唔想再浪費時間..無論一分一秒!!!!......

我諗係地都會覺得..做乜事我呢幾個禮拜不停都要學學學..想報讀唔同既野..學唔同既技能..我咁做..唔係我錢多得濟..唔係我屎忽痕..係因為我覺得..我過去實在晒左好多青春..如果唔係因為之前冇好好付出..點會搞到而家一敗塗地..我知道而家就算點講後悔都係冇用架啦..所以我會以行動黎實行我既想法..不過..當我想學返琴..或者學其他野..媽咪就會話我不切實際..唔通人生就只可以實際..腳踏實地咁做人..就唔可以有夢想同理想?!

夢想=發白日夢?!

其實我一直都好驚人地問我第時想做咩..因為我真係想答佢..我想做歌手..你會覺得好白痴..又或者都幾妄想..但我由細到大都鍾意唱歌..鍾意跳舞..我好驚咁答..因為一定會俾人話我發白日夢..所以我一直都會答唔知..但好好笑..雖然我係好想做歌手..但我又偏偏好驚被好人注視既目光><好憎呀...係咪我既表演慾唔夠..或者我根本唔適合..亦冇呢方面既天份..唔通真係要日日無無聊聊咁返埋d悶工..真係唔甘心..今日april話去唱k..其實我都想架..但係我開口既同時..諗起自己把聲仲未好番..即刻收返句野..我唔知點解把聲會咁..咁耐都未好番..上個次唱完全冇晒自信..一直雖然自己把聲唔係好靚..但5音尚算標準..唯一一樣技能可自豪既..但而家..我真係...我都好耐冇唱歌lu..因為驚自己唱唔到..不過點都好..我真係唔想做文員咁過1世..

都夠鐘訓覺啦..打住咁多先..近期多感慨..第日再打^^""

待續......

我不會唱歌 by 李克勤

像　並未太像　但落力發亮
當　一分鐘偶像　但　練習半生
給你熱唱　怎麼竟會　使你著涼

情話　要是沉住氣　唱不上
高八度也許　太誇張
我淚流但你　懶得拍掌

你若　要是其實渴望聽他唱
恐怕任我聲線　再鏗鏘
你亦無視我在　投入演唱

他漂亮這麼多　他偉大這麼多
平凡像我　無強項　亦未會唱歌
嗓子太壞　但全情為你　落力發揮過

琴聲那樣的淒楚　恐怕是　鍵琴手
慷慨為我　點首歌　點出你讓我
賣力到　感情用錯
但我　仍繼續　能頑強地錯