今日都係去會展做,8點幾起身..出到去10點零鐘到..

做到3點鐘到去食野,食完野幾個人就話唔做啦,放工..

我,阿yan,阿鈞3個人返返去諗住sale埋之前d客先走..

勁正囉,個客今日幫我地開左5張單...聽日仲會再開多幾張...

佢仲話我地把口幾得,叫我地去佢地個邊做添=0="哈哈..

臨走人個陣阿恆黎左,我同阿yan陪佢去搵佢個fd...

之後我地3個人搭船過返尖咀,再搭地鐵走人=.="

阿yan去旺角,我同阿恆就返寶林,兩個人係咁係到傾計...

阿臭,Hugo見到阿恆都話佢勁高...話佢一定有190...我諗都唔知止唔止呀=9="

陪阿恆行去搭電梯,之後我再係新都買野..

買完就返屋企喇,9點幾鐘返到...勁早囉...都唔知幾耐冇試過咁早返到屋企!!哈...

今日去灣仔會展入面個BB展到做,初頭諗住應該唔會好多人去..

點不知多人到成個會場迫爆咁滯!!!勁恐怖囉...

隔離Team人又勁仆街喎,十幾廿人特登企係我地面前阻住我地..

結果兩team人就係到鬥,你企我面前,我咪又企返你面前囉...鬥過沒完沒了=.="

呢排又唔知發咩神經,成team人開得勁少單,阿Dee灰到爆囉,陰公..

做到8點就收工,阿湧黎左,3個人傾左陣計...

之後我就返新都,撞到方方,同佢係美食廣場到傾計...

後尾又等嘉瑜佢地放工,等到12點幾,本身話去食宵夜,但最尾我冇去到..

覺得自己勁無聊囉=.=" 同方方&佢個同事一齊搭車返屋企..

而家1點幾喇,聽朝又要勁早起身..又係去會展...

做埋呢兩三日就唔做喇,俾心機捱埋佢啦!!!!

今日放假,同阿yan,阿鈞,阿Dee去左唱K...唱到點幾cut左=.="

後尾我,阿yan,阿鈞3個人去左影貼子相!!影到好靚呀!!haha

4點鐘就去睇戲,睇<<靈時3點3>>,有我,阿yan,jeffery同埋jeff..

睇到5點幾,之後就上左信和...我同阿yan係到打機...

jeffery,jerry,jeff呢3個阿頭係到訓覺=.="勁嘆囉,難為佢地d同事係條街到日曬雨淋,haha

後尾我地播碟睇,睇<<愛．作戰>>,,5條友迫係間房到睇...

套戲好無聊,好兒戲咁!!jeff,jeffery一路睇一路係咁鬧!!哈哈哈..

睇完之後都8點幾路,落左去食野...9點幾就搭地鐵返屋企..

返到屋企10點幾...食飯,睇電視...咁又一日路..