承諾三之唔準亂諗野

之前個兩個都做得唔做咁好tim..../.\

尋晚全程我都係度手震....真係唔知搞咩..= =

瑩瑩....已經付出左好多......我仲係度傻下傻下亂諗野....

不過.....真的真的真的應承你.....唔會唔會唔會再咁樣啊我

如果連呢d事都挨唔過....上天仲有更加多既考驗...怎樣去接受

你話之後會更加忙...我就更加地支持你...my love..瑩瑩

而家其實我係度爭扎返唔返工好.....左手真係好痛...

可能受傷五週年就會去睇一睇了..ha

返工...睇黎又會遲到= =

今日返工....行上山個陣無啦啦落大雨......唉...成個人都濕曬/.\

今朝仲要好失魂啊....整爆左幾唔知幾多公升既水....係咁抺水...抺到手都軟埋...氣死了

之後lunch索性叫外賣....外賣....個幾鐘先送到黎...激死啊...= =""

之後杯milk tea....有d黑色細細粒粒既野...飲左一半先知...黑鬼人憎...呢杯一定唔係我既奶茶!!!!!!!

今天....不斷克制著.....很不習慣.......

之後就收工之前..瑩瑩send左個sms我....

過多一陣....打左電話比我...我知你係唔想我唔開心...我明白的...

雖然只有一分鐘三秒....但我好滿足了......謝謝你啊傻瑩瑩....害你多花了兩分鐘

我尋晚都係悔氣說話啦....我真係唔想你再爆多d分鐘....

之後放左工...去左影樣衰的花...@@可惜呢部電腦upload唔到啊....

之後去左一個地方靜靜地坐....果然仍是一個很舒服的地方

今日唔記得影相...下次影下....我都想搬係呢頭or類似的地方啊

返到家...食左少少野..就合左陣...

本身決定左聽日射波...最後決定返...不過會遲一個鐘先返..

我怕隻左手會頂唔順....聽晚又要練拳.....

整個左邊= ="""奇怪的人...傷得好唔對稱@@

要變得好強

我有目標...我要拎來年的大專杯冠軍..我要拎全港黑帶冠軍!!!!!我要你的支持^^

瑩瑩....希望你一返到去真係聽我講..睇我日記....

見到你好似心情好返d...我都安心點...!!

有人問我....你會唔會真係放得佢太高啊....

我就答佢.....我係愛佢多過自己啊.....我諗咩都係係佢個個角度諗....我沒有錯..我亦覺得無問題啊

前排..可能我既想法太自私....而忽略左佢既感受...

我個腦...我想法...同三年前好似無咩變過.....一d都無成長過

仍然都係以鐘意既人放到最高...

我知道大家既諗法係有分別......大家要既野都唔同....

我係好想我諗咩野....你都可以聽我的說話...但你並唔係一個機器人啊...

唔係我想點...我落個order...就可以想點就點...我希望我可以好好明白呢一點...

我可能的確太依賴一個人...我放曬所有心思心機落去...

但係....麻目既感情...令我睇唔到一樣野....

就係你有朋友....有家人....就好似花語咁...重要既人係需要去陪的..甚至要有大量空間....

但我卻好大男人.....卻好自私.....

完全忽略左我所睇唔到既野

好多時...我都係度諗...究竟...我係你邊個.....朋友?網友?定係......

但.....當我好理智....我會答自己....唔重要丫....你開心咪得lor....

如果唔理智既時候.....就開始諗好多...有的無的東西

甚至次次唔理智時都會諗既一個問題.....如果唔約會.....只不過係一場網上既(戀愛)....

如果係鐘意...點解會驚呢...這就是我唔了解你的一d地方

或者你睇到呢度會係度諗....唉啊....又亂諗野啦...又講悔氣說話啦....

但係呢度只係我傾訴既一個地方....令我唔再亂諗既一個方法....我知我一口氣打曬出黎我就會無事...

但....我想你知道我係度諗緊咩.....唔知你想唔想知呢......但我想知你諗咩丫..//可能你唔開心既野唔想話我知..我唔開心既野你都唔會想知

haha......

瑩瑩當睇完一個故事就行了....唔好介意..又唔好嬲.....睇完就算就得了...因為當你睇完....我已經變返超正面....可靠...哄你開心既蟲蟲

老細今日唔返...應該會係一個好清閒既一天...@@

初步估計...可以懶到11點~haha

今朝鬧鐘7點15分響...但係我係咁5分鐘咁較晏d...最後...7點半先起身...

遲左出門口啊....跟住外面天黑黑又有微微雨....

放工唔好落雨啊/.\不要落湯雞

不知是否我的錯覺.....有些說話你可能已經聽得多...也聽得厭....總是輕輕的帶過或不理會~也許...這些說話..已經有聲勝無聲了吧??

