| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
 2005 年 7 月 24 日 星期日 |
 | |
| 感情~ |
今日星期日~又係返教會ge一日!今日早左返去,9點幾返到去,玩左2樣野!
第1個就係2人3足,我地仲玩埋4人6足ge遊戲!嘩~個條繩成到我地隻腳好痛啊!紅哂~
所以呢樣都唔係好好玩咋,最好玩就係第2個~我都唔知個遊戲叫咩名,淨係知道好好
玩!個遊戲係要圍個圓形先,跟住交叉手咁拖對面果個人隻手...講到呢到~我真係叫
做好釆!因為我差D拖到黃XX隻手,差一個人咁多多,嚇到呀媽都唔認得!好啦~講返個
遊戲先,拖左對面果個人隻手之後,咁就有個人手ge'傑'!我地就唔可以放手之下咁
解開呢個'傑'!我地玩到好興奮~我地好似用左幾分鐘到就可以解開啦!一解開個陣,
個陣果感覺超正~超開心!唉~最衰少左個人啦!如果佢黎埋就好lu~過左一個鐘!到左
十點!彭教師叫我同另外2個女仔一齊去幫佢買腸粉!返到去教會,就見到佢返左黎!
唔知點解我次次見到佢都好開心嫁!^^佢坐係張沙發到睇緊漫畫!佢坐個張沙發旁邊
又冇人,咁我咪坐過去囉!跟住,坐左唔夠十秒,就有一個矮我半個頭,大我一年ge人
(黃xx)一路行,一路對住我講:<喂!你做咩坐左我張沙發!>車~我先唔坐佢坐過ge沙發!
我連一句野都冇同佢講,串都冇串佢呀!睇下我幾好人啊~本身我真係唸住串佢嫁~但
係如果串佢ge話,簡正係浪費我d口水同時間!過左冇耐...又係講道ge時間~今次個個
呀嬸又係一個煩人!成日都係到管3管4!我地做d咩~佢又係到鬧!算吧~佢都係鬥唔過
我地嫁啦~咪又係俾我地玩佢!呵呵呵...上上下堂,個黃xx打左3個電話黎,第1次,我
差d聽左,因為我唔知佢個手提幾號!個陣,我冇聽就係因為驚果個呀嬸會罵我!第2次,
終於俾我發現左係佢打黎,咁就梗係唔聽啦!唔通明知前面係一條死路,仲行過去咩!
都有問題!第3次,佢打左133,所以我睇唔到佢電話號碼,但係我唔係傻,我就唔信唔係
果個唔係佢,因為佢仲同胡生定唔知肥然講,話點解d人唔聽電話!我嬲得制咪關左個
電話囉~跟住佢又問我係唔係關左個電話,我咪話係囉!咁我就可以好留心咁傾計啦!
唔洗再理d煩人!我知到佢玩完電話,咪開返囉,因為我驚我d fd打俾我,叫我去邊邊邊
玩,去邊邊邊行街,點知~個黃xx send左個信息俾我!話好掛住我!天啊!佢都唔知係唔
係有問題!我好驚佢!咁我咪叫胡生同佢講,叫佢唔好咁白痴,跟住,佢又係到話:<咩事呀
佢?我send俾佢d野係假嫁!佢真係當真呀!咪傻啦!>呵呵呵...方死佢唔係驚'魚'先咁
講咩!但係我叫佢唔好咁白痴,都唔係呢個事~我想叫佢唔好成日係教會講埋d白痴野,
做埋d白痴堡動作,成個白痴仔咁!上次,用d頭髮正個m字,又係到'擇'邊'!又唔知自己
'擇'得幾樣衰,周圍俾人睇!我睇到不知幾想嘔!都唔知點解d人唔嘔,仲要係到笑!今次,
又用粒利口樂個隻黑嘉倫子糖放係個嘴唇到!好似生左粒'墨'咁!樣爆~呢d係佢ge白痴
動作ge其中一少部份!上次,我同胡生係教會玩到好激,好開心個陣~佢又係到話我同胡
智恆咁有緣,去結婚啦!佢都痴痴地~今次,我叫胡生開電話,我有野同佢講,點知~個黃佢
條仆街又係到話,我想胡智恆同人表白呀!佢都傻ge~就算係表白都唔會係到表啦!呢到
咩地方呀~有成十幾個人係到,好似想我宣佈俾全世界ge人聽咁!正人笨蛋!笨到冇得再
笨個隻~總睇黎講,佢似充蘇貴鑫,唔好叫做黃嘉駿,叫做蘇貴鑫2世啦~~我返左屋企之
後,佢之後仲用133打左3個電話黎我手提~我咁聰明就梗係冇俾佢呃到,冇聽佢電話啦!
哈哈哈...佢打完俾我之後,我就打俾胡生,同佢傾左一陣電話,好鬼死開心!佢話可能下個
星期唔知返唔返教會,搞到我都有d唔想返!都唔知下個星期日點算~我好希望佢會返啊!
下下個星期日我都返唔到~要去左旅行!所以連學校個舊生會都返唔到!好慘...如果下個
星期都唔返,我就有2個星期唔見佢啦!好唔捨得~!╓佢唔返,我一定唔返╖但係,我唔返,
佢都有可能返!-,-''算吧~又係我ge一廂情願,唔關人地事ge~唉...人地又唔係中意自己,
都唔知自己做咩咁傻~有一個中意自己ge人,又唔中意,要去中意一個唔中意自己ge人!e間
搞到自己好似一個衰人咁,玩完人又唔要,利用佢黎激某某人咁!其實~我同佢一開始ge時候,
我有咁唸過,想利用佢黎激某某人!但係講到玩ge話...我就一定冇玩過佢!一定冇一定冇!
