今日係學生會公佈日字，究竟係『直升GAY』定『ZONE GO』呢！

真係緊張，我投左邊個？我開頭都唔知投邊個好

有唸過投廢票，不過，唸唸下咁樣做，

又好似好衰，所以就咁就投左『ZONE GO』

我事後都唔知邊解投『ZONE GO』，唔投『直升GAY』

不過，最後都係『直升GAY』當選學生會，

梁智明老師一定好開心，XD!!!!

到左數學堂，梁智明老師就講左好多

關於學生會既野，仲播左首歌

『小孩夢』，搞到成班都係度笑，XD!!!!

但係唔知邊解搵唔到歌詞，

定係唔係叫小孩夢，我唔知道．．．．

今日又到Ｅ度，因為無咩好寫，８８

唉！之前突然唔記得個密碼，搞到好耐無上黎打日記，不過，突然今日記返起，所以就上黎啦！

今日岩岩返黎，又唔想打日記，就寫下個人介紹都好！

姓名：游承軒

性別：男

花名：游神仙

興趣：砌模型、聽舊歌、唱舊歌、捉棋

好友：陳惠樂(知己)、林霆峰、吳家明、陳賢威..........

鍾意咩科：數學、科學

鍾意邊個老師：梁智明老師、譚凱邦老師

特別興趣：鍾意聽、唱日文歌(不過我唔識日文)

鍾意咩運動：打籃球(得閒打下)

鍾意咩動畫：鋼之鍊金術師(係超鍾意)、Gundam

得閒做咩：畫下畫，睇下電視，上下網

MSN：[email protected]

ICQ：無

鍾意聽咩歌：舊歌

例如：傾心、海闊天空、愛到分離仍是愛、等、認錯........

歌手：男：張學友、林子祥、譚詠麟、陳百強

         女：林億蓮、陳淑樺、 葉倩文

      組合： Beyond

寫到Ｅ度，聽日再寫，88

今日，一朝早，起身就要補習，補左一個半鐘，補到我就黎死死下........跟著，我返屋企換件杉，拎個袋，就出門口。

到左市中心，已經12:28，我就跑去M記，就同Lok、Peter、霆峰，食下M記，吹下水，幾開心，係M記度，我地met到好多yot學生，M記好似比我地yot割讓左咁，哈哈哈，跟著，Peter就同我講佢尋日係學校補習Ｄ野，佢話：「個日，豬pet突然同佢講話叫佢唱日文歌，之後，Peter因為沙聲所以唔想唱，跟著郭梓謙話Peter唔識唱就唔好唱，點知，Peter唱左《電車男》同《無人惑星》之後，佢已經無野講」唉！Peter沙聲都唱得咁勁，真厲害！

之後，我地要參加中五、中七畢業典禮，悶死我啦！坐四、五個鐘，坐都坐我腳軟，好采，Peter坐我旁邊，我地傾下計、唱下日文歌，起碼無咁悶.................

返到屋企，又要補習，又補左一個半鐘，我真係死啦！.......................

今日無咩野做，一返到學校，就同Lok傾下計，Ｄ功課又做灑，Peter又好耐先返，都唔知做咩好...........

直到英文堂，Ms Lau叫我地同另一個學一齊分組做一張工作紙，我就同Peter一組，有Ｄ都唔識做，突然，有人大叫，跟著個個都望著尹柏迪同Tom，原來Tom彎身拾筆個陣，佢個動作好、十分、非常、極之、極度........................搞到尹柏迪縮都縮唔切，搞到佢好尷尬...........

到左lunch time，Peter、Ray同我到左７仔買完野就返學校，當然，我同Peter就同平時一樣，照舊係個位唱日文歌，不過，因為Peter尋日同佢阿媽淆交，搞到把聲有Ｄ沙沙地，但係，佢既功力仍然未退，唱《電車男》、《棋靈王》仍係咁勁，我都唔差，同佢一齊唱，好似變左『御宅族』咁= =''

唉！今日寫得咁多炸！希望聽日可以寫多Ｄ，唔係，係打多Ｄ，哈哈哈哈

今日，同平時一樣，七點起身，跟著返學，一返到班房，朱pet就同我講話要交普通話張工作紙，好采，原來聽日交都得，真係嚇到我心都跳出黎！唉，真好采！

到左lunch time，Lok、霆峰、Peter同我唔知點解唔想食野（體育堂之後都唔食野，神奇！），我地每人買左枝野飲，就返學校lu，返到學校，Lok同霆峰照舊無所事事咁坐係自己個位到，而我同Peter都係坐係個位到，但係，我地就同佢地有Ｄ分別，我同Peter就係個位唱日文歌，我估唔到Peter原來唱日文歌好勁，《電車男》、《鋼鍊》、《無人惑星》同《棋靈王》都好厲害，當然，我都唔差，跟著我地唱逐整個lunch time，真搞野，哈哈哈哈哈哈哈...................

放學之後，我同暘暘、Peter、Ken、Ray、昆叔............打波，我地打到6:00先走，真係開心！

希望聽日比今日更開心，哈哈哈哈哈哈哈哈哈