今年度我一直無乜留意兒歌,都無聽晒所有候選歌,
兼且部份候選歌手亦唔認識, 甚至得獎的陳靖琳,沈穎婷係乜人,到而家我都未知,
所以對得獎名單唔可以有全面的評價.

流行歌手,當紅藝員欏十大,加埋hit動畫主題曲都係預算之內.
《白雪天使》就全無認識.
若說意外的話, <龍王傳說> 我估是無十大,
反而<布娃娃>我就睇好有十大. 亦以為李紫昕會欏曲或詞獎,點知欏左爹媽獎,
本來以為呢個獎實係《媽咪點解點解》.

唐韋琪欏作曲獎唔算意外,但就好古怪,因為其實呢首歌係舊曲新詞,
原本係零三年的兒歌<大家跟住唱>, 當年亦有作曲獎,得獎歌係<親心未變>.
若以A>B 及 B>C, 則A>C 的原則,
咁<親心未變>都好勁,除左打低零三年的候選歌,仲打低埋零六年全部候選歌,包括《健康跟住我》.

若說金曲金獎係最受小朋友歡迎的兒歌, 咁由《KERORO軍曹》欏就實至名歸,唔計卡通勁HIT, 只睇當《KERORO軍曹》欏十大時, 現場反應明顯較其餘九首熱烈.

當然,無出席就無獎照舊發生,古巨基繼零零年又再因缺席而無獎.

今年終於由多年的金銀銅獎,反樸歸真, 變返只有金獎,好事.
十首歌仲要分要金銀铜的話,不如變埋索性好似叱咜咁分埋一至十名算數.
但直到節目開始前, 我都以為今年仲會有金銀銅獎,
不過我無睇兒童節目, 所以唔清楚無線點樣宣傳. 唔知係臨時決定, 定係早有安排.
(不過我見兒動站站長估得獎名單都有銀銅)