天天天笑笑笑@@! I am being a positive thinking person....never unhappy again.....i want ...you too

Mutlu Yingying, Happy Yingying, гЧзみYingying, Yingying Feliz, �M�m�U�g�aі�W�q Yingying,

Boldog Yingying, खुश Yingying, مبارک ہو Yingying, Feliz Yingying, Feliç Yingying,

Sretan Yingying, שמח Yingying, Շնորհավոր Yingying, مبارک Yingyin, Bonne Yingying,

Yingying onnellinen, �L�Z�g�h�^�h Yingying, �F�m�U�g�h�a�^�W�q�_ Yingying, Kontan Yingying,

�N�U�g�a�^�W�^�_ Yingying, �F�f�Zќ�Z�c Yingying, ბედნიერი Yingying, �F�f�Zћ�U�c ⑽�^�c�X�^�^�c�X,

מזל טוב יינגיינג, Glad Yingying, Felice Yingying, Glücklich Yingying, 해피 Yingying

而家一得閒無野做就開黎打D野...HAHA!無聊鬼啦@@

今日去左順利汁倉....

今日軟手軟腳咁..拎野都無曬力..

又再一次做吸塵機....氣管也差了

d野又重....係咁夾到手...

朋友問我有無事..我往往都係答佢無事...

雖然好累好累....但係都要keep住返......原因...只有我明白

尋日整天都神經質.....佘偉豪啊佘偉豪....你發生咩事啊......

辛苦既型型....千萬唔好變返以前咁...你想笑就笑..唔想笑..唔好迫自己笑....唔開心...笑住唔想人擔心....但係....更加擔心

而家既型型唔係我識個位....以前啊....好樂觀...好易笑...未見過一連唔開心4日...

我唔會迫你講...有朝一日你想講既時候....我都會靜靜地咁聽你講曬

我一定會支持你!!!嘗試去哄下你...令到你笑返...我相信我一定等到你返黎個一日

一月十六日...屬於佢既花

生日花：一月十六日
生日花：紅色野蕁麻花（Red dead nettle）
花語：獻身（Devotion）
紅色野蕁麻花一到開花期，那紅紅的小花總是吸引成群的蜜蜂來採花。同時本身又是珍貴的藥材，由於具備了多重功能，因此它的花語就是－獻身。 凡是受到這種花祝福而生的人，非常重視家人與朋友，而且受到大家喜愛。不過有時看起來太八面玲瓏，倒像個大眾情人。所以對重要的人要多花點時間陪伴才對。

言而...我認為更加合適佢既花係

七月六日
生日花：（Smooth Hawk's-beard）
花語：喜樂（Joy）
黃鵪菜和蒲公英極為類似，尤其是花朵簡直像得叫人無法分辨。果實覆有一層白色柔軟的絨毛，就像降落傘般在微風中起舞，好像很快樂悠閒的樣子。因此它的花語就是－喜樂。凡是受到這種花祝福而生的人，總希望自己的一生輕輕鬆鬆，沒有負擔。

雖然個名唔係咁好聽..但係個樣同蒲公英一樣..都好令

每一次你唔開心既時候...我都係幫唔到手....

除左心入面支持你...我唯一可以做既野...搵d野去令到你笑....

我並唔係一個好有心思既人....但希望我既努力會令你笑

☉智力測驗機☉

某廠生產了一種智商測試器，獻給某知名廠商

秘書要試一試，把腦袋往裡面一伸，

機器說「智商85 」，秘書很高興，

機器說「智商90」，副總也很高興，

總經理見大家這麼高興致，也去試一試。

腦袋往裡面一伸，機器說

「儀器珍貴，請大家小心使用，---------請不要往裡面放石頭」

上次事件發生後，廠家急忙升級，很快推出了2.0版本，

於是，秘書再來一試，

機器說「智商90」，秘書大喜「長了5分」，

副總來一試，機器說「智商95」，副總也大喜。

總經理一看，心想這次應該沒問題了，也來一試，

機器半天不說話，

最後終於說：「----------- 這塊石頭好面熟」。

連續兩次讓中央領導出醜，

廠家立刻高薪聘請專家，進行第三次升級，

經過N位專家努力，終於推出了3.0版，

於是，秘書又來一試，機器說「智商95」，

秘書大喜「這次測得準」，

副總來一試，機器說「智商100」，

副總也大喜，也說「現在才測得準」。

大家都叫總經理來試一試，這回總經理學乖了，

先叫人往裡面放一塊石頭看機器的反應

只見機器立刻打出5個大字 ......



歡 迎 總 經 理~^^