今日返學都係繼續派卷...派哂路...

炒左3科 =0="" 仲係要炒到好犀利個隻...

不過要怨就怨自己冇俾心機咁溫書!!!抵死既!!!

剩低呢一個月,,要俾心機,,追得幾多得幾多..

今次考到最好係中文,,paper1拎到70分..

paper2就拎到61.5..繼續加油吧...

差唔多堂堂都係係到講返份卷...

到左art堂,,成班俾莊溫靜鬧到飛起...

一把間尺姐嘛,,唔使咁呀!!!係咁鬧左成堂...

最尾一堂art堂都要鬧我地先安樂=0=""低能的!!!

佢仲要一路鬧一路係咁兜,,我地聽到就係到笑笑笑,哈哈..

lunch就係到玩下傾下計咁囉...仲差d俾4仔拉左入男廁=9="

上完8堂之後又有周會,,咩科學問答比賽...

不過冇尋日個果宏揚中華文化講座咁悶...

放左學同阿貞勁早就上左車啦!!係3點58分..

未試過咁早就上到車hahaha..返到翠林寄完信..

同斌仔買完野食,,我自己買埋野之後就歸家路...

我要努力咁準備份禮物至得!!hahaha..

PS"一開個icq就收到阿娟俾我張生日咭!!第一份禮物呀ha^^thx u

今朝7點鐘起身,,刷牙,換衫,,搞掂哂d野就嗱嗱臨出門口..

仲諗住15m會好多人添,,點不知冇乜人..哈^^

去到將軍澳地鐵站岩岩好8點鐘!!之後就去搵茜萍同琪琪妹..

仲同阿yan傾左陣電話添hohoho..

跟住就行去寶覺啦,,落雨囉=9=""搞到成身濕哂!!克人憎!!

去到之後係到等呀等呀等呀,,等到搭10,11到先入禮堂..

哈哈,,我坐正中間位,,gd呀!!!

今日既題目係:2個蘋果,矮瓜,栗米,黃芽白,同埋一張整'摷'左既白紙

睇完d野之後定左,因為除左張紙之外,其他野全部都係學校畫過哂!!

加上張紙其實唔難畫!!好似畫毛巾咁姐!!hohoho..

一路係咁畫,,唔停!!蘋果畫得最快,,幾個字就畫好一個

唉,,不過係臨尾香囉我=.="又係衰係個影到...

明明剩低3個字畫影既,,係3個字呀!!!

上兩次per mock都畫唔切,,但今次d野畫得好快..

但最尾衰左係個影到,,灰哂=9=""唉...

我諗應該會C到既,,幾張paper夾埋,,我諗我應該係坐C望B啦..

我Art奪A既美夢粉碎左路 /__\""灰...

今日坐我隔離用乾粉彩畫既女仔,,都畫得幾好...

但係另一個就=9="""啞左...

估唔到竟然可以咁樣畫法...勁搞野,勁誇張!!

後尾我自己返左新都,,一路係咁同阿yan傾電話!!!

之後我地話出旺角,,所以我就嗱嗱臨返屋企擺低d野同換衫...

成2點鐘先出門口!!^^"搭地鐵個陣我地係咁傾計!!乜都傾一餐wahah

去到旺角就周圍行下,,睇野,,仲影左影子相添!!

又係上次個部機,,影到幾好呀!!哈,但諗返上次影到..=0=""激氣

後尾又去左"柳"蛋..我"柳"中左個米奇呀!!勁靚,,勁鍾意>33<""

鍾意米奇既程序已經超越左跳跳虎喇,,哈哈哈..

我地行到6點零就走人啦!!好鬼攰..好眼訓..

搭地鐵個陣又係咁傾計!!hahaha..唔知點解今日搭車過得咁快既...

用左半粒鐘到就返到寶林啦*0*"""

之後我去上左新都行左陣^^" 不過睇唔岩...

哎呀,,仲諗唔到究竟買咩禮物俾嘉瑜好添,,諗到頭都爆喇!!

不如嘉瑜你同我講你想要d乜丫,,^^"hahaha..

行完就搭車返翠林路,,同"佢"同一架車呀!!勁橋kaka..

跟住又搭埋同一架笠,,仲撞到個阿姨添..

佢勁大聲咁嗌我全名,,佢真係超大聲囉..

我啞左=0=""個時好多人架,,勁樣衰..

係商場行行下無啦啦有人拍我膊頭..原來係方方..

原來佢今日都係旺角呀!!早知就一齊行啦>^<""!!!

係屋企樓下等左好耐笠,,"佢"都係到等緊...

但我地都冇講過野,,因為我地實在太耐冇傾過計啦=9="成幾年..

我連望都唔敢望下佢,,因為覺得個感覺好奇怪...哈哈^^"

係一個月入面撞到佢兩次,,破記錄呀!!haha

返到屋企就開飯路,,我又破左記錄啦!!!

成7點幾先食第一餐,,佩服=9=""

食完之後攰到灘係床到,,唔覺唔覺訓著左...

訓到10點幾起左身,,黎左寫日記....

而家仲係好攰好眼訓,,聽日要返學對卷..死得=9=""

今日做左隻豬,,係咁訓訓訓=9=""痴線的...

夜晚就係到睇電視,,覺得自己係咁係到嘥時間,,好唔掂 ><"

聽日要去寶覺考art..愈黎愈怯...

好彩琪琪妹同茜萍都係去寶覺考,,有伴..唔使驚唔識去..

唔知聽日我會坐咩位呢!!!希望就坐正中間...

唔會坐d執邊位啦!!!如果係就弊傢伙喇!!

仲有聽日會畫d咩呢!??希望唔好出好多菜..

出一棵就算啦!!!最憎畫菜架啦!!!＞＜”

仲有唔知同我同組個d人勁唔勁架呢...好多問題呢!!haha

木顏色,,擦膠,,準考証,,身份証,,畫板,,

我諗冇野留低未執路呱*0*

好啦好啦!!!聽日要加油努力!!!目標係3個鐘入面畫得哂成畫畫!!!

哼,,睇住黎啦!! 景嶺既朋友仔聽日都要加油呀!!!!