依家既青少年真係越來越大膽...
簡直係無法無天!!!
同時頭腦亦變得聰明...
學生可以係身上藏左香煙
藏到老師搜身都搜唔到!!!
星期五果日...(21-12-2007)
我地學校舉辦聖誕聯歡會...
聖誕聯歡會過會就有個大食會
每一班都會準備好多食物係班房度食
而老師就會一邊去「巡邏」一邊去漆食!!
好多老師都來我地班度食野!!
(連訓導主任都有)
我地班就整左好多食物
(仲準備左一支紅酒)
但無一個老師知道...
因為紅酒果隻顏色同可樂差唔多
因此佢地便以紅酒扮可樂!!!
結果有同學飲到成臉紅紅...
到左臨走之前
我地個班主任先知道我地有古怪
但都無理我地!!! 

http://www.xanga.com/oooguo

http://diary.php.hk/?id=oooken


命運因我而改寫...世界由我話事!!!
(真係好大膽...唔知死)
為左我的將來...
為左我的幸福...
為左我的理想...
要讀好書...(為求穩到好工)
要忘記拍拖...(不要沉迷幻境)
要放棄玩電腦...(保護靈活雙眼)
要有成果就必須付出代價>>>
對自己一定要有信心
對做野一定要有野心
寫完呢篇日記之後都唔知幾時先會再寫
言而必行...(我EQ係非常高,一定得)
我已經換左新電話號碼啦
不過舊電話號碼仍然可以打得通
新號碼(64833155)
再見啦...各位!!!

人衰無運行...
有運都係行衰運...
慘慘慘慘慘慘慘慘慘慘
真係禍不單行~
十日一大病
五日一小病
日日有心病
呢幾日真係無一日係覺得好
前幾日就發燒...
成日都係想嘔...(有嘔過野)
好左之後就感冒!
不過都算幾好彩
我之前d感冒藥都未食完
而食左兩片就好返
跟住就係隻腳生左雞眼(幾個月前就有啦)
但就開始發痛...
因此就問人點處理...
買左雞眼貼來貼+_+(好痛~好麻煩)
而琴日下晝就係屋企幫自己做手術
用刀仔割除左個粒雞眼
搞到差唔多血流成河...(痛到入心入肺)
而琴晚就仲慘...
搞肚痛...(肚疴)
由十一點就開始肚痛
之後就不停去廁所(唔知去左幾次)
不停不停咁去...
去到最後一次就無啦啦
同子艷send左幾條信息
去完左廁所之後就企左係窗口睇下風景
窗口一望落去就可以睇到一個小巴站
果個小巴站就係子艷常常乘搭
突然間我個腦就浮現左好多畫面
係我開始識佢時既開心事情
唉...(依家無啦)
之後就去左訓教啦!!!
一訓就訓到今日十一點幾先起身
依家無得出去玩啦
隻腳行唔到路啦

今日係運動會啦
都係今年最後要返學既一日
真係好開心又好唔開心
今日發生左好多什事啊
唉......

事件一
我冇啦啦就俾負責
prefect既miss叫左去當值
佢同我講唔夠人手幫忙哦
叫左我同我個fd去左守廁所門口
係運動場看台上既男廁
佢叫到既係唔可以話唔得啦
唔係就會被炒既啦
跟住去左囉
點知係同果個好睇佢唔順眼既
何副校一齊睇哦...
一開始係唔好舒服
佢好多野講哦!!!
跟住就傾下傾下就覺得佢都幾得意哦
我地守左一個鐘左又啦
佢就問我地食左野未哦
跟住就話要請我地食野哦
佢攞左$70出黎俾我地買野哦
何副校自己--熱咖啡一杯  $8
我--樽裝可樂一支+雞髀一隻  $8+$10
我個fd--腿強治人份+利賨納一包  $10+$5
我地用左果個何副校$33
之後就一邊食野一邊傾解一邊玩
根本就唔似做緊野
好有趣啊
佢話咁樣先好哦
要娛樂自己既工作先會開心哦
仲教左我地好多課堂上冇教過既野
我仲同佢講我要參加上大陸果個活動
去廣西一d山區地方(免費)
果個活動係佢負責既
守到食飯就走人(十二點)

