今日本身要1點鐘先去掃墓 但係由於冇乜野好做 就落左去搵我阿嫲去茶餐廳飲coffee 之後打比佢手機 打比佢十次十一次都唔會有人聽! 我估以為佢去左添 點知打去佢屋企就叫我快d去添 搞到我通街走~ 之後飲完coffee就去買花買紙札用品 之後紙札用品其中有對紙鞋! 忽然心血來潮 同我阿嫲開玩笑 同佢講 對鞋都唔岩著 我著42號 佢話:簡係啦 你隻腳咁大 之後佢望過黎見我拎住隻紙鞋準備著落去 佢話又著得幾靚wo 玩完之後就睇j2的殘酷一叮 重睇個細路女上台唱夜上海 我阿嫲一聽到由廚房一路唱一路跳舞跳到客廳 之後又有人唱哥哥的monica 佢又一齊唱 見到佢玩得咁開心 我都同佢玩埋一份 一路跳一路唱 之後我d姑媽姑姐岩岩好入黎見到我地載歌載舞 嚇親佢地 人齊之後就去拜我老豆的老豆(忽然唔記得左個"椰"字點打) 通常拜山就次次都唔出聲 我細佬今次都唔出聲 佢平時都唔出聲 好似出聲要用九牛二虎之力咁 之後問佢就只得三個反應 哦 嗯 係呀 懶係長門有希咁! 拜完阿"椰"又拜我阿太(即係我的老豆的阿媽的阿媽) 阿太之前都好好人 只係我地想去黑鬼山到玩就話有"丫烏"黎捉你 我仲未證實乜野叫丫烏 曾幾何時我估以為係烏鴉 不過我同阿太只係相處五年到 雖然係咁短 但係同佢一齊的記憶好似係前年的事 (迷之聲:拉到咁遠 做乜鬼呀!) 拜曬之後 仲可以打多幾圈麻將 今次就鋪鋪爆棚人地就鋪鋪自模! 可怒矣!!