| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
 2005 年 8 月 7 日 星期日 |
 | |
| 嗚嗚嗚~~~最後一日啦!!! |
唉~今日係旅行ge第4日,都係旅行ge最係一日!快樂的時間真係咁快就
過左啦!當地果個導遊好好人嫁~佢請左d小朋友食hello-kitty ge 'o者李'!
今次旅行係我一生中ge第1次有5個人同我同年!幾勁呀~~利害利害!!原來個男
仔都係同我同年,3個升中5!仲有呀~我地呢個團有成4個小學老師!我地呢個團
俾我地個香港導遊改左做校園考察團!-,-''咁都俾佢唸到!唉呀~我好唔捨得
大家---最唔捨得就係果個男仔!我都冇同過佢傾計,淨係我地有時用隻眼傾咋~
我有幾次望佢個陣,佢又咁岩望過黎,我唔知佢係唔係望我啦,但係我果幾次身
邊都係冇人,我地互望ge地方包括有:香港機場出境,台灣機場入境,酒店食早
餐,『鼎太豐』食晚飯,<魔天輪>排隊,係泡溫泉之前,泡溫泉之後......等等
!嗚嗚嗚...我真係好唔捨得佢~我都唔明點解個天要咁玩我喎,又要俾我識到
佢,又要佢離開我,點解...點解...我連佢姓乜名乜都唔知~你就要分開我地~
我又唔知佢icq同msn!唉~天啊!唔通我同佢緣份而盡?!我同佢最後同最近距離
ge見面就係飛機ge廁所,我都唔知我同佢係唔係同個廁所咁有緣!我係飛機個
廁出黎,就見到佢啦!唉~點解我唔係個廁所到留一張紙俾佢睇呢?點解我唔問
佢叫咩名呢?哎呀~我真係唔想離開佢呀!嗚嗚嗚~~~好唔開心!我唔想咁快就完
結呢一次ge旅行呀!我真係好中意呢一次旅行,永遠唔會忘記!我去過咁多次旅
行,我覺得令我最有記得就係海南島個次,我記得個次得20個人去咋,我地差d
少人得制去唔成!好釆~都去都成ja!我仲記得個一次我地係坐d細巴士而唔係
旅遊巴!笑死我!仲有呀~我好記得就係我地由海南島坐飛機返香港個陣又係打
緊台颱嫁!搞到架飛機又上又落,d氣流搞到我地拋下拋下,好似玩緊過山車咁!
成架飛機d人係到大叫!嗯...個一次個香港導遊叫做小慧,今次個台灣導遊又
係叫做小慧!唔通我同小慧個d人有緣d!唔知我今晚訓覺覺朱個陣會唔會訓呢?
我唸我會呀~係好有可能!算啦~鬼叫我咁眼淺咩!嗚嗚嗚.......
|
|
刊登時間︰ 2005-08-10 04:39 PM [ 訪客留言(0) ] [ 編輯日誌 ] [ 分享至FACEBOOK ]
 |
|
2005 年 8 月 6 日 星期六 |
| |
| 旅行第3日~ |
今日係旅行第3日,個台颱終於走鬼左啦!好野~但係個天就當堂熱哂,熱
到痴肺!我地今日去左好多地方~我最中意就係'零芝'介紹場,我平時去旅行就
最憎去呢d介紹場嫁啦,次次去旅行d旅行社都會帶我地去d介紹場!煩到死!屌~
今次我地就要去'零芝'同'珍珠'場~次次去親呢d咁ge場都呃錢ge~成日都哄我
地買野,d野又貴到死!仆佢個街~但係我今次好中意去'零芝'場!我中意去唔係
因為有得飲or食'零芝',係有得聽講座!我平時又係唔中意聽講座嫁,但係今次
我又好中意!因為今次呢一個'零芝'講座ge坐位我好中意,我本身係坐個男仔旁
邊,但係我廢是我呀媽又係到唸個d野,所以我坐左佢旁邊第2個,坐佢旁邊果個
就係我呀爸!我一路聽講座一路望佢(聽到悶個陣),聽完之後,我有d後悔,後悔
點解我唔坐佢旁邊!e間都第3日lu~聽日就會同佢分開!唉~唔制啊!!我好後悔!
嗚嗚嗚...唔制啊...唔制啊...我地家家人都係'零芝'介紹場入面買左成千蚊
ge野!!-,-''因為個個人都俾d人哄到,連我咁聰明ge人我都俾佢哄到!呵呵~~~
跟住我地就上返車,個當地導遊電話響,佢個電話係Motorola(摩特羅拉)ge V3,
係一郭貴野!算啦~d導遊係咁有米嫁啦!跟住佢個電話鈴聲就係『童話』,係國
語歌黎,<光良>唱ge!好好聽嫁,我已前成日都覺得唔好聽,但係由於我聽得好ge
關係,我e間覺得超級好聽,連導遊都用呢隻歌ge mp3當鈴聲就知啦!個當地導遊
聽完電話就同我地講,泡溫泉d房ok啦~我地可以去泡!坐左30分鐘ge車程,終於
到左泡溫泉ge地方,我見到個到咁熟口面,咪問下個當地導遊囉,問完之後,原來
呢到係流星花園個套戲出現過~講呀<道明子>同<杉菜>,<花澤類>,<西門>,<美作>
個班人去泡溫泉!嘩~勁呀!我可以黎到呢到泡溫泉!個到有好多間房,我同我呀媽
一間房,個果仔就同佢呀哥一間,個到要自己開水,咁我見我呀媽係到開緊水,咁
我咪去下廁所先囉~行到去廁所個到,廁所咁岩又有人,我咪棟係廁所門口有幾條
柱到囉,咁岩果個男仔又去廁所,咁個男仔見到我係到,又就冇行過黎,係條柱ge
令一邊等,我面向南,佢就面向北,我地係一齊棟係同一條柱到等廁所~個一'莫'
場景我記得好清楚~個陣,就好似一對情侶鬧左架咁!唔理,唔望大家!我個陣好
開心嫁,唔知佢個陣又開唔開心呢?!雖然係短短ge幾秒,但係我都會好好珍惜!