事件二
我發覺我依家越來越勁
以我一條三寸不爛之舌
背叛住良心
咩野都講得出
逢係女仔行近我就死得
簡直就係一個大無賴
食完飯之後
我就無意之中俾我見到一個女仔
我同佢係三唔識七既!!!
我覺得佢係可以做到我既model
果個女仔同緊miss陸係度傾解
根住我就行左過去同miss陸傾左幾句
了解下果個女仔既背景先
過左一陣之後
我就好大膽既去同果個女仔傾解
開始我係問佢隔離果個女仔
講:坐係你隔離呢個好仔叫咩名啊?
果個女仔講:我點解要話你知啊!
我再講:唔講咪唔講囉!
         我自己問佢仲好啦!
跟住我就對住個女仔講啦
我:你叫咩名啊?
佢:有咩野事啊?
我:緊係有事啦!仲係好大件事!!
跟住我就坐左係佢隔離...
佢:咁係咩野事啊?
我:緊係有野要你幫忙啦!
    你有無聽過時裝設計呢科啊
    我依正需要人做我既model
佢:你想我做你既model?
我:係!好聰明哦!
佢:我覺得我幫唔到你哦
我:唔係哦
    我覺得你係一定可以做model!!
    我係唔會睇錯既!
    你知唔知我點解到依家仲找唔到model?
    就係我眼光高,要求多,仲有好設計果D衫
    一定要有你呢種身材先不以著...
    我覺得你高又夠高,話肥唔肥
    話瘦唔瘦,個樣都幾靚.
    簡直係一個非常好的model
佢:但我咩野都唔識既哦
我:唔緊要!有好就得啦
    我係咩野都識既
    我可以教你既
佢:咁我考慮下啦
我:OK!你慢慢考慮啦
    呢個係我既連絡方法
    你考慮完就話我知啦
    做咩野都係有第一次既啦
    你可以夜膽去嚐試下啦
    我要走啦! 88!!!

事件三
我係呢個陸運會上
我又溝到一個女仔...
我一開始就聽人講
話呢個女仔好恐怖
冇人鐘意同佢玩
跟住我咪過去同果個女仔傾下解囉
佢係中一級既哦
個樣都幾靚下
不過就係好似有D自閉咁...
不過由呢兩日同佢傾解
我覺得佢好左好多啦
佢係我地果個社既啦啦隊舞蹈組既
佢就成日問我有冇睇到佢跳
跳得好唔好啊
我都唔知點答佢好
所以咪話非常好
有一次我係坐左係佢後面
佢件啦啦隊既衫就好透明
而我冇意之間就俾我
睇到D唔應該睇既野
佢件bust松左個扣
之好就問我個fd要唔要同佢講啊
跟住我個fd就話你唔怕俾人打啊
之後就同我個fd考慮左一陣
結果我都係同佢講左
跟住佢就好緊張
之後就去左廁所整返
佢返左來果陣仲對住我微笑左一下
望左我一眼
好似佢係想多謝我咁
放左學我就同佢一齊行
一邊行一邊傾
     完

阿媽返左大陸啦....
屋企就係我話事啦!!!
不過咩野都係要自己做啦~~~
真係又開心又慘啊 >.<
點算好啊>>>>>>
今日我一早就起身玩電腦
由早玩到夜...
不過就要自己煮野食哦
好彩我都係有學過小小...
今日我煮左三道菜>>>
真係好好味啊!!!
不過就腰酸背痛......

阿媽返左大陸啦
我自由啦
冇人管住我啦!!
好開心啊

食神....
 

李月x/李y嬋   既重慶森林

唔知邊個<成個金魚佬咁樣>

羅健文好靚仔
 


做阿哥做左耐＞＞＞＞＞
我終於感受到做阿哥真係慘！
但我都同時覺得好開心！！
第一次擔任大事......
果種成功感真係好滿足!!!
今日一早就俾阿妹叫起身.
八點半就醒左...
跟住就食左d野
之後就出左門口...
係彩虹村行路去左新蒲岗
找一間叫可立中學
要去幫我阿妹同佢個同學
交份中一自行派位申請表
係度搞左好耐......
跟住就搭10號巴士去左
九龍唐牛津道......
去左找一間叫銀禧中學
銀禧中學係一間英文中學
好鬼衰啊...!!!
搞左極耐啊!!
最好笑就係找校務處......
我一入學校就見到兩個領袖生
係度幫學校派單張...
我就行去問佢
我講:唔該!我想問要交...
(我都未講完)
佢就講:上去二樓!!
之後我就勾曬頭
(心想:你知道我想要做咩野啊
去二樓做咩野啊)
之後我都係聽佢講啦
但我又唔知樓梯係邊哦
行行下就行到籃球場
跟住就見到有條樓梯
我就行左上去啦...
到左二樓啦
我見到一張A4貼係�棓�
上面寫住好多英文
仲有三個中文字(校務處)
同一個指住左手邊既箭咀
(哦!校務處就係二樓)
之後我就跟住行啦
見到有好多人坐住係條走廊度
我就找個人問下囉
(一個好似我咁大既男仔)
我:你地坐係度係做咩野既啊?
個男仔:中五咩咩面試啊
跟住就有一個靚好行左過黎
佢係一個領袖生
佢好溫柔咁講:有咩野可以幫到你啊?
我:我...我想去校務處啊!
佢:哦,校務處係果邊啊!
(佢指住樓梯口果個位)
跟住我就行左過去啦
我見左個門(好細好細)
入面就係放住幾張台
咩野都冇(連人都冇)
果個就係校務處啦
但我就覺得好似係教員室
之後就行過左啦(冇理到)
行到樓梯口時!!!
果個女仔就走左過啦
佢:唔好意思啊,校務處就係呢度啊!
(佢指住果個門)
我答:哼!呢個就係校務處啊?真係睇唔出!
佢:係啊!你入去就得既啦!
我入左去之後就講
我:唔該!有冇人啊?
跟住就有個職員係
張台下面彈左出黎
嚇左我一跳!!!
之後就有電話響.....
職員:唔好意思啊!得我聽左個電話先!
我:ok!!!
係我出左校務處要走果時>>
我望左個女仔一眼
果女仔都望左我一眼...
跟住我就走啦....
落去左籃球場度
我係下面又望左上黎...
就見到佢趴住係走廊攔杆度
跟住我就行左去睇d壁報啦....
睇完就走人啦.....
<0完0>

