因為沒有完美 所以人才會持續努力不懈
一個安寧穩定的社區不會沒有警察 治安係要需要維持才會恆久
(我仲朗誦緊架,台下唔好拎香港警察藍絲帶抽我水,一見到即DEL!!)
見到FB好多人話 勿忘初衷
我覺得 啱架 點會唔啱? 啱!!舉腳支持!!
我要真普選 我要爭普選
爭得到 當然好 爭唔到 咁點呢?
我想講既唔係關於退場的問題 比起自動退場還是被迫退場
我關心既係 係志願行動(注重過程) 與 孤注一擲(注重結果) 心態之間的平衡點
有D事情 明明合情合理合法 但就是有D惡勢力不斷阻撓 令你不能成功
想重申我支持港獨 我唔想 亦無必要去論述我的立場同理據 因為我之前都SHARE左好多
但在一些明知可能性不高 成功率接近零(唔好駁咀,捫心自問吧,成功率有幾高)的行動面前
我覺得可以唔需要有考慮後路的功利思維 但絕對要有接受革命失敗的道德勇氣
我唔係想學藍屍帶叫所有佔領者而家退場 我已經講過 幾時退場 點樣退場 都唔係最重要
坦白說 我害怕 我害怕雨傘革命是香港人有史以來第一次 也是惟一一次的集體抗命
雨傘革命一旦失敗 再沒有下次
而最可怕的不是隨後如同猛虎的苛政打壓或是白色恐怖 而是人心的絕望
"習得無助感"呢家野(對唔住,我讀得書少,拋下書包先) 我唔止識條鐵 我係非常地理解明白深有感受
在雨傘革命發生前,我一直覺得香港人係廢柴(唔使啤住我,廢柴係指我OK?)
所以我而家好開心 但同時也很擔心
我唔知大家心中團火仲可以燒幾耐
其實我冇去到瞓街 可能冇資格係度朗誦(.....)
不過我很感謝前線的大家 真的很感謝
最後我想講 就算今次行動最終是失敗告終 我們應該接受 但絕對唔可以認命
關於群眾 他們想要的是安穩
這些人之所以反對你們 是因為他們不知道如何爭取他們應得的
他們不知道 一個政權應該給予他們的 遠遠不只有目前這一些
永遠不要輕蔑群眾
他們是我們的伙伴 我們是他們的一員 只是我們提早醒了過來
努力令更多人醒覺吧
雖然之前也恥笑了下藍屍帶 但其實我心裡還是對他們抱有期望
即使在少少的利害衝突前我們曾經分道揚鑣 但我相信在更大的危機發生後 我們會成為堅定的伙伴
4號性格 雖然多愁善感 但其實對世界充滿了愛
5號性格 雖然憤世嫉俗 但其實對人充滿了同情
加油 努力
我們永遠不會輸!!
|
