呢一篇係我最近有感而發..

um..其實都幾可怕..因為我逐漸發覺自己既性格好衰..連我自己都驚左自己..好驚真係好似黃大仙改名個度咁講..最後會因為性格怪異而冇晒朋友..甚至屋企人..

由上次見到彭彭､pari屎咁踴躍..而我..坦白講..我真係未曾做過義工..今次做或多或少都關個份嘉許狀既問題..我知我咁講..你地會覺得我係一個好勢利既人..我覺得自己由細到大都已經係冇乜愛心..我同媽咪講呢件事..佢講佢一直覺得我份人好偏激..極端..憤世嫉俗..胸襟唔夠廣闊..我唔否認..因為我覺得而家做好事..唔會有好報..反而害左自己~幫呀婆話唔定會俾佢害反轉頭..另外..我亦漸漸覺得自己份人好小器又妒忌心好重..愈諗愈覺得恐怖..我而家就好似企係自己面前..完全睇到自己內心有幾咁醜惡咁..點解我會咁架..唔知點講出黎好..好辛苦..唔想再咁落去..呢幾日..一諗起都會想喊..我覺得我而家就好似一套戲入面第2女主角咁..各方面都永遠不及第1女主角咁好..咁討好..講真呀..本身我已經冇乜長處..再加埋而家把聲仲未好返..連唱k既心情都冇埋..唔想聽到把咁難聽..塞左既聲..心情真係趺到落谷底...我唔想咁辛苦落去...我一定要擺脫呢d衰既性格..

待續......

我不是好人 by Justin

明天　一早　待夢境都散去
王子　公主　還原普通愛侶
餘生　都想一起　然而我卻心虛
怕破綻　會給檢舉

擔心我　待你好　未夠好
熱戀真面目　遲來一步
經已力求完美　難像你要的我

我未夠好　你別投訴
來日我試試　可否給你更好
平庸像我　正在苦惱
當我不足　給你找到　我怎麼好
You are so beautiful