|
|
| 08年年中報告 |
轉眼又到七月中, 暑假同埋TVB 兒童節又開始, 我又潛返上黎.
過去半年, 都仲係忙, 似乎退休前都好難唔忙.
老孩子兒歌網的重建全無進展, 只係間中更正吓資料, 改吓別字等.
呢個Blog 亦無寫過.
最勤力的係年頭時喺Yahoo知識度答網友問題, 因為可以重拾當年幫網友搵歌曲歌詞資料, 解答問題等的樂趣, 又有得升級好似打RPG咁, 所以玩得好投入. 可惜好境不常, 自從某冤鬼又開始玩, 又黎阻左晒, 不斷檢舉我. 跟住, Yahoo 知識的管理員就開始亂黎, 真係懷疑佢地係咪佢的盟友. 唔俾提供歌曲檔案都算喇, 但連貼歌詞都話侵犯版權, 或者介紹網友去圖書館借碟黎聽又話唔得, 真係無晒癮, 所以而家已經無再玩.
講開呢個冤鬼又要講: 本來有個論壇我同佢都經常去, 我仲會出下文, 咁自然又成日同佢 "辯論" (即係又塞錢入佢袋啦). 估唔到佢居然做到版主, 唉......唯有祝壇主好運. 而我就無再去o個度出文, 免煩.
呢半年都有去Youtube 尋寶, 或者收到網友傳黎的連結, 多謝晒.
|
| 刊登時間︰2008-07-20 12:54 PM [ 編輯日誌 ] [ 分享至FACEBOOK ] |
|