好耐冇打日記啦!!!!
依家都好似冇咩心情打~~
我個心就好似俾人偷左一樣!
成日都係好掛住佢(一個女仔)!!!
同佢都好耐冇聯絡啦!!!
尋日去左個好朋友去行左成日街^_^
仲去左「優之良品」買左好多朱古力!
係佢送俾我既.....
真係極之好味!!!
我都唔捨得食@_@
"="好多謝!!!"="

20條問題條件勁
三支PEN:你係一個點樣既人?
小二哥:一個比較傳統既男仔,冇咩野特別>_<

三支PEN:你今年幾歲?
小二哥:比舊年多一歲.

三支PEN:你今年讀中幾?
小二哥:下年會考啦.

三支PEN:你依家有幾高?
小二哥:細細粒,有一米六四

三支PEN:你係屋企排行第幾?
小二哥:第三,有兩個家姐同一個阿妹.

三支PEN:你有咩興趣?
小二哥:打羽毛球,做運動,玩電腦寫小說,畫圖.

三支PEN:你有咩夢想啊?
小二哥:暫時未有.努力尋找緊.

三支PEN:你有冇女朋友?
小二哥:冇.可以肯定既話冇.

三支PEN:你第一次同女仔kiss係咩時候?
小二哥:今年既十月頭>.<

三支PEN:你覺得自己靚唔靚仔啊?
小二哥:唔靚仔,不過都唔算好樣衰!

三支PEN:你最鐘意聽咩歌?
小二哥:依家就係陳奕迅既裙下之臣.

三支PEN:你最驚咩野?
小二哥:見到女仔喊(哭)會心軟既!

三支PEN:你最鐘意食咩野?
小二哥:零食,特別係朱古力.

三支PEN:你最唔鐘意食咩野?
小二哥:"軟飯">_<

三支PEN:你最鐘意你身邊邊一個朋友?
小二哥:可樂加冰(一個女仔既網名)

三支PEN:你最討厭你身邊邊一個朋友?
小二哥:可樂加冰(一個女仔既網名)

三支PEN:你最鐘意d點樣既女仔?
小二哥:唔高唔肥過我,唔好戴眼鏡,斯斯文文聽我話

三支PEN:你最討厭d點樣既女仔?
小二哥:成日講唔知啊,無所謂啦,識d不良男仔既女仔

三支PEN:你最希望女仔送咩野俾你?
小二哥:只要係有心,咩都鐘意!最好就方便帶在身上

三支PEN:你最唔希望女仔送咩野俾你?
小二哥:手錶,因為我唔鐘意帶手錶.

有情冇情都是情
有緣冇緣都是緣
愛
由一絲笑容開始
用一個吻來成長
以一滴淚為結束
愛一個人,愛得太耐,心會醉
恨一個人,恨得太耐,心會碎
等一個人,等得太耐,心會累
想一個人,想得太耐,心會痛
人生就好似一場夢
如果可能選擇既話
我會選擇與世隔絕
為左你,我不顧一切做出犠牲
為左你,我受盡了無數的痛苦
為何你會咁忍心對我
為何你仲係唔明白我
愛一個人是否有罪啊
愛一個人是否要咁樣

