<宣傳>

感覺上今年的宣傳比往年少, 黎得急.
亦有可能係我out 左.

現場見到的poster, 同往年差唔多,
但之前在兒快或者新城網站都唔覺眼.

<獎項>

唔明o個個大中華兒童合唱團因乜欏獎,
喜羊羊o個個動畫獎亦好奇怪, 
唔知係咪我聽漏, 聽錯野.

我都係等埋<兒快>登左得獎結果, 
我先至再放上網, 因為我都亂亂地,
以免誤導大家.

<現場感想>

最正o個part, 當然係胡渭康同蔣慶龍出現,

胡渭康唱左首本名曲"黃金戰士",
真係百聽不厭, 我當然有跟住唱啦,
佢好似留意到我添, 望住我幾秒, 好似同我合唱咁 
(自作多情,哈哈)

蔣慶龍只係清唱幾句"共享陽光" 真係可惜,
應該唱晒成首啦!
無理由胡渭康有得唱成首, 蔣慶龍無得唱成首,
而且"共享陽光"的知名度, 一定高過"黃金戰士"

最後唱"忍著淚說goodbye", 雖然係正,
但o係兒歌頒獎禮出現就怪怪地.

---------------

應該所有歌手都唱live,
最難忘係鄭榕,
雖然佢已經先聲明首歌難唱,
又用埋貓紙, 但都係令人失望.

另外, 三項鐵人同埋時光之光,
唔知係咪因為自己本身鐘意呢兩首啦,
現場聽覺得特別正, 又或者係合唱的化學作用.

講開合唱, 飛越童年, 李紫昕同Andox/黑仔 合唱但唔同歌詞的部份時,
李紫昕若果可以細聲返少少就d, 
現場時只係聽到Andox/黑仔有聲, 但就算留心都聽唔到佢地唱乜.