今朝又係訓到唔想起身,,到左7點5先死死氣咁起身 >^<"

到左7點9到就嗱嗱臨出門口..落到去巴士開走左..

小巴條人龍好鬼長=_="""又落住雨咁喎!!克人憎..

結果等左好耐車..到左8點1先上到車..

好彩因為落雨,,多兩個字既時間..唔使計遲到..

頭一二堂中文用黎pre mock,,我到今朝先醒起要測中文,,

乜都冇溫到,,諗住死硬啦,,但點知都識d喎!!

可能因為以前d課文測過,,又冇想像中咁難,,所以識呱^^"

第3堂Oral,,我個組唔使discuss!!所以就係到傾計!!呵呵..

兩組discuss完,,講左陣份oral paper之後miss就同我地傾計

第四堂commerce,,都係播powerpoint溫書..

第5堂econ,,係咁同嘉瑜傾計!!haha!!~

maths堂又係!!^^""哈哈..

lunch個陣又係傾傾傾,,今次加埋方方同阿yan一齊傾!!

傾到d飯盒上黎就開飯啦!!叉油雞飯!!好味道haha

食完野就睇下方方同雞批計graddin條數..

超麻煩呀!!好鬼多野=_=" 每個人$400,,低能架!!

最尾個兩堂係Accounts,,教mock paper..

我都冇聽到^^"係到寫返d紀念冊俾人..

寫完都差唔多落堂路!!hohoho..

放學個陣落雨=0="" 所以我就決定唔落新都買野路..

我終於都記得我尋日去新都係要買乜啦*^*"

買完野食就返左屋企,食完野就寫返個日記..

今日都唔知咩事,,勁肚痛,,由第二堂中文開始!!!

做做下卷勁肚痛,,之後就一時痛一時唔痛,,直到放學!!好辛苦..

呢排D腸胃真係好有問題!!!唉,,唔好玩啦..我要身體健康呀!!

喜歡一個人，當然不希望他受到折磨，於是，只好不再接近他，寧願大家一起忍受那小小的痛苦、小小的寂寞、小小的思念……
現在雖然不能一起，甚至將來也不會一起，然而，那微小的痛苦，卻能滋養生命，讓你知道，永遠有一個人，遠遠的、輕輕的愛著你

今日訓到12點零就起身..

首先就出尖咀搵阿yan同曜仔...出到去都2點幾路..

食完野之後就去左機鋪打機!!haha..

後尾我同阿yan就去左睇鞋...不過唔岩心水 >^<"

又去左睇銀包,,之前想買個款冇左!!過份..

結果又冇買到路..而家考慮買唔買第二隻色好^^"

去完無印買野就返返機鋪..打多陣機就走人啦...

去左睇衫,,睇鞋..都係睇唔岩既!!討厭!!!

之後就去左旺角,,去到都好似成6點啦..

我地就去左Art Supplies到買野!!!

買左畫板,,Portfolio,,木顏色,,畫筆,,塑膠彩,,

計計埋埋成$350!!!! 超級肉赤!!買第二樣野要咁多$$都唔會咁肉赤..

Art 果然真係呃＄ >﹏<"""" wuwuwu..

一路行就一路拎住個Portfolio,, 睇落"好似"好pro咁!!哈哈

買完野就搭地鐵返屋企路..返到寶林個陣自己就去新都睇野..

硬係記得有野要買架!!!但又突然醒唔起要買乜=__="

結果就走左啦,,臨走前去萬寧買野個陣撞到方方!!真係橋呀!!呵呵

之後就梗係一齊走人啦!!hahaha!!~

走個時落雨,,所以就嗱嗱臨上車!!後尾又撞到方方哥哥!!ha

返到屋企8點幾路,,諗住食飯,,但唔想食個d餸,,結果就煮公仔麵食..

食完野就睇電視,,睇<<給最愛的你>>好好睇!!!

結局個到睇到我差d喊>0<"" 後尾成晚係咁睇電視=_="

d功課乜都冇做到!! my god!!! 係咁嘥時間,,真係頂自己唔順!!

尋晚畫畫,,畫到成點鐘!!! 之後嗱嗱臨沖涼..

沖完涼吹乾個頭就即刻走去覺覺豬!!

不過個陣都成點幾鐘喇 /___\""

所以今朝勁唔想起身返學,,真係好鬼眼訓 >&<"

落到去巴士開走左..去左等小巴..

撞到斌仔同4仔,,後尾阿臭都黎埋..

好彩最尾上到班車,,如果唔係又會遲到!!!

第一堂上Commerce,,播''對外貿易''既powerpoint

第二堂Econ,,繼續做pass paper...

3,4堂係Eng,,教作文既格式..

第5堂Accounts,,做Mock exam paper..

開頭聽左少少之後就響到發夢=9="

第6堂Art,,我繼續畫我尋晚未畫完既畫..

不過成堂我都剩係畫左一把掃把咋 >^<"

畫完就嗱嗱臨去廁所個吹風機到吹乾幅畫..

之後lunch就同阿yan&方方食lunch..

食完就上返6樓啦,,同方方,蕭蕭佢地傾下計咁啦..

返班房個陣佢地個班男仔企哂係走廊到喎..

唔知邊鬼個推阿海,,搞到阿海差d成個撞落我到!!

之後4仔又係咁整我,,整到我個頭亂哂=_="衰人

逃離魔掌之後咪兜路行開第二面囉..

點不知行緊個陣4仔特登推蔡旨落我到!!

撞到應一應><" 結果蔡旨就鬧鬼4仔!!抵死呀!!哼

估唔到行返班房條路原來係好似打仗咁款-__-"

之後馬焯又係我個位搞搞震,,拎埋我個銀包添

係咁摷我銀包d野,,睇完d相仲調轉咁擺,,吹脹

中文堂做左份語文運用,,之後miss繼續講佢對我地既睇法

佢對我既睇法就係：

我作議論文作得唔錯,因為佢覺得我既思路清晰..

同埋語文運用都做得幾好!!

haha^^v如果我會考做卷個陣繼續係咁就gd啦!!

maths堂都係做數,,計到頭都大埋><"

放學個陣落雨,,得阿yan一個有遮..

好彩唔係好大雨姐,,唔係就弊傢伙!!

買完野就返屋企啦..媽咪放工個陣就同佢去百佳買野

買左好多野食呀!!yummy!!haha!!

返到屋企就黎整下個日記&寫日記..

Mock exam殺到埋身啦!!! 溫書呀溫書呀!!

會考考既第一科係Art...3月16考..

得返一個月都唔夠!! /__\"