今日chem助教代堂 之後冇啦啦校長入左黎chem lab巡
成班靜哂
初頭覺得有d煩 入左黎我地咩都5做得
之後我地就好乖咁樣做cw 點知做到第2題已經5識
根住就問校長啦 佢答得好清楚 一講完之後明哂
我而家真係好想好想好想校長教chem呀

放左學之後去左lib 同君 媛佢地睇書
本書係講d健力氐世界紀錄
見到有個係講一個人用眼勾住嫁車行 幅相勁核突
d紅筋睇到哂

今日上ls堂勁開心
金係咁講笑話 再加埋佢d語氣 笑到我地
第一個笑話係:
有一日 hello kitty 個男朋友daniel塊面有個交叉
之後hello kitty打左daniel一巴 知5知點解??

答案:因為hello kitty以為miffy錫左佢男朋友一啖

第2個係:
有一個阿爸就叫李港先 個阿媽就叫 吳港住 個仔就叫李笨
有一日 佢地一家人去左海洋公園玩啦 根住個仔5見左wor
於是佢地去左警署報案 之後個警察就想做番d紀錄啦

警察:先生 你叫咩名?
阿爸:李港先
警察:咁好啦~ 小姐 你又叫咩名呀?
阿媽:吳港住
警察:你地2個想點嫁 問你地又5講
阿爸+媽:搵李笨

由於今日ge笑話太多 不能盡錄 敬請見諒

之後週會 盧sir領詩呀 佢d震音好勁呢
個牧師仲好似黃校長
 

放左學去家政小組 今次整蜂蜜蛋糕
由於要等佢焗ge關係 我地就去左扭蛋
5好講出去呀 伍太話可以周圍走 不過要係學校範圍 
我地扭左個wasabi個d
佢同之前隻捐血鎖匙扣差5多玩法
不過番到屋企已經俾我玩爛左



 

今日冇啦啦有個鬼妹add左我msn
根住佢話想know each other better
想同我exchange phone no.
li個時候我d通識就大派用場喇
經過左我ge critical thinking
我好醒目咁樣冇俾到佢
之後佢仲冇啦啦叫我babe
根住我好聰明咁樣block左佢



經過左今日 我覺得通識真係好有用
但同時 我覺得自己d英文好屎

 

終於放假喇 聽日又可以訓晏d
番左三日學 但都好似番左成個禮拜咁~
li兩日個早會真係好鬼正 做咩冇啦啦要用英文呢
琴日個週會仲正 初頭聽首詩歌仲以為今次週會係講香港發展史
點知係校長的話
放左學去家政小組 
第一組就抽中我地喇 so lucky
之後番屋企就做ls project 之前冇咩點昱過
但係都只係做到12點幾咋 巧叻叻呢 
今日econ堂好悶 聽5明志豪講咩
連我隔離個top ten都5係好明
chem堂要燒Mg 不過魚個組燒左勁耐都燒5著
之後大師--我地ge阿賴出手喇 點知佢都失敗左
根住講左句 你li舊係咪magnesium黎 之後走左-.-




 

今日同墨魚去左商務買bio mc
見到司徒偉峰
買完之後就一齊番教會
今次週會叫"沙春大吉" 因為我地係微沙團ma
之後玩估歌仔 笑到扒左係到
分組個陣仲正 joey同阿雞係到分享佢地d感情史
joey果然係廿四孝男朋友呀
為左女朋友生日專登向tobi學整蛋糕 羨慕死人喇
根住joey又話之前去接女朋友放工 因為佢要擺年宵啦
之後我地問佢女朋友賣咩 佢話 冇呀 佢新法(書院)d野姐
不過我地以為係生髮 之後講左句 5怪之得你d頭髮咁隆密啦
不過今日金金 卓君 fanny都冇番