只係... 只係...唉~我都唔知啊!但係~我真係有真心真意咁中意過佢~
|
|
刊登時間︰ 2005-07-24 10:53 PM [ 訪客留言(0) ] [ 編輯日誌 ] [ 分享至FACEBOOK ]
 |
|
2005 年 7 月 23 日 星期六 |
| |
| 買唔到波鞋,買左部mp3 ge一日~ |
今日~游完水,落去更衣室沖身個陣~見到彭教師,佢問我,係唔係岩岩學完水?
我咪話又係呀!跟住,佢又問我,好唔好玩呀?我又答,幾啦!好辛苦,個sir好變態!唔
俾我地游游下停嫁~又唔俾我地休息!好慘...講完之後,佢就話:<乜咁慘呀!>我見d
時間差唔多,要沖身嫁啦,咪唔講咁多~同佢講聲左,我沖身先啦!唔講咁多,我媽咪係
出面等緊我~聽日再講!88
游完水,又返大埔,又去行街~去睇左波鞋同mp3,嘩~e間d波鞋出得好少款,出
黎出去都係果d款,有幾隻都叫好睇d,但係我都冇買到,因為有d岩岩新出,價錢太貴,
有d鞋d色又唔靚,有d就冇我個碼!唉...咁冇買到波鞋囉,走左去睇mp3,睇左好耐,都
唔岩我,但係又唔想唔買,因為帶左成800蚊出街,就係想買呢2樣野,最後我都買左,
因為唔洗我俾錢,個部咁ge野成千3蚊,拍得住我呀爸個部!跟住,個陣我都唔唸住買
嫁,因為部mp3個隻色唔係好靚,深紫色!買左又唔用,就浪費左d咁呀ma!但係,我呀爸
話:<我覺得果部機mp3都唔錯,功能又多,雖然隻色唔靚!最多我同你換我個部俾你!>
講到佢個部,我就拿拿聲應成啦!因為佢個部隻色型爆,黑銀色!仲有仲有~佢個部買左
成千6蚊,貴我個部成300幾蚊,功能其實咪同我個部差唔多!買左之後,我返到大埔ge
屋企,'積'卡'令部新ge mp3出黎睇!左睇右睇~原來都幾靚嫁啵,個LCD就仲得變色~
有成7種色~靚爆!好釆有買到ja!^^所以,我都係用返我部新mp3!呵呵呵...... |
|
刊登時間︰ 2005-07-24 04:13 PM [ 訪客留言(0) ] [ 編輯日誌 ] [ 分享至FACEBOOK ]
|
|
2005 年 7 月 22 日 星期五 |
 | |
| 有種感覺~ |
今日~溫佩儀竟然add我,佢都唔係成日add我ge,今日add我,一定有事搵我!果
然不出我所料,佢真係有野搵我,佢問左我好多野,例如:你係唔係轉左去風采?風采
d暑期作業多唔多?等等ge問題!講到呢到,佢唔知做乜同我講劉嘉麟!==''佢又問我,
我同佢(劉)d野...我個陣,唔知點解好唔想答佢(溫),唔想講佢(劉)~可惜,如果我唔
答佢溫又會話我,所以我都係答左佢,我答左一個好好ge答案,就係:<我呢排都冇同
佢傾計,唔知佢點!>方且,呢個都係其實,我真係好耐冇同佢傾計,但係我冇掛住佢喎!
呵呵~我都唔知點解會咁!溫就同我講:<下,佢唔同你傾計?好少有啵?可能佢自卑!>
我唸左一陣,佢自卑?佢點解自卑?最後都俾我唸左,因為我入左風采,佢入左上官,咁
囉!我都唔覺得有咩咁好自卑!唔同學校ja~咁就自卑!唉...算啦!我又唔係佢,又點
知佢個心唸乜!溫又講:<放心,佢仲係好中意你嫁~>我睇到,我覺得好似冇乜野~中
意咪中意囉,有乜咁把炮呀!但係我以前睇到,個心唔會係咁唸嫁,一定唔會!以前睇到,
會覺得好開心~好甜咁!^^到左e家,世上難料...有可能我唔再中意佢了~~~有可
能我對佢再冇感覺了~~~有好多有可能ge野都會發生係我同佢之間!係呢一刻...
係我個腦出現左1句野,個句野係我個cuuo論壇出現過!個句就係:你對我冷淡,我對
你心淡,我地ge感情變淡!-----唔知點解我會記得咁清楚呢一句!我好中意上cuuo
論壇嫁,入面有好多野睇,我最like呢~就係睇人地ge愛情故事同愛情句子!我覺得個
個人ge愛情故事都唔會一樣,就好似睇小說咁~好過制!!
學習一心一意中意一個中,,,,,唔想再做一個花心鬼 |
|
刊登時間︰ 2005-07-22 09:50 PM [ 訪客留言(0) ] [ 編輯日誌 ] [ 分享至FACEBOOK ]
|
« | 49 | 50 | 51 | 52 | 53 | 54 | 55 | 56 | 57 | 58 | ... | 64 | »
|
