| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
 2005 年 8 月 23 日 星期二 |
 | |
| 銜接班fe第2日~ |
今日,上第1堂個陣,ja係中文堂!又係果個老師呀~好開心!因為佢好好人,我
好中意佢教呀!佢今日同我地分組~有d就4個人一組,有d就5個人一組!佢分到我同3
個男仔一組呀-,-''幾唔like呀~一個女仔都冇!哼~算!我同"颱風",我旁邊果個,同
埋個靚仔(坐我後面ge左手邊果個)一組!就係咁~我地就開始熟左!呵呵~呢一次真係
要多謝老師lu~分完組之後,老師派左d ws俾我地做,入面有個叫做『試把下列錯誤
詞字改正』ge野啦,果個部份有一個詞語係"恭為",大家聽完都會唸到d咩啦~咁呢,
我地就發生左一件超搞野ge事!個陣,我地未做到果到所以未知有果個詞語~咁聽到
我地旁邊果組係到講"恭為"個為字錯左呀!咁我個陣係到做緊野,所以冇留心咁聽,
但係靚仔佢聽到,係到大笑!我見到佢笑,我咪聽下咩野事囉~咁岩,佢地個組d人又係
到講,話你地快d寫啦!都話"恭為"個為錯左咯!我聽到都係到笑,就係到鬧靚仔,話你
做咩唸埋果d野呀!你d思想真係唔要得呀~佢聽完之後仲笑得大聲~咁其實真係好好
笑ge!我地個組人得我同靚仔聽到~=.=''都唔知佢地2個係唔係<龍>嫁~咁都聽唔到!
我地個呢幾日個銜接班真係好搞野!上完一堂就有一個小息~我唸住坐近d月兒,所以
咪問下嘉忻旁邊果個男仔同唔同我換位囉?行到過去~佢聽完之後就問我問點解呀?
我冇答到佢!因為我都唔知點答!跟住我就冇理到佢,同月兒傾計啦~點知,我地傾計
,我望返去嘉忻個到,佢串緊個男仔!=.=''咁我見到咪過去幫下手啦!我聽到佢同嘉
忻講,話:<咁叻~你做男仔囉!>我咪好快咁講左句,話你估我地好想做女仔嫁?!佢就
唔夠串啦~嘩哈哈!!!笑鬼死~跟住我地又話,如果你做女仔要穿裙,要去女廁喎!如果
你中意做女仔我同你轉身份,你做廖藹怡~佢驚到令返轉!-,-"頂佢唔順...咁都驚!
放學lu~放學個陣,又同d fd一齊行左一陣!又係去到北區醫院巴士站個到去分開~
係巴士站果個馬路,我見到今朝俾我同嘉忻串果個男仔,自己一個搭的士返屋企!我
都估唔到佢咁有米~聽日叫佢車埋我都好喎!行呀行,行呀行~我自己一個行左冇耐,
行到去又隊道個到,俾我見到果個靚仔同埋颱風,佢行我前面!佢地行得好慢...慢...
咁我咪行過佢地囉!我行到去佢地個到,聽到佢地講埋d淫野!我咪望住佢地囉~佢地
又係到笑!-.-''今次靚仔笑得超大聲!其實我都聽唔到佢地講咩,淨係知佢地係到講
淫野!因為"台颱"望住我同我講,話xxx(靚仔個名)講埋d淫野呀,唔關我事!跟住靚仔
又望住我同我講,話都唔關我事,佢講先ge~聽完之後,我就唔知做咩,行得超快咁閃
走左!我一路行一路係到笑果個"恭為"同埋岩岩佢地2隻野講果d野!
唉~好可憐啊...今日仲要去游水!今日游水都幾搞笑~我同d人一齊做完熱身
之後,要跳落水游水!當我跳個陣,我唔記得帶游鏡,跳落水個陣,我隻眼超痛!我個陣
先知我冇帶泳鏡!好釆d人睇唔到ja~咪笑死人!今日要游背泳呀~我地有d人識有d人
唔識!識個d人咪游得好快囉,但係佢個頭就俾人地隻腳踢到,超好笑啊!跟住唔識果
d人就游到過左第2條線!-,-''因為背泳要隻手直,如果唔直就會游下游下游左第2到!
我岩岩學個陣,成日都游過第2條線~好魚!好釆e間我學識ja~唔會咁容易游過線!
