啱啱過佐最後的一個假期 係呢幾日ge假期入面
好無聊 諗番起都唔知做過d咩 本來諗住用黎温習ge
不過 梗係冇心機温咁 可能見個個都冇温ge關係啦
剩低ge呢個星期可以講係最後ga啦 都仲唔温ge就真係等死啦
我諗我都要温習啦 都係時候同本 greenbook 打下交道 我諗呢輪都係 "佢" 陪我訓ga啦
今日我聽到一句金句 就係 " 偷番黎ge野先會特別吃香 "
唔知你地係咪都係咁諗
點解要上堂偷食 唔通嗰幾個字唔食真係會餓死? 咁又點解平時係屋企煮好俾你都未必會食?
點解要出去偷情 唔通真係唔再鐘意本身嗰個? 咁又點解本身嗰個對你咁好你都唔滿足?
點解要縮埋一面偷偷地食番支煙 唔通真係特別好抽的? 咁又點解打機嗰時食一啖就放埋一邊等佢自己燒?
經過一番討論之後 得出ge結論就係 因為係偷番黎ge野先會好好珍惜
背住老師咁樣偷食唔係會更飽 而係會得到成功感
背住鐘意ge人去偷食唔係因為唔鐘意佢 而係因為出去偷食完之後會對佢更加好
縮埋一面偷偷地咁食煙唔係會更加爽 而係因為咁樣先會好好咁去享受每一根煙仔
以上都係經過討論而得出ge答案 啫係話唔只我一個係咁認為
有時候太容易得到ge我地真係唔識去珍惜 係要百般阻撓ge野我地先會去爭取同埋珍惜
可能係我地都有呢種鐘意挑戰ge心態啦 但往往 咁樣做通常都只會令我地失去更多
或者 KFC 個廣告講得啱啦
"青春 就係不妥協" 丫麻
等我試下叫我媽咪強制性咁唔俾我温習先 話唔定 咁樣做我先會好好地咁去温習
|