又到左食晚飯ge時候,我地又係夜市到食野,當地導遊介紹我地去一間叫
做『呀宗面線』到食面!呢間野又係好出名嫁~但係香港就冇呢間野!個到d面超
好食,價錢都唔平!佢個到得一隻面食,就係米線啦,分大碗同細碗,得一款餸,就
係雞腸(又名叫粉腸)!真係好好味嫁!我叫左一碗細黎食,我食到3分之2就冇食,
因為我已經飽過頭,再食就會嘔出黎~我仲好記得我地個團有成幾家人都走去食!
梗係包括果個男仔個家人啦!!唉~聽日就要分開啦,我覺得今日好似旅行ge第2
咋,鬼叫個台颱打左1日咩~我今日朝頭早先岩岩識到一個女仔,佢同我同年,又
係今年升中一,佢好有錢嫁,佢呀爸做生意!我就梗係唔係因為佢呀爸有錢所以
先同佢做朋友!唉~點解聽日就要分開啵~嗚嗚嗚!!
|
|
刊登時間︰ 2005-08-10 02:10 PM [ 訪客留言(0) ] [ 編輯日誌 ] [ 分享至FACEBOOK ]
|
|
2005 年 8 月 5 日 星期五 |
| |
| 旅行第2日~ |
今日就係旅行ge第2日,個死人台颱搞到我地上午冇得去玩,留係個酒店入
面!好釆~琴日個風都唔近台灣ja!我地都去左幾多地方~我地8點幾先起身,9點
先落去酒店間餐廳食野,一落到去~就見到我見到會好開心ge人,就係果個男仔
啦!呵呵~我見到佢真係好開心嫁,佢穿住一件adidas ge運動3!好型呀~帶住'富'
黑色粗邊ge眼鏡!唉~但係我同佢...點會開始到呀!我同佢過埋呢幾日,就好難
會見到大家,可能真係要有緣份先得!我一定唔可以放咁多感情落去,都唔可以
中意佢!嗚嗚嗚~講就話易ja,但係做就很難喔!食完早餐之後,我同我呀爸呀媽
去左酒店附近行街,咁岩行下行下,就見到果個男仔同佢ge屋企人!haha~開心死
我啦~咁都見到佢!到左1點幾~終於唔洗再留係酒店間房lu~係間房到真係悶到
痴線,因為呢間酒店我地住一日咋,今日同聽日會住第2間!我地去左台灣最高ge
建築物(世界第2高ge建築物)101商業大樓......旁邊ge百貨公司行街,叫做...
<我都唔知>哈哈哈...我真係唔知呀ma!我地行完街之後就去左美食節到食野,
因為咁岩台灣個到有美食節!去完美食節之後,我地就去左一個叫做『美麗華廣
場』我地去都唔係唸住行街ge,佢果到d店舖全部都買貴野,同101果個百貨公司
一樣,貴都破產!佢呢2間百貨公司就好似香港ge『銅鑼灣時代廣場』咁!我地去
『美麗華廣場』ge原因呢~就係呢~佢個到有世界第2高ge<魔天輪>!嘩~好高嫁
!坐到最高個到都唔敢望落下面d風景,腳都震埋!坐一圈ge<魔天輪>需時15分鐘!
我係買票個陣,果個男仔企我前面,我一路排隊,一路係到唸~如果我可以同佢2
個一齊坐係呢個<魔天輪>上面就好啦!!唉~我都知冇可能嫁~但係唸下都好呀!
雙魚座ge人就最中意唸野嫁啦!由細到大,我都成日係到幻想!
好啦~係時候食晚飯lu!呢一個圈包左1餐晚飯咋~-,-''因為台灣有好多
個夜市,有成20幾個咁多!琴日去果個夜市d野食好好味嫁,我唸聽日同後日個夜
市都會好好味ja!咁我地就係一間叫做『鼎太豐』食野,『鼎太豐』好出名嫁!
全亞洲都有分店,香港都有一間!d野食好好味,但係貴就貴左d啦!我地分左4張
台,我同果個男仔個家人一張台!呵呵~仲唔開心死我!我慢慢咁享受呢一餐晚
飯~呢一餐係我同佢第一次同台食飯,可能都係最係一次lu!我希望唔係啦~我
好希望我同佢旅行之後都會再見返,再一次同台食飯!唉~我唔想咁快就玩完呢
個旅行啊!~~~~>.<~~~~~ |
|
刊登時間︰ 2005-08-10 11:43 AM [ 訪客留言(0) ] [ 編輯日誌 ] [ 分享至FACEBOOK ]
|
« | 44 | 45 | 46 | 47 | 48 | 49 | 50 | 51 | 52 | 53 | ... | 64 | »
|