今日真係好鬼搞野!~~~好開心!
|
|
刊登時間︰ 2005-08-24 08:40 PM [ 訪客留言(0) ] [ 編輯日誌 ] [ 分享至FACEBOOK ]
 |
|
2005 年 8 月 22 日 星期一 |
| |
| 風采ge銜接班ge第1日~ |
今日,係風采ge銜接班ge第1日,我8點15分左加返到去,搵返我個班d女仔!我見
到佢地成大班人坐埋一張桌到,所以好容易睇到!過到去,嘉忻佢"積卡"係到話:<你
返到黎啦!放低書包先啦,我地出去行!>出去行ge意思係出去操場個到行,因為出去
操場行唔會俾老師鬧!出到去,遠離左張我地個班個張桌,佢就同我講,江詠旋(之前
係曾梅讀6c)岩岩講你,話你:<白痴啊~癲癲得得啊~話你好多野!>我聽到咪話囉~算
啦,又唔係唔知佢份人,佢份人成日都係到講人非事,又煩到死!當佢講廢話咪得囉,
咁其他人有冇講呀?佢就話:<冇呀!其他都係聽!>佢地講左成15分冇停過!由8點開始
講~講到e家!=.=''勁呀!到左8點25分,d人就出去排隊上課室,跟住我地係操場企到
成10分鐘有多,熱到嘔啊!個校長就由8點30分講到40都未停,再過多2,3分鐘先俾我
地上課室,佢勁係到講埋d廢話!超無奈呀~又唔可以唔聽!
上到課室,個老師叫我地跟高矮坐,但係我地都冇聽佢ge命令,中意坐邊就坐邊,
不過都有分少少高矮咁坐!我同嘉忻坐,本身唸住同埋月兒坐嫁,但係我唔知佢坐左
邊,又驚佢同左呀江詠旋坐,所以冇叫到佢!佢得好好遠,係我旁邊再旁邊個一行,個
行ge尾2果個位,佢個到都冇fd同佢傾計,好慘啊~但係佢好似識到佢旁邊果個好高ge
女仔,全班最高果個,果個女仔好似升中3 d女仔,打扮.講野ge語氣.身型都好似嫁!
唉呀!~我好後悔點解冇同月兒坐!我後面同左手邊都係男仔,都冇得傾計,我再望望
身邊d人,就見到我後面ge左手邊果個男仔好熟口面,唸左一陣,終於記得佢係邊個,
就係今日行我旁邊返黎學校果個男仔,因為佢行過我旁邊2次同埋佢個樣都幾靚仔ge
關係,我好記得佢嫁!我後面再後面果個係橙皮,月兒後面果個就係魔頭仔,之前叫
做一汁毛,因為佢好高又瘦,個頭又"彭"喎!所以叫做model仔,跟住俾月兒叫下叫下
變左做魔頭仔囉!haha...係唔係好勁呢~咁都俾月兒唸到!
放學個陣,我幾驚冇人陪我一齊行啊!因為住翠麗呀~天平呀~上水個d全部都有
校車搭!好釆~仲有呀寶同另一個fd同我一齊行,但係佢地行到去北區醫院果個巴士
站咋~陪唔到我好多!唉~又要我自己一個行啦!慘...唔知點解我6年級自己一個行ge
時候感到好孤獨好唔開心,個陣我第一時間唸到ge係胡,雖然佢係同我同路,但係佢
有佢ge羅,所以佢都唔同我一齊行啦~唔通唔驚佢羅睇到咩!所以我都好想快d返到
屋企!但係到左e間,雖然有孤獨,都係好想搵人陪,但係我唔係想搵胡啦~係我d fd!
因為佢無限咁中意羅,都廢是唸佢啦!呢樣野都冇結果ge~仲唸咁多咪害自己,想自己
再傷心咩! |
|
刊登時間︰ 2005-08-24 01:50 PM [ 訪客留言(0) ] [ 編輯日誌 ] [ 分享至FACEBOOK ]
|
|
2005 年 8 月 21 日 星期日 |
| |
| 唉~唔想再傷心多次!!! |
琴晚,我又係個廳到訓覺覺朱~我好中意係廳到訓嫁,所以我覺得好開心!第
一個原因~就係個廳個"波李"好大,可以俾我訓唔住個陣起身睇星星!第二個原因~訓
唔住個陣,又可以係個袋到令部mp3出黎聽歌同聽收音機,又唔會嘈到我媽咪同呀爸!
第三個原因~就係就係個廳好大,又涼!就係呢2個原因令我好中意係個廳到訓覺覺!
琴晚,我又係個訓個陣對住d星星係到唸野,就係到唸,如果聽日胡智恆穿黑色就表示
佢仲中意我!我記得我上次我咁唸個陣,佢係第2日穿2件白色3(一件3,一件外套)!-,-''
都唔知佢係唔係知我講個d野!我都唔知點解我琴晚會咁唸!hehe~都傻傻地ge!我都
唔中意佢啦~仲係到唸佢!仲有啊~人地都有羅小姐啦!佢之前仲話無限咁中意羅!~
嘔呀!!
