今日~係教會不知幾開心啊!唔好講係教會,返教會之前都已經好開心啦!今
日8點起身,又搞完一輪野,要由大埔返上水,所以就要8點30分出門口,搭左30分鐘ge
巴士加火車後就到左上水,係火車到,用電話send左個信息俾胡生,叫佢係ok便利店
等我,跟住,佢又話<點解呀!>咁我咪話<冇解,唔等就算!>我個陣,幾驚佢真係唔等,
好釆~佢都send返個信息返黎話等ja,嚇死我啊~我睇個信息個陣不知幾驚佢話唔等
呀!同佢玩完信息之後,我繼續聽mp3,聽下聽下就到左上水啦,到左上水火車站,個陣
時好似9點幾,我咪用最快ge速度行去ok!因為我地平時都係9點係個到等緊!點知,佢
都未黎到!-.-''我咪打俾佢囉,佢仲係屋企出緊黎,叫我等多10分鐘,算!咁我咪等多
佢10分鐘囉!但係佢都仲未黎...唉~都唔知佢有冇搞錯~最後,我等左佢20分鐘後,佢
先黎~頂佢唔順!等佢個陣時,梁皓然打俾我,問我係邊,我咪話等緊胡囉!等完胡俾電
話你啦!所以我地就打俾梁!佢話佢係M記,叫我地去搵佢,跟住,去到M記,又唔見佢,又
打俾佢~佢話:<我係M記呀!但係都冇人,返教會先啦!>妖~玩乜撚野呀!又叫我地去M記,
又叫我地返教會,仆街啦~玩我地!未死過呀~我地行行下~行左冇耐,佢又打俾胡生,叫
我地行返M記,頂個佢肺咩!唉~搞到我地出哂汗!咁ge天時,要我地行黎行去,唔出汗就
奇囉~仲有,我仲要追呀胡生,佢都唔知係唔係人黎嫁,由教會跑到去釆園果間酒樓先停
下,休息一下,我見佢停左,就'積'卡'飛過去,捉住佢,唔俾佢跑!嘩~我追佢追到熱死!
好慘啊~~我地到左m記,我次次同人係m記食早餐都係2份食,因為我次次都食唔哂!所以
我唔唸住叫一個餐食,我叫左杯熱野飲,胡生就叫左杯零荼同一個包!呵呵~去到個陣,
胡生坐我對面,好鬼死開心啊!!
嗯...乜我寫左咁多都係講返教會ge野咋,咁寫住咁多返教會ge野先啦,如果
再寫就會冇位嫁啦,咁我地食完m記,就行返教會,一返到教會就見到黃xx係到玩緊足球
機,我本身想去沙發到坐,但係沙發好近足球機,所以都唔坐lu~過左一陣,我地要開始,
我地就好似平時咁合班,唱詩歌,但係今次就特別d,冇位坐,要坐地下,我坐ge野就梗係
又好好啦,我右手邊就係我個fd,左手邊就係胡生,哈哈~仲唔係好位一個!跟住我地教
會黎左一家人,2姐妹加一個細佬,果大家姐好似黃淑盈嫁,雖然個樣唔似,但係外型同
動作都好似,所以我叫佢黃淑盈2世!^^呀胡生都話佢似呀~證明我冇講大話啦!佢遲左
讀書,所以就同佢呀妹同年,ja係又同我同年,升中一,佢地2姐妹都派左入陳融,勁啦~
我覺得佢地份人都冇乜點,又唔扮野,所以就主動走埋去,同佢地講:你好!跟住個死人
胡生就扮我!車~我咁好人咪由佢扮囉!我坐左黃淑盈2世旁邊,同佢傾計好好笑嫁,我同
黃淑盈2世傾計係唔講人名,講色,但係大家唔好誤會,色唔係黃色思想果個色!我地講
係講佢地穿咩色3當佢地個名!咁個時~胡生同黃xx都一樣係穿黑色3,咁我就唸到高同矮
之分,所以就用高黑同矮黑,咁肥然就穿綠色3,就俾我改左綠色3果個,hahaha...笑死!
我仲記得,我問胡生d野,問佢:<楊卓文有冇叫你幫佢裝彩虹online?>跟住俾黃xx聽到,
佢話我咩呀,都唔知佢up乜,好似係到話:<咩彩虹online,咩out,咩遲!>我咪罵佢囉,我
話:<我都唔會online game,我講緊果個係我個fd!>我講完之後,就同我個fd講野,冇同
胡生講野,因為我廢是有人係到搭訕!我最憎d人係我同人講緊野個陣偷聽同搭訕!煩到
死~今次講道(講耶穌d故仔)ge又係姓朱果位,上堂,佢俾我地玩死!呵呵~我唔係好like
佢講道~因為佢成日罵人,唔俾人傾計!但係今次,佢好似隻眼開隻眼閉咁!罵左我地一次
咋,可能佢見多左d新人,要扮好人咁話,我地理得佢罵唔罵,我地都係到玩同傾計嫁啦!
理得佢死!上上下堂,黃xx本身坐我旁邊ge旁邊,好近我,好慘呀,肥然就坐黃xx旁邊,胡
生就坐坐肥然旁邊(我ge對面),我成日都唔聽果個人講道,係到搞我d頭髮,呀黃xx見到,
又唔知同邊個講:<嘩~睇下佢啦,佢d頭髮幾樣衰!>唉~煩到嘔奶!我咪當聽唔到,繼續搞
到d頭髮,正到我d頭髮靚'維'志!跟住唔知咩事,黃xx坐左去胡生旁邊,胡生又坐左中間,
肥然就坐左我旁邊ge旁邊(黃xx之前坐果個位),過多左一陣,胡生又同左肥然換位,我一
見到就不知幾開心呀!跟住唔知做咩事,我個fd又坐左我個位,我咪坐佢個位(ja係胡生
旁邊)!==''我同佢係到勁傾計同勁玩!開心死我~跟住黃淑盈2世同佢呀妹就問我:<我
係唔係中意高黑?高黑係唔係中意你?>我個陣係到偷笑,因為我真係我都想高黑中意我!
但係我答左~我中意果個唔係佢,佢中意果個唔係我!但係黃淑盈2世同佢呀妹都唔信,佢
呀妹仲話我地咁恩愛,一定係啦!我心唸~如果係就好囉!講到e到算啦~因為仲有太多野
講啦,講都講唔哂!總之,今日超級超級勁勁勁開心!!!~~~~~~~~~~~~ |
2005 年 7 月 19 日 星期二
