尋晚點幾鐘就灘左落床諗住早d訓...點不知訓唔著>^<"結果就係到聽歌,,到左成3點幾先訓得著=.=""訓到4點幾,,俾電話嘈醒左,,咁夜有電話打黎屋企,,都知道一定有事發生,,個心形住個電話係同叔叔有關,,結果...俾我估中左,,叔叔佢已經......唉,,知道左之後好唔開心,,勁想喊...跟住就訓唔到,,睇住個天慢慢咁光,,都唔知幾時我先訓著左...不過其實咁樣既結果究竟係咪已經算好!??咁樣以後就唔使再受個d苦,,我諗俾著係我既話,,我可能一早就已經撐唔住,,可能一早就已經放棄左,,所以我好佩服叔叔,,佢既求生意志真係好強...或者有時候...死亡可以算係一種解脫...
訓到11點幾又有電話,,個妹唔舒服,,要早退返屋企,,學校又唔佢自己返黎,,一定要有人揍先走得,,結果我就要去尚德接佢返黎,,去到見到佢龍精虎猛=.=""個衰妹一定係似住有少少唔舒服就扮哂野話要返屋企,,結果真係俾我識穿左!!哈哈!!不過最慘個果一定係我,,訓訓下覺爬起身,,仲要山長水遠走去尚德,,又熱喎><"真係過份呀!!!
返到翠林就買野食,,係商場撞到方方^33^ 返到屋企就開餐路,,食完野玩左陣電腦,,之後覺得好眼訓,,訓左1粒鐘,,之後就起身溫書,,溫commerce...一路溫溫溫,,溫到食飯,,食完飯就睇電視,,睇完學警雄心就去左沖涼,,沖完涼繼續溫commerce,,仲做左3課MC,,105題入面岩左89題!!!姐係全部夾埋錯左16題,,都ok啦,,希望禮拜4份commerce卷我都可以有咁既成績!!!如果係既話實開心死我,,溫到點半鐘就停啦,,上左黎寫日記,,而家好眼訓
 中ZzZzZzZz...睇黎我都係要快d去訓覺,,聽日早d起身溫書,,做最後既沖廁!!!哈哈哈...
PS""斌仔,,Happy Birthday... |
溫書溫書溫書=^=" 
刊登時間︰2005-05-05 01:22 PM [ 
