今朝早睡得正甜的時候我收到個電話
內容係叫我番學 咁我就記得原來我今日係要番學校到影相到埋拎番我個學界獎牌
我諗呢個都應該係我最後一個以籃球隊員身份參加ge活動 所以我好快咁就搞掂哂d野番學
番到去影下集體照 同埋攞番我ge最後一個學界獎牌
望住呢塊銀牌 令我記得番我第一年打學界嗰時都係攞銀牌
諗番起係呢六年ge籃球隊生涯裏面ge一些點點滴滴
仲記得嗰時係速哥叫我去選拔ge ( 以前d新仔入籃球隊係要選拔ga ! )
就係咁我就入佐lu 咁係呢個籃球隊入面 好開心 經常有講有笑
不過嗰時練習就真係幾辛苦ga 熟完身都冇佐半條人命
不過亦都因為咁 我地ge體能亦都比其他學校ge好
係呢到真係要多謝 吳x速 冇錯佢份人係有d黑人憎ge
不過無可否認 我係佢一手訓練出黎ge 同埋佢真係好俾心機咁訓練我地呢班學生
所以點都好 佢都係我ge恩師 我點都要講句 : " 多謝 "
講完教練 就要講下隊友 嗰時我地成班人一齊由細打上黎
為著同一個目標 " 征戰多年 " 真係可以話感情深厚
只可惜同我同一期ge人 走下一個 走下又一個 去到上一年都已經離開哂勞校
得番我一個 今年起初感覺好似 " 老而不 " 咁仲係到阻住個地球轉
勞校今年換教練 球隊又大換血 起初都驚自己會融入唔到ga
不過果然係著住同一件校服大 今年一樣係玩得咁癲 一樣係咁投入
著住勞校ge波衫係球場上拼搏佐咁多年 我諗所留ge汗都夠洗下籃球場
我曾經上過領獎台最高的一級 但亦都試過連線都出唔到
親身經歷個呢幾年ge起起跌跌 笑過喊過跌過疼過之後又再打過
慢慢從呢d經歷之中 我學會了很多亦都成長了很多
我永遠都會記得 勞校ge籃球場 係我笑得最多ge地方
勞校的籃球隊員 以後就要睇你地啦
要記得 " 傳統勁旅 " 呢四個字 係之前咁多代人一齊打番黎ge成果
勞校 加油
|