到左今日,我搭完火車,一落火車就衝出去,因為我約左胡9點係ok便利店等!
我落火車個陣已經9點正!衝到去ok,見到佢唔係到,咻咪一路行返教會,一路call佢
囉,因為我岩岩好似見到一個好似佢ge物體行左返教會!點知我打俾佢,佢話佢係教
會!-,-''睇下佢幾衰~自己一個返教會都唔打俾我!搞到我衝得咁辛苦!慘...我返到
教會見到佢穿ge係黑色~hehe!我唔知點解個陣好開心啊~唔通我中意返佢?下~唔係
ge!點會ja~如果真係ge話,我就中意返佢第3次啦~=.=''第一次,中意左冇耐,知道佢
中意羅,所以要學識放低左佢~過左冇耐,又中意返佢!但係因為最中意ge係劉,唔係
佢,所以又要忘記佢~第三次,就係今次啦,明明係旅行入面放低又忘記左佢嫁啦~唉
呀!頭2次,佢都係咁中意羅!我唸今次都係!算啦~我唔可以再唸佢嫁啦!因為．．．
↘||╳* 不想再為同一個人∼傷心２次！__×°||/|＊
返到教會,我地玩講大話!哈哈~個名係唔係好得意呢?!有一個人,要講3樣野
出黎,一個係大話!其他人就係估佢邊一個係大話!到我玩個陣,我講左話~我好中意...
跳舞!我好中意...游水!我好中意...睇電視!個個人都估我中意跳舞係假,連梁皓然
都係咁講!-,-''得一個唔係講我中意跳舞係假,係講我中意睇電視係假!果個就係我
又想中意返佢果個人,穿黑色3果個人!跟住,我聽到咪望住佢囉,又係到唸~點解佢仲
記得我唔中意睇電視ge呢?!唉呀~可能咁岩ja!唔好亂唸野~都話人地中意ge係羅,仲
無限咁中意!唔好再亂唸啦~再唸的話,就會再傷心多次!我唔想啊~第一次我已經受
夠啦!!過左1個鐘~曾陰權同江澤民黎左喎~大家唔好唸曾陰權係香港特首果個啵!都
唔好唸江澤民係國家總統果個啵!佢地係教會ge 2個小朋友!一個叫做曾x權,我唔記
得左佢中間果個字,佢大我一年!一個就係佢細佬,叫做曾澤民,細我一年!大果個讀
上官~呵呵!細果個讀惠洲5年級,佢本身係讀6年級,但係升唔到~哈哈!低佢地死囉~
係到串我同我個fd,佢串我地之外仲踢張椅過答我同我個fd到!好釆~我地身手敏捷!
閃到~如果唔係...死梗lu!上個星期,佢地2兄弟係到扮乖,唔傾計,唔玩野!我就唔信
佢地咁乖,我咪同我個fd去引佢爆粗囉!呵呵~我地計畫好成功!細果個終於都忍唔住
係到爆粗串我地!當然~佢梗係唔夠我地串啦!但係我地串串下佢,佢呀哥又係到串我
地,我地開始唔夠串啦!又唔可以唔串落去嫁~點都要死頂!好釆我地都死頂到~!hehe~
串串下,梁皓然同黃嘉駿又幫埋佢地!我地咁就玩完~串唔到佢地!我地點串都唔夠佢
地黎嫁啦!佢地有4個人,我地得2個人!叫佢地食屎啦~超9啊!奸得佢地呀!>.<我地唔
夠串咪講佢地d鞋囉~因為佢地d鞋cheap到死,大果個就穿一對係35都有一對ge鞋!我
對襪都貴過佢!我對襪成39蚊!一對係假野布鞋,TOP STAR!真ge係叫做ALL STAR!佢對
假野係街邊買100蚊!我見過!我隻錶都貴過佢~佢地聽到唔出聲!笑爆我地肚痛啊~haha!!
跟住佢地唔夠串,又冇人幫佢地,佢地又話我對鞋係假!=.=''我會用假野?!?!咪傻啦~
我一定唔會用假野!只係會睇老番(番板DVD,VCD)~我對鞋係馬拉蟲買,440蚊~!跟住
仲話係雞場見到我同我個fd~我地咪當聽唔到,左耳入右邊出!hehe~^^勁呢~!!
講到呢到先~打到手都累!! |
|
刊登時間︰ 2005-08-22 09:46 PM [ 訪客留言(0) ] [ 編輯日誌 ] [ 分享至FACEBOOK ]
|
« | 40 | 41 | 42 | 43 | 44 | 45 | 46 | 47 | 48 | 49 | ... | 64 | »
|