今日又係要打比賽啦(學界男子甲組羽毛球比賽).....
琴日我地一放學就去練波啦......
打到六點半先返屋企...
返到屋企就覺得成個人都散晒啦.
到左十一點幾先訓....
而我個拍擋就因為要去球會度打.
都係打到十一點幾先走.......
所以我d都係體力不佳!!!
不過今日個比賽都打得幾激烈哦.
特別係我打個一場!!!
一開始我地都係輸既.....
根本就冇心情再打既啦.
個心又有d緊張.....
直到5:12果陣時.
我地先鼓起精神.
攞出真正既力量.
之後就到我開波啦....
雖然我開d波都唔係幾靚
但對方都成日失波.
追到12平.
之後不斷轉發球權.
但結果就俾我地以15:12贏左.
但成隊就輸左.....
比賽結果------
第一場(單打)黃浩賓                     12:15輸左
第二場(雙打)郭俊強(本人)同陳子勤15:12贏左
第三場(單打)陳子勤                       9:15輸左
第四場(雙打)黃浩賓同李嘉樂           8:15輸左
第五場(單打)蘇耀袓                     13:15輸左
全場係以3:1輸左

今日就係我地要打學界羽毛球既日子啦........
真係有d緊張哦..........
我地上班主任節時,
我地就係學校坐的士去將軍澳體育館......
我地今次冇落錯車啦.....
一去到就去左換3....
跟住就去做熱身.....................
今日比賽個行情就係咁
第一場單打:(黃浩賓) 成績:13:15 輸左
第二場雙打:(我同陳子勤)成績:15:5 贏左
第三場單打:(陳子勤) 成績:15:7 贏左
第四場雙打:(黃浩賓同李嘉樂) 成績:7:15 輸左
第五場單打:(死人肥仔) 成績:8:15 輸左
不過第五場就好笑啦........
個死人仔d技術真係差,
個人又太肥啦
平時都肯定係少做運動
一開就就走到佢死下死下
打到中場個陣時...
佢完全係冇氣啦.......
打一球就要休息成幾分鐘....
一係笑死人啦.....
d老師仲驚佢會暈低哦......
但個一場有好重要哦.....
佢一輸就係全隊輸既啦.
所以佢一定要打完個場比賽.....
但結果都係輸左............
個場真係打左好耐啊!
唔係話佢識打波所以打得耐....
係因為佢成日要休息....
係佢拖延左好多時間............
唉.............
不過下個星期三仲有得打
下次要努力啦.........
加油..................................

好開心!?
可以話係/可以話唔係
我又要過返之前個d生活啦
(我都開始寫緊我既新小說)
開學左咁耐.......
我都唔知我自己做左d咩.......
就好似無左靈魂一樣
不過又今日都係清醒返啦!
我覺得今年d中一級學生都幾唔錯哦
我今年就去左1A班幫手派飯.
係果班我都識左幾個女仔
星期五個日都同佢地攞左QQ號碼同icq
今日都同佢地傾左一陣.
不過係我心目中.......
佢地都只不過係.......
一杯唔岩我胃口既茶.....
因為我係鐘意飲咖啡
茶只不過係用來洗手....
我已對呢個世界失去左了希望
對自己已無晒期望..........


有情冇情都是情......
有緣冇緣都是緣......

鐘意一個人真係慘
痛恨一個人便加慘

最心痛時.....(愛得太遲)


唉...........................

我呢幾日好迷惘啊,
都唔知自己做緊咩啊,
都唔知係岩定錯......
不過我都幾開心既.....
我終於都可以找返我自己啦!!!
漂忽的生活都幾開心啊.......

而家香港改哂制度，最差只係去到Band 3，已經唔同昔日有Band 5出現，朱石麟中學係九龍灣數一數二的劣勢學校，如果你要選校就要視乎返你的成績係點？

因為個度d學生完全唔係上堂，仲埋經常有打架事件，校務處d人又串，學校的老師有些真係好勁，但有差真係教得好差！

個度d學生出名係差劣的，所以唔好選呢間學校，對你前途無幫助！

如果你係小六報分試考得好好，你就可以選聖若瑟英文中學，入班的運作同人事都好好，會出到好的會考生，或者彩虹天主教英文中學亦都係好學校！

觀塘區「地利亞」好多賓仔，佢地成日都出黎蒲，仲成日扮哂串都係一間好差勁的中學，如果你係女仔可以選下梁式芝書院。

如果你能話到我知小六第三次報分試的成績，我可以教你選校，你應該差不多到選校日子，學校亦開始派發表格，最好先copy一份副本填寫好選邊間學校，先好寫落正本，因為你一寫錯正本唔可以用塗改液改，同埋學校係只有兩份多餘的空白表格，係唔可以亂咁比你，因為個份表已經有哂你的STRN編號、你的名、就讀小學和性別。萬一寫錯就未必比到份空白表格你。

如果想選合適你的學校，可以直接SEND MAIL給我，因為我在小學工作亦負責緊SSPA(升中派位)工作的成員。祝你找到好學